Telangana projects | తెలంగాణ ప్రాజెక్టులు ప్రత్యేకతలు

నాగార్జునసాగర్ ప్రాజెక్ట్

-ఈ ప్రాజెక్టును ఖోస్లా కమిటీ సూచనల మేరకు నల్లగొండ జిల్లాలోని నందికొండ గ్రామం వద్ద నిర్మించారు.
-దీన్ని 1955, డిసెంబర్ 10న ప్రారంభించారు.
-ఈ డ్యామ్ పొడవు 1500 మీ., ఎత్తు 124 మీ.
-ఈ ప్రాజెక్టు పరివాహక ప్రాంతం 2.15 లక్షల చ.కి.మీ.
-ఈ ప్రాజెక్టు కింద 10 లక్షల ఎకరాలకుపైగా సాగవుతుంది.

మూసీ ప్రాజెక్టు

-నల్లగొండ జిల్లా కేతేపల్లి మండలంలో మూసీ నదిపై దీన్ని నిర్మించారు.
-దీన్ని 1954లో ప్రారంభించి 1961లో పూర్తిచేశారు.
-దీని ప్రధాన కాలువ 64 కి.మీ. పొడవు ఉంది.
-దీని కుడి కాలువ 31 కి.మీ., ఎడమ కాలువ 34 కి.మీ. ఉంటుంది.
-ఈ ప్రాజెక్టు కింద 30 వేల ఎకరాలు సాగవుతున్నాయి.

అలీసాగర్ ప్రాజెక్టు

-గోదావరి నదిపై నిజామాబాద్ జిల్లా నవీపేట మండలం కోసి వద్ద మొదటి పంప్‌హౌజ్‌ను నిర్మించారు.
-రెండో పంప్‌హౌజ్‌ను రెంజల్ మండలంలోని తాడ్‌బిలోలిలో, మూడో పంప్‌హౌజ్‌ను ఎడపల్లి మండలంలోని జాన్కంపేటలో నిర్మించారు.

రీరామ్‌సాగర్ ప్రాజెక్టు

-నిజామాబాద్ జిల్లాలోని పోచంపాడు వద్ద గోదావరి నదిపై నిర్మించారు.
-ఈ ప్రాజెక్టుకు 1963లో అప్పటి ప్రధాని జవహర్‌లాల్ నెహ్రూ శంకుస్థాపన చేశారు.
-1978లో పూర్తయిన ఈ ప్రాజెక్టును అప్పటి సీఎం మర్రి చెన్నారెడ్డి ప్రారంభించారు.
-ఈ ప్రాజెక్టు కింద ఖరీఫ్‌లో 9.5 లక్షల ఎకరాలు, రబీలో 7 లక్షల ఎకరాలు సాగవుతున్నాయి.

నిజాం సాగర్

-మంజీర నదిపై సంగారెడ్డి జిల్లాలోని బంజపల్లి వద్ద దీన్ని నిర్మించారు.
-1923లో నిజాం నవాబు మీర్ ఉస్మాన్ అలీఖాన్ ఆదేశాల మేరకు ఈ ప్రాజెక్టును చేపట్టారు.
-1931లో ఈ ప్రాజెక్టు నిర్మాణం నవాబ్ అలీ నవాజ్‌జంగ్ బహదూర్ పర్యవేక్షణలో పూర్తయింది.
-58 టీఎంసీల సామర్థ్యంతో నిర్మితమైన ఈ ప్రాజెక్టు 2.31 లక్షల ఎకరాలకు నీరందిస్తుంది.

అర్గుల రాజారామ్ ఎత్తిపోతల పథకం (గుత్ప)

-నిజామాబాద్ జిల్లా నందిపేట మండలం ఉమ్మెడ వద్ద గోదావరి నదిపై మొదటి పంప్‌హౌజ్‌ను నిర్మించారు.
-రెండో పంప్‌హౌజ్‌ను మోర్తాడ్ మండలంలోని ధర్మారం వద్ద నిర్మించారు.

ప్రియదర్శిని జూరాల ప్రాజెక్టు

-జోగుళాంబ గద్వాల జిల్లా ధరూరు మండలంలోని రావులపల్లి వద్ద కృష్ణా నదిపై ఈ ప్రాజెక్టు ఉంది.
-1984లో 11 టీఎంసీల సామర్థ్యంతో ఈ ప్రాజెక్టును నిర్మించారు.
-ఈ ప్రాజెక్టు ఎడమ (ఎన్టీఆర్ కాలువ) కాలువ కింద 26,103 హెక్టార్లు, కుడి (నల్ల సోమాద్రి కాలువ) కాలువ కింద 15,257 హెక్టార్లు సాగవుతున్నాయి.
-అంతేకాకుండా ఈ ప్రాజెక్టు ద్వారా 221.40 మెగావాట్ల విద్యుత్ ఉత్పత్తి అవుతుంది.

