బాసర ట్రిపుల్‌ఐటీ రెండో జాబితా విడుదల
నిర్మల్‌ జిల్లా బాసర ట్రిపుల్‌ ఐటీలో 2022-23 విద్యా సంవత్సరానికిగాను మొదటి దశ కౌన్సెలింగ్‌లో గైర్హాజరైన 125 మంది విద్యార్థుల స్థానంలో కొత్తగా ఎంపిక చేసిన విద్యార్థుల జాబితాను ఆదివారం ట్రిపుల్‌ఐటీ డైరెక్టర్‌ సతీశ్‌కుమార్‌ విడుదల చేశారు. ఈనెల 7న వీరికి కౌన్సెలింగ్‌ నిర్వహించనున్నట్టు పేర్కొన్నారు. గ్లోబల్‌ కేటగిరీలో ఇతర రాష్ట్రాల వారికి ఈ నెల 12న కౌన్సెలింగ్‌ ఉంటుందని, పీహెచ్‌ విద్యార్థులకు ఈనెల 12న, క్యాప్‌ కోటా వారికి 13న, స్పోర్ట్‍ కేటగిరీ వారికి 14న సర్టిఫికెట్ల వెరిఫికేషన్‌, కౌన్సెలింగ్‌ నిర్వహించనున్నట్టు ఆయన తెలిపారు.
