26న ఎడ్‌సెట్‌
– హాజరుకానున్న 38 వేల మందికిపైగా విద్యార్థులు
– ఒకేరోజు 3 విడతల్లో పరీక్ష
తెలుగు రాష్ట్రాల్లో ఎడ్‌సెట్‌ ఈ నెల 26న నిర్వహించనున్నారు. తెలంగాణలో 39, ఏపీలోని కర్నూల్‌, విజయవాడలో పరీక్షా కేంద్రాలను ఏర్పాటు చేశారు. మొత్తం 38,091 మంది విద్యార్థులు పరీక్ష రాయనున్నారు. రెండు గంటల పాటు నిర్వహించే ఈ పరీక్షను ఒకేరోజు మూడు సెషన్లలో నిర్వహిస్తారు. ఉదయం 9 గంటలకు పరీక్ష ప్రారంభమవుతుందని, నిమిషం ఆలస్యమైనా విద్యార్థులను పరీక్షాకేంద్రాల్లోకి అనుమతించబోమని కన్వీనర్‌ ప్రొఫెసర్‌ రామకృష్ణ తెలిపారు. ప్రతిఒక్కరూ కొవిడ్‌ నిబంధనలు పాటించాలన్నారు. విద్యార్థులు తమ హాల్‌టికెట్లను https:// edcet.tsche.ac. in నుంచి డౌన్‌లోడ్‌ చేసుకోవాలని ఆయన కోరారు.
సెషన్ల వారీగా హాజరయ్యే విద్యార్థులు
సెషన్‌ హాజరయ్యే విద్యార్థులు
మొదటి సెషన్‌ 12,634
రెండో సెషన్‌ 12,732
మూడో సెషన్‌ 12,725
మొత్తం 38,091
పరీక్ష సమయాలు
మొదటి సెషన్‌ -ఉదయం 9 గంటల నుంచి 11 గంటలు
రెండో సెషన్‌ -మధ్యాహ్నం 12 : 30 గంటల నుంచి 2 : 30 గంటలు
మూడో సెషన్‌ – సాయంత్రం 4 గంటల నుంచి 6 గంటలు