రాజోలిబండ మళ్లింపు పథకం (ఆర్డీఎస్)

-ఈ ప్రాజెక్టును తుంగభద్రా నదిపై కర్ణాటకలోని రాయచూర్ జిల్లా మన్ని తాలూకాలోని రాజోలిబండ వద్ద నిర్మించారు.
-దీన్ని నిజాం కాలంలో 1946లో ప్రారంభించి, 1958లో పూర్తిచేశారు.
-ఈ ప్రాజెక్టు నీరు గద్వాల మండలంలోని 8 గ్రామాలకు, అలంపూర్ మండలంలోని 67 గ్రామాలకు అందుతుంది.

కడెం రిజర్వాయర్

-ప్రస్తుత నిర్మల్ జిల్లా కడెం మండలంలోని పెద్దూరు గ్రామం వద్ద ఈ ప్రాజెక్టును నిర్మించారు.
-ఈ ప్రాజెక్టు ద్వారా 13.243 టీఎంసీల నీటిని వినియోగిస్తున్నారు.

లోయర్ మానేర్ డ్యామ్

-ఇది కరీంనగర్ జిల్లాలోని గోదావరి నది ఉపనది అయిన మానేరు నదిపై ఉంది.
-దీని నిర్మాణం 1985లో పూర్తయింది.

సింగూరు ప్రాజెక్టు

-ఈ ప్రాజెక్టును సంగారెడ్డి జిల్లా సింగూరు గ్రామం వద్ద నిర్మించారు.
-దీని సామర్థ్యం 30 టీఎంసీలు
-దీని ద్వారా 40,000 ఎకరాలు సాగవుతున్నాయి.
-ఈ ప్రాజెక్టు ద్వారా 15 మెగావాట్ల విద్యుత్ ఉత్పత్తి అవుతుంది.

నెట్టెంపాడు ఎత్తిపోతల పథకం

-దీనికి 2005లో శంకుస్థాపన చేశారు.
-ఈ ప్రాజెక్టు జోగుళాంబ గద్వాల జిల్లా ధరూరు మండలంలోని ఉప్పేరు గ్రామం వద్ద ఉంది.
-దీని ఆయకట్టు 2 లక్షల ఎకరాలు.

కోయిల్ సాగర్ ప్రాజెక్టు

-ఈ ప్రాజెక్టును మహబూబ్‌నగర్ జిల్లా దేవరకద్ర మండలం బొల్లారం వద్ద ఉన్న పెద్దవాగుపై నిర్మించారు.
-దీని నిర్మాణం 1954లో పూర్తయింది.
-దీని ద్వారా 50,250 ఎకరాలకు సాగునీరందుతుంది.

కంతానపల్లి సుజల స్రవంతి ప్రాజెక్టు

-ఈ ప్రాజెక్టును జయశంకర్ భూపాలపల్లి జిల్లా కంతానపల్లిలో గోదావరి నదిపై నిర్మిస్తున్నారు.

దేవాదుల ఎత్తిపోతల పథకం

-ఈ ప్రాజెక్టును జయశంకర్ భూపాలపల్లి జిల్లాలోని పాలంపేట వద్ద నిర్మించారు.
-దీని ఆయకట్టు 6.21 లక్షల ఎకరాలు

కాళేశ్వరం (మేడిగడ్డ) ఎత్తిపోతల పథకం

-ఈ ప్రాజెక్టును జయశంకర్ భూపాలపల్లి జిల్లా మహదేవ్‌పూర్ మండలంలోని కన్నేపల్లి గ్రామం వద్ద గోదావరి నదిపై నిర్మిస్తున్నారు.
-దీని ఆయకట్టు 45,000 ఎకరాలు
-సుమారు 235 టీఎంసీల నీటిని ఎత్తిపోయడమే దీని లక్ష్యం.

శ్రీపాదసాగర్ (ఎల్లంపల్లి) ప్రాజెక్టు

-ఈ ప్రాజెక్టుకు 2004, జూలై 28న శంకుస్థాపన చేశారు. ఇంకా పూర్తికాలేదు.

సీతారామా లిఫ్ట్ ఇరిగేషన్

-ఈ ప్రాజెక్టును భద్రాద్రి కొత్తగూడెం జిల్లా టేకులపల్లి మండంలోని రాళ్లపాడు వద్ద నిర్మించనున్నారు.
-దీన్ని 2016, ఫిబ్రవరి 16న సీఎం కేసీఆర్ ప్రారంభించారు.
-50 టీఎంసీల గోదావరి నీటిని ఎత్తిపోయడమే ఈ ప్రాజెక్టు లక్ష్యం.

