IIT Jam Notification | జాతీయ సంస్థలో మాస్టర్స్‌.. పరీక్ష ఎలా ఉంటుంది? ఎంపిక విధానం ఎలా…
జామ్‌-2024
జాతీయస్థాయిలో పేరుగాంచిన పలు విద్యాసంస్థల్లో మాస్టర్స్‌ (పోస్టు గ్రాడ్యుయేషన్‌) కోర్సుల్లో ప్రవేశాల కోసం ఏటా నిర్వహించే జామ్‌ ప్రకటన విడుదలైంది. ఈ పరీక్షలో వచ్చిన స్కోర్‌ ఆధారంగా ఐఐటీలు, ఐఐఎస్సీ, ఎన్‌ఐటీల్లో మాస్టర్స్‌, ఎమ్మెస్సీ -పీహెచ్‌డీ కోర్సుల్లో ప్రవేశాలను ఈ టెస్ట్‌ ద్వారా కల్పిస్తారు. జామ్‌-2024 నోటిఫికేషన్‌ వివరాలు సంక్షిప్తంగా…
జామ్‌ (Joint Admission Test)
- జాయింట్‌ అడ్మిషన్‌ టెస్ట్‌. ఈ పరీక్షను ఐఐటీల్లో ఎమ్మెస్సీ, పీహెచ్‌డీ తదితర కోర్సుల్లో ప్రవేశాల కోసం నిర్వహిస్తారు. ఈ పరీక్షను 2004-05 నుంచి ఐఐటీలు జామ్‌ను నిర్వహిస్తున్నాయి. ఈ టెస్ట్‌ ద్వారా ఎమ్మెస్సీ (రెండేండ్లు), ఎమ్మెస్సీ (టెక్‌), ఎంఎస్‌ (రీసెర్చ్‌), ఎమ్మెస్సీ-ఎంటెక్‌ డ్యూయల్‌ డిగ్రీ, జాయింట్‌ ఎమ్మెస్సీ-పీహెచ్‌డీ, ఎమ్మెస్సీ-పీహెచ్‌డీ ఇతర పోస్ట్‌-బ్యాచిలర్‌ డిగ్రీ ప్రోగ్రామ్స్‌లో ప్రవేశాలు కల్పిస్తారు.
- యూజీ లెవల్‌ సైన్స్‌ ఎడ్యుకేషన్‌కు జామ్‌ బెంచ్‌మార్క్‌గా పరిగణిస్తారు.
- సీట్ల సంఖ్య: ఐఐటీల్లో సుమారు 3000 సీట్లు ఉన్నాయి. వీటితోపాటు ఎన్‌ఐటీలు, ఐసర్‌, ఐఐఎస్‌ఈటీ తదితర సంస్థల్లో సుమారు 2000 వరకు సీట్లు ఉన్నాయి.
- దేశవ్యాప్తంగా 100 పట్టణాల్లో పరీక్ష నిర్వహించనున్నారు.
ప్రవేశాలు కల్పించే సంస్థలు
- ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ (ఐఐటీ)- భిలాయ్‌, భువనేశ్వర్‌, బాంబే, ఢిల్లీ, ధన్‌బాద్‌, గాంధీనగర్‌, గువాహటి, హైదరాబాద్‌, ఇండోర్‌, జమ్మూ, జోధ్‌పూర్‌, కాన్పూర్‌, ఖరగ్‌పూర్‌, మద్రాస్‌, మండి, పాలక్కడ్‌, పట్నా, రూర్కీ, రోపర్‌, తిరుపతి, వారణాసి. బెంగళూరులోని ఇండియన్‌ ఇన్‌స్టిట్యూట్‌ ఆఫ్‌ సైన్స్‌.
నోట్‌: పై విద్యా సంస్థలతో పాటు నిట్‌, శిబ్‌పూర్‌లోని ఐఐఈఎస్‌టీ, పంజాబ్‌లోని ఎస్‌ఎల్‌ఐఈటీ, ఐఐఎస్‌ఈఆర్‌ (ఐసర్‌)లు జామ్‌ స్కోర్‌ ఆధారంగా ఎమ్మెస్సీ/ఎమ్మెస్సీ (టెక్‌) ప్రవేశాలు కల్పిస్తాయి. దీని కోసం సీసీఎంఎన్‌ ద్వారా కామన్‌ కౌన్సెలింగ్‌ నిర్వహిస్తారు.
