GPAT | జీ ప్యాట్‌ 2023
GRADUATE PHARMACY APTITUDE TEST | ఫార్మా.. దేశంలో శరవేగంగా విస్తరిస్తున్న రంగం. కొవిడ్‌ తర్వాత ఈ రంగం మరింత పుజుంకుంది. మానవజాతి ఉన్నంత వరకు ఈ రంగానికి ఢోకాలేదు. ఫార్మా పీజీ స్థాయి కోర్సుల్లో ప్రవేశాల కోసం నిర్వహించే జాతీయ స్థాయి ప్రవేశపరీక్ష జీ ప్యాట్‌-2023 ప్రకటన విడుదలైన నేపథ్యంలో వివరాలు సంక్షిప్తంగా నిపుణ పాఠకుల కోసం…
జీ ప్యాట్‌ 2023
- దేశవ్యాప్తంగా 870 ఫార్మా కాలేజీల్లో ప్రవేశం కోసం నిర్వహించే జాతీయస్థాయి పరీక్ష ‘గ్రాడ్యుయేట్‌ ఫార్మసీ ఆప్టిట్యూడ్‌ టెస్ట్‌’ – జీప్యాట్‌. ఈ పరీక్షను 2019 నుంచి నేషనల్‌ టెస్టింగ్‌ ఏజెన్సీ నిర్వహిస్తుంది.
కోర్సు: ఎం.ఫార్మా / తత్సమాన కోర్సు (పీజీస్థాయి)
ప్రవేశాలు కల్పించే సంస్థలు
- దేశవ్యాప్తంగా ఏఐసీటీఈ అనుమతి పొందిన సంస్థలు, విశ్వవిద్యాలయాలు, యూనివర్సిటీల అనుబంధ కాలేజీలు. దీనిలో భాగస్వామ్యం ఉన్న కొన్ని ప్రముఖ సంస్థలు.. నైపర్‌, మొహాలి, న్యూఢిల్లీలోని జామియా హాండార్డ్‌, చండీగఢ్‌-యూనివర్సిటీ ఆఫ్‌ ఫార్మాస్యూటికల్‌ సైన్సెస్‌, జాదవ్‌పూర్‌ యూనివర్సిటీ-కోల్‌కతా, ఇన్‌స్టిట్యూట్‌ ఆఫ్‌ కెమికల్‌ టెక్నాలజీ-ముంబై, డిపార్ట్‌మెంట్‌ ఆఫ్‌ ఫార్మాస్యూటిక్స్‌, ఐఐటీ బీహెచ్‌యూ-వారణాసి, మహారాజ సయాజీరావ్‌ యూనివర్సిటీ ఆఫ్‌ బరోడా-వడోదర, నైపర్‌-హైదరాబాద్‌, ఢిల్లీ ఇన్‌స్టిట్యూట్‌ ఆఫ్‌ ఫార్మాస్యూటికల్‌ సైన్సెస్‌ అండ్‌ రిసెర్చ్‌-న్యూఢిల్లీ, ఆంధ్రా యూనివర్సిటీ-విశాఖపట్నం తదితరాలు
ఎవరు అర్హులు…?
- గుర్తింపు పొందిన విశ్వవిద్యాలయం నుంచి ఫార్మసీలో బ్యాచిలర్‌ డిగ్రీ (ఇంటర్‌ తర్వాత నాలుగేండ్ల కోర్సు, లేటరల్‌ ఎంట్రీ విద్యార్థులు కూడా అర్హులే) లేదా బీఫార్మసీ (10+2+4) ఫైనల్‌ ఇయర్‌ పరీక్షలు రాయనున్నవారు/బీటెక్‌ (ఫార్మాస్యూటికల్‌ అండ్‌ ఫైన్‌ కెమికల్‌ టెక్నాలజీ) లేదా తత్సమానకోర్సు ఉత్తీర్ణులు.
నోట్‌: జీప్యాట్‌ రాసే అభ్యర్థులకు ఎటువంటి గరిష్ఠ వయోపరిమితి లేదు.
ఎంపిక ఎలా: దేశవ్యాప్తంగా నిర్వహించే కంప్యూటర్‌ బేస్డ్‌ టెస్ట్‌ ద్వారా
పరీక్ష విధానం: - ప్రశ్నపత్రం ఇంగ్లిష్‌లో మాత్రమే ఉంటుంది.
- పరీక్ష ఆబ్జెక్టివ్‌ విధానంలో నిర్వహిస్తారు. 3 గంటల
కాలవ్యవధి. 125 ప్రశ్నలు ఇస్తారు. మొత్తం 500 మార్కులకు పరీక్ష నిర్వహిస్తారు. ప్రతి సరైన జవాబుకు నాలుగు మార్కులు. నెగెటివ్‌ మార్కింగ్‌ విధానం ఉంది. ప్రతి తప్పు జవాబుకు 1 మార్కు కోత విధిస్తారు. - రాష్ట్రంలో పరీక్ష కేంద్రాలు హైదరాబాద్‌, వరంగల్‌, కరీంనగర్‌.
నోట్‌: జీప్యాట్‌ రాసేవారికోసం ఎన్‌టీఏ దేశవ్యాప్తంగా టెస్ట్‌ ప్రాక్టీస్‌ సెంటర్ల (టీపీసీ)ను ప్రారంభించింది. టీపీసీలో అభ్యర్థులకు అనుభవజ్ఞులైన ప్రొఫెషనల్‌ నోడల్‌ ఆఫీసర్‌, స్టాఫ్‌ అందుబాటులో ఉంటుంది. దీనికి సంబంధించిన వివరాలు ఎన్‌టీఏ వెబ్‌సైట్‌లో చూడవచ్చు.
ముఖ్యతేదీలు
- దరఖాస్తు: ఆన్‌లైన్‌లో
- చివరితేదీ: మార్చి 6
- ఫీజు: జనరల్‌/ఓబీసీలకు
- రూ.2200/-
- మహిళలు, ట్రాన్స్‌జెండర్లు (ఏ కేటగిరీ అయినా), ఎస్సీ, ఎస్టీ, పీహెచ్‌సీ (పురుష/మహిళ)- రూ.1100/-
- వెబ్‌సైట్‌: https:// gpat.nta.nic.in
కేశవపంతుల వేంకటేశ్వరశర్మ