ప్రణాళిక దశలో ఉన్న భారీనీటి పారుదల ప్రాజెక్టులు

పాలమూరు-రంగారెడ్డి ఎత్తిపోతల ప్రాజెక్టు

-మహబూబ్‌నగర్ జిల్లా భూత్పూర్ మండలంలోని కరివెన వద్ద ఈ ప్రాజెక్టును నిర్మిస్తున్నారు.
-దీనికి 2015, జూన్ 11న సీఎం కేసీఆర్ శంకుస్థాపన చేశారు.
-జూరాల ప్రాజెక్టు వద్ద కృష్ణానది నుంచి 70 టీఎంసీల వరద నీటిని ఎత్తిపోయడం ఈ ప్రాజెక్టు లక్ష్యం.
-దీని ద్వారా మహబూబ్‌నగర్ జిల్లాలో 7 లక్షల ఎకరాలకు, రంగారెడ్డి జిల్లాలో 2.7 లక్షల ఎకరాలకు, నల్లగొండ జిల్లాలో 0.3 లక్షల ఎకరాలకు సాగునీరందనున్నది.

డిండి ఎత్తిపోతల పథకం

-ఈ ప్రాజెక్టును నల్లగొండ జిల్లా శివన్నగూడెం శివారులోని చర్లగూడెం చెరువు వద్ద నిర్మిస్తున్నారు.
-దీనికి 2015, జూన్ 12న సీఎం కేసీఆర్ శంకుస్థాపన చేశారు.
-దీనిద్వారా 3.68 లక్షల ఎకరాలకు సాగునీటిని అందించనున్నారు.

గూడెం ఎత్తిపోతల పథకం

-ఆదిలాబాద్ జిల్లా దండేపల్లి మండలంలో ఈ ప్రాజెక్టును నిర్మించనున్నారు.
-దీనికి 2015, జూలై 5న సీఎం కేసీఆర్ శంకుస్థాపన చేశారు.
-ఈ ప్రాజెక్టు సామర్థ్యం 3 టీఎంసీలు.

నక్కలగండి ప్రాజెక్టు

-శ్రీశైలం ప్రాజెక్టు నుంచి తవ్వుతున్న లెఫ్ట్‌బ్యాంక్ కాలువ సొరంగం నుంచి 30 టీఎంసీల నీటిని వినియోగించుకోవడం కోసం ఈ ప్రాజెక్టును నిర్మిస్తున్నారు.
-దీనిద్వారా నల్లగొండ, మహబూబ్‌నగర్ జిల్లాల్లోని సుమారు 3.41 లక్షల ఎకరాలకు సాగునీరు అందనున్నది.

భక్త రామదాసు ఎత్తిపోతల పథకం

-ఖమ్మం జిల్లా తిరుమలాయపాలెంలో ఈ ప్రాజెక్టును నిర్మించనున్నారు.
-2016, ఫిబ్రవరి 16న సీఎం కేసీఆర్ దీనికి శంకుస్థాపన చేశారు.
-దీనిద్వారా పాలేరు నియోజకవర్గంలోని 59,000 ఎకరాలకు సాగునీరు అందనున్నది.

అంబేద్కర్ ప్రాణహిత-చేవెళ్ల ప్రాజెక్టు

-ఏడు జిల్లాలకు 180 టీఎంసీల గోదావరి నీటిని వినియోగించే లక్ష్యంతో దీన్ని నిర్మించనున్నారు.
-దీనిద్వారా 16.40 లక్షల ఎకరాలు సాగులోకి రానుంది.

మధ్య, చిన్నతరహా నీటి ప్రాజెక్టులు

బొగ్గులవాగు ప్రాజెక్టు

-ఈ ప్రాజెక్టును జయశంకర్ భూపాలపల్లి జిల్లా మల్వర్‌రావు మండంలోని రుద్రారం గ్రామం వద్ద నిర్మించారు.
-దీన్ని 1976-77లో ప్రారంభించి 1987లో పూర్తిచేశారు.
-దీనిద్వారా 5150 ఎకరాలకు సాగునీరందుతుంది.

గుండ్లవాగు ప్రాజెక్టు

-దీన్ని జయశంకర్ భూపాలపల్లి జిల్లా వాజేడు మండలంలోని ప్రగలపల్లి గ్రామం వద్ద 1976-77లో నిర్మించారు.
-దీనిద్వారా 2580 ఎకరాలకు సాగునీరందుతుంది.

