‘కానిస్టేబుల్‌’కు మార్కులు కలపటం అబద్ధం
కానిస్టేబుల్‌ ప్రిలిమినరీ పరీక్ష ప్రశ్నాపత్రంలో తప్పులకు మార్కులంటూ అసత్య ప్రచారం జరుగుతున్నదని, అటువంటి వదంతులను ఎవరూ నమ్మొద్దని తెలంగాణ రాష్ట్రస్థాయి పోలీస్ నియామక మండలి (టీఎస్ఎల్పీఆర్బీ) చైర్మన్‌ వీవీ శ్రీనివాసరావు సోమవారం ఒక ప్రకటనలో కోరారు. త్వరలోనే అధికారికంగా ప్రిలిమినరీ పరీక్ష ‘కీ’ ని www.tslprb.inలో అప్‌లోడ్‌ చేస్తామని పేర్కొన్నారు. అభ్యర్థులు టీఎస్ఎల్పీఆర్బీ అధికారిక వెబ్‌సైట్‌, పత్రికా ప్రకటనలను మాత్రమే పరిగణనలోకి తీసుకోవాలని సూచించారు.
