హెచ్‌సీఎల్‌ జిగ్సా పోటీల్లో సంస్కృతి ప్రతిభ
పాన్‌ ఇండియా క్రిటికల్‌ రీజనింగ్‌ ఒలింపియాడ్‌ ‘హెచ్‌సీఎల్‌ జిగ్సా’ జాతీయస్థాయి పోటీలో హైదరాబాద్‌ పబ్లిక్‌ స్కూల్‌కు చెందిన 6వ తరగతి విద్యార్థిని సంస్కృతి కొండూరు సత్తా చాటారు. సోమవారం ప్రకటించిన ఈ పోటీ తుది ఫలితాల్లో సంస్కృతి జట్టు రన్నరప్‌గా నిలిచింది. దేశవ్యాప్తంగా 850కిపైగా పట్టణాల నుంచి 38 వేల మంది విద్యార్థులు ఈ పోటీలో పాల్గొన్నారు. తొలి క్వాలిఫైయింగ్‌ రౌండ్‌లో 97.31 శాతం స్కోర్‌తో అర్హత సాధించిన సంస్కృతి జట్టు, రెండో రౌండ్‌లో 300 జట్లతో పోటీ పడి టాప్‌-5లో స్థానం సంపాదించింది. తుది ఫలితాల్లో రన్నరప్‌గా నిలిచింది. హైదరాబాద్‌ నుంచి ఈ ఘనత సాధించిన ఏకైక విద్యార్థిని సంస్కృతి కావడం గమనార్హం.