నోట్‌: జామ్‌ -2024ను ఐఐటీ మద్రాస్‌ నిర్వహిస్తుంది.
పరీక్ష విధానం
- ఏడు సబ్జెక్టుల్లో దీన్ని నిర్వహించనున్నారు. వీటిని టెస్ట్‌ పేపర్లుగా పిలుస్తారు. బయోటెక్నాలజీ (బీటీ), కెమిస్ట్రీ (సీవై), ఎకనామిక్స్‌ (ఈఎన్‌), జియాలజీ (జీజీ), మ్యాథమెటిక్స్‌ (ఎంఏ), మ్యాథమెటికల్‌ స్టాటిస్టిక్స్‌ (ఎంఎస్‌), ఫిజిక్స్‌ (పీహెచ్‌).
- జామ్‌ కంప్యూటర్‌ బేస్డ్‌ టెస్ట్‌. ఆన్‌లైన్‌ పద్ధతిలో దీన్ని నిర్వహిస్తారు.
- పరీక్ష పూర్తిగా ఆబ్జెక్టివ్‌ విధానంలో ఉంటుంది. దీనిలో మల్టిపుల్‌ చాయిస్‌ (ఎంసీక్యూ), మల్టిపుల్‌ సెలక్ట్‌
(ఎంఎస్‌క్యూ), న్యూమరికల్‌ ఆన్సర్‌ టైప్‌ ప్రశ్నలు ఇస్తారు. - పరీక్ష కాలవ్యవధి మూడు గంటలు
- మొత్తం 60 ఆబ్జెక్టివ్‌ ప్రశ్నలు ఇస్తారు. 100 మార్కులకు పరీక్ష ఉంటుంది
ఎవరు రాయవచ్చు ?
- గుర్తింపు పొందిన విశ్వవిద్యాలయం నుంచి సంబంధిత సబ్జెక్టుల్లో బ్యాచిలర్‌ డిగ్రీ ఉత్తీర్ణులై ఉండాలి. డిగ్రీలో కనీసం 55 శాతం మార్కులు లేదా తత్సమానమైన సీజీపీఏ వచ్చి ఉండాలి. ఎస్సీ, ఎస్టీ, పీహెచ్‌సీలకు 50 శాతం మార్కులు ఉంటే సరిపోతుంది.
- ప్రస్తుతం డిగ్రీ ఫైనల్‌ ఇయర్‌ పరీక్షలు రాయనున్నవారు కూడా దరఖాస్తు చేసుకోవచ్చు
- వయస్సు: ఎటువంటి గరిష్ఠ వయోపరిమితి లేదు
పరీక్ష విధానం
- మల్టిపుల్‌ చాయిస్‌ క్వశ్చన్స్‌, మల్టిపుల్‌ సెలెక్ట్‌ క్వశ్చన్స్‌, న్యూమరికల్‌ ఆన్సర్‌ టైప్‌ ప్రశ్నలు ఇస్తారు.
- అభ్యర్థులు ఒకటి లేదా రెండు టెస్ట్‌ పేపర్లను రాసుకోవచ్చు
- అయితే అవి పరీక్ష షెడ్యూల్‌లో అనుమతించిన విధంగా ఎంపిక చేసుకోవాలి.
- రాష్ట్రంలో పరీక్ష కేంద్రాలు: హైదరాబాద్‌, కరీంనగర్‌, వరంగల్‌, ఖమ్మం
ముఖ్యతేదీలు
దరఖాస్తు: ఆన్‌లైన్‌లో
చివరితేదీ: అక్టోబర్‌ 13
అడ్మిట్‌ కార్డులు: 2024, జనవరి 8 నుంచి
అందుబాటులో ఉంటాయి
పరీక్షతేదీ: 2024 ఫిబ్రవరి 11
ఫలితాల వెల్లడి: 2024, మార్చి 22
వెబ్‌సైట్‌: https://jam.iitm.ac.in
పూర్తి వివరాల కోసం
కాంటాక్ట్‌ నంబర్‌: (044) 2257 8200
ఈ-మెయిల్‌ ఐడీ: jam@iitm.ac.in
చిరునామా
The Chairperson, JAM 2024
GATE – JAM Office,
IIT Madras, Chennai,
Tamil Nadu – 600036.
కేశవపంతుల వేంకటేశ్వరశర్మ