రామప్ప చెరువు

-జయశంకర్ భూపాలపల్లి జిల్లా పాలంపేట మండలంలో రామప్ప చెరువు ఉన్నది.
-ఈ చెరువును మేడి, పోలవాగులపై కాకతీయ రాజు గణపతి దేవుని కాలంలో రేచర్ల రుద్రుడు నిర్మించాడు.

లక్నవరం చెరువు

-జయశంకర్ భూపాలపల్లి జిల్లాలో ఉన్న లక్కవరం సరస్సును పది వేల ఎకరాల విస్తీర్ణంలో కాకతీయ రాజులు 600 ఏండ్ల క్రితం నిర్మించారు.
-ఈ సరస్సులో చిన్నచిన్న ద్వీపాలు 13 ఉండగా, అందులో మూడు ద్వీపాలను కలుపుతూ సస్పెన్షన్ బ్రిడ్జిని నిర్మించారు.

పాకాల

-వరంగల్ రూరల్ జిల్లా ఖానాపూర్ మండలం అశోక్‌నగర్ సమీపంలో మున్నేరు వాగుపై నిర్మించారు.
-ఖానాపూర్, నర్సంపేట మండలాల పరిధిలో 18,193 ఎకరాలకు నీటిని అందిస్తుంది.

చలివాగు ప్రాజెక్టు

-ఈ ప్రాజెక్టు వరంగల్ రూరల్ జిల్లాలో ఉన్నది.

బయ్యారం చెరువు

-ఈ చెరువు మహబూబాబాద్ జిల్లాలో ఉన్నది. ఈ చెరువును కాకతీయ చక్రవర్తి గణపతి దేవుని సోదరి మైలాంబ నిర్మించారు.

పెద్దచెరువు

-కంబాలపల్లిలో గల పెద్ద చెరువును కాకతీయుల కాలంలో నిర్మించారు.

బీఎన్‌గుప్తా (తులారం) ప్రాజెక్టు

-మహబూబాబాద్ జిల్లా బయ్యారం మండలం వినోబానగర్ సమీపంలో ఈ ప్రాజెక్టు ఉన్నది.

గడ్డెన్న వాగు

-నిర్మల్ జిల్లా భైంసా పట్టణానికి సమీపంలో సుద్దవాగుపై గడ్డెన్నవాగు ప్రాజెక్టును నిర్మించారు.
-14 వేల ఎకరాల్లో సాగునీరుతోపాటు భైంసా నగర పంచాయతీతో సహా 19 గ్రామాలకు తాగునీరు అందించాలని ప్రాజెక్టు నిర్మించారు.

సరస్వతి కాలువ

-నిర్మల్ జిల్లాలోని నిర్మల్ మండలం పాకపట్ట శివారు గ్రామం గాంధీనగర్ వద్ద ఈ కాలువ ప్రారంభమవుతుంది.
-ఆయకట్టు 35,735 ఎకరాలు. నిర్మల్, లక్ష్మణ్‌చాందా, ఖానాపూర్, కడెం మండలాల్లోని 64 గ్రామాలకు సాగునీరు అందుతుంది.

కుమ్రంభీం (అడ్డ) ప్రాజెక్టు

-కుమ్రం భీం ఆసిఫాబాద్ జిల్లా ఆసిఫాబాద్ మండలం అడ్డ గ్రామం వద్ద పెద్దవాగుపై ఈ ప్రాజెక్టును నిర్మించారు.

తుమ్మిడిహట్టి ప్రాజెక్టు

-ప్రాణహిత నదిపై ఈ ప్రాజెక్టును నిర్మిస్తున్నారు.
-నిల్వ సామర్థ్యం 1.8 టీఎంలు. సిర్పూర్, కాగజ్‌నగర్, ఆసిఫాబాద్, చెన్నూర్, బెల్లంపల్లి నియోజకవర్గాల్లో రెండు లక్షల ఎకరాలకు సాగునీరు అందించనున్నారు.

వట్టివాగు ప్రాజెక్టు

-కుమ్రం భీం ఆసిఫాబాద్ మండలంలోని పహాడీబండ గ్రామం సమీపంలో వట్టివాగుపై 1976లో ఈ ప్రాజెక్టును నిర్మించారు.

ఎన్టీఆర్ సాగర్ ప్రాజెక్టు (చెలిమెల ప్రాజెక్టు)

-ఆసిఫాబాద్ జిల్లా తిర్యాని మండలం ఇర్కపల్లి గ్రామ సమీపంలోని చెలిమెలవాగు వద్ద ఈ ప్రాజెక్టును నిర్మించారు.