ఇంటర్‌తో ఐఐఎంలోకి !
మేనేజ్‌మెంట్‌ కోర్సులను అందించడంలో ప్రతిష్ఠాత్మక సంస్థలుగా ఐఐఎంలు పేరుగాంచినవి. ఐఐఎం బోధ్‌గయ, జమ్ములో ఇంటర్‌తో ఇంటిగ్రేటెడ్‌ కోర్సులో ప్రవేశానికి నిర్వహించే ఎంట్రన్స్ టెస్ట్ నోటిఫికేషన్‌ను ఎన్‌టీఏ విడుదల చేసింది. మేనేజ్‌మెంట్‌ రంగంలో స్థిరపడాలనుకొనే వారికి ఇదొక సువర్ణావకాశం. ప్రస్తుతం ఆ కోర్సు వివరాలు నిపుణ పాఠకులకు సంక్షిప్తంగా….
ఐపీఎం
# ఇంటిగ్రేటెడ్‌ ప్రోగ్రామ్‌ ఇన్‌ మేనేజ్‌మెంట్‌ (ఐపీఎం). ఇది ఐదేండ్ల కోర్సు.
# ప్రస్తుత కాలానికి అవసరమైన సామాజిక స్పృహ కలిగిన మేనేజర్లను తయారుచేయడం దీని ప్రధాన ఉద్దేశం. సోషల్‌ సైన్సెస్, మేనేజ్‌మెంట్‌లో ప్రపంచస్థాయి పునాది కలిగిన విద్య ద్వారా మంచి మేనేజర్లు, నాయకులను తయారు చేయడం లక్ష్యంగా ఈ కోర్సును రూపొందించారు.
# ఈ కోర్సులో లాంగ్వేజ్‌ స్కిల్స్, ఓరల్‌ కమ్యూనికేషన్‌ స్కిల్స్, మేనేజ్‌మెంట్‌ స్టడీస్కు సంబంధించిన సబ్జెక్టులపై అవగాహన కల్పిస్తారు.
# ఐఐఎం బోధ్‌గయ, జమ్ము ఈ కోర్సును అందిస్తున్నాయి.
ఎవరు అర్హులు ?
# కనీసం 60 శాతం మార్కులతో ఇంటర్‌లో ఆర్ట్‍/సైన్స్ లేదా కామర్స్ లేదా సైన్స్ స్ట్రీమ్‌ గ్రూప్‌లో 2020, 2021లో ఉత్తీర్ణులైనవారు. 2022లో సెకండియర్‌ పరీక్షలు రాస్తున్న/రాసిన వారు కూడా దరఖాస్తు చేసుకోవచ్చు.
నోట్‌: ఎస్సీ, ఎస్టీ, పీహెచ్‌సీ కేటగిరీ అభ్యర్థులకు ఇంటర్‌లో కనీసం 55 శాతం మార్కులు వస్తే సరిపోతుంది.
ఎంపిక విధానం
# నేషనల్‌ టెస్టింగ్‌ ఏజెన్సీ (ఎన్‌టీఏ) నిర్వహించే జాయింట్‌ ఇంటిగ్రేటెడ్‌ ప్రోగ్రామ్‌ ఇన్‌ మేనేజ్‌మెంట్‌ అడ్మిషన్‌ టెస్ట్ (జిప్‌మ్యాట్‌)-2022 ద్వారా ప్రవేశాలు కల్పిస్తారు.
# కంప్యూటర్‌ బేస్డ్‍ టెస్ట్ (సీబీటీ) ద్వారా ఎంపిక చేస్తారు
# పరీక్షలో క్వాంటిటేటీవ్‌ ఆప్టిట్యూడ్‌ 33 ప్రశ్నలు- 132 మార్కులు
# డాటా ఇంటర్‌ప్రిటేషన్‌ అండ్‌ లాజికల్‌ రీజనింగ్‌ నుంచి 33 ప్రశ్నలు- 132 మార్కులు ఇస్తారు.
# వెర్బల్‌ ఎబిలిటీ &రీడింగ్‌ కాంప్రహెన్షన్‌- 34 ప్రశ్నలు- 136 మార్కులు వస్తాయి.
# మొత్తం 100 ప్రశ్నలు. 400 మార్కులు
# పరీక్ష కాలవ్యవధి 150 నిమిషాలు
ముఖ్యతేదీలు
#దరఖాస్తు: ఆన్‌లైన్‌లో
#చివరితేదీ: జూన్‌ 9
# పరీక్ష తేదీ: జూలై 3
# వెబ్‌సైట్‌: http://jipmat.nta. cbexams.com
…కేశవపంతుల వేంకటేశ్వరశర్మ
