ఆర్మీ ర్యాలీ నమోదుకు తుది గడువు సెప్టెంబర్‌ 3

August 19, 2022 / 06:44 PM IST

అగ్నిపథ్‌ స్కీంలో భాగంగా నిర్వహించనున్న ఆర్మీ రిక్రూట్‌మెంట్‌ ర్యాలీ రిజిస్ట్రేషన్‌కు సెప్టెంబర్‌ 3న తుది గడువు అని ఆర్మీ ఉన్నతాధికారులు గురువారం ఒక ప్రకటనలో తెలిపారు. అభ్యర్థుల ఎంపిక ప్రక్రియ అక్టోబర్‌ 15 నుంచి 31 వరకు సూర్యాపేటలోని శ్రీ వెంకటేశ్వర డిగ్రీ కళాశాలలో ఉంటుందని పేర్కొన్నారు. అగ్నివీర్‌ జనరల్‌ డ్యూటీ, అగ్నివీర్‌ టెక్నికల్‌, అగ్నివీర్‌ క్లర్క్‍, అగ్నివీర్‌ స్టోర్‌ కీపర్‌ టెక్నికల్‌, అగ్నివీర్‌ ట్రేడ్స్‍మెన్‌ తదితర విభాగాల్లో ఖాళీలు ఉన్నట్టు వివరించారు. పదో తరగతి పాసైన వారు ఇందుకు అర్హులని తెలిపారు. అక్టోబర్‌ 1 నాటికి 23 ఏండ్లు నిండిన వారు www.joinindianarmy.nic.in ద్వారా దరఖాస్తు చేసుకోవాలని వారు సూచించారు.