పీహెచ్‌డీలో ప్రవేశాలకు దరఖాస్తుల ఆహ్వానం

June 3, 2022 / 06:36 PM IST

చెన్నై శివ్‌నాడార్‌ విశ్వవిద్యాలయం పీహెచ్‌డీలో ప్రవేశాలకు దరఖాస్తులు ఆహ్వానించింది. ఇంజనీరింగ్‌, కామర్స్‍, ఎకనామిక్స్‍, మ్యాథమెటిక్స్‍, ఫిజిక్స్‍, ఇంటర్‌ డిసిప్లినరీ రిసెర్చ్ లలో పీహెచ్‌డీలో ప్రవేశాలు కల్పిస్తున్నది. ఈ సంవత్సరం కొత్తగా ఇంగ్లిష్‌లో పీహెచ్‌డీ ప్రోగ్రామ్‌ను ప్రవేశపెట్టింది. ఇంగ్లిష్‌ లాంగ్వేజ్‌ టీచింగ్‌ (ఈఎల్‌టీ)తోపాటు కృత్రిమ మేధస్సు, మెషిన్‌ లెర్నింగ్‌, స్పీచ్‌ టెక్నాలజీ, డాటా సైన్స్‍, బయోమెట్రిక్స్‍ వంటి అనేక పీహెచ్‌డీ స్పెషలైజేషన్ల కోసం అభ్యర్థులు దరఖాస్తు చేసుకోవచ్చు.

పూర్తి వివరాలకు https://www. snuchennai.edu.in/research వెబ్‌సైట్‌లో సంప్రదించాలని సూచించింది. ఫుల్‌టైమ్‌ పీహెచ్‌డీ స్కాలర్లకు క్యాంపస్లో ఉచిత వసతితోపాటు నెలకు రూ.20,000 స్టెపెండ్‌, ఏడాదికి రూ. 25,000 కంటింజెన్సీ ఇవ్వనున్నట్టు పేర్కొన్నది. ఆసక్తి గల అభ్యర్థులు జూన్‌ 17వ తేదీలోగా ఆన్‌లైన్‌లో https://apply.snuchennai admissions.com వెబ్‌సైట్‌లో దరఖాస్తులు సమర్పించాలి.