నేషనల్ బయోడైవర్సిటీ అథారిటీ

May 16, 2022 / 05:13 PM IST

ఈ సంస్థను కేంద్ర ప్రభుత్వం 2003లో ఏర్పాటుచేసింది.
-బయోడైవర్సిటీ చట్టం 2002 ఆధారంగా ఈ సంస్థ ఏర్పడింది.
-దీని ప్రధాన కార్యాలయం చెన్నైలో ఉంది.
-ఈ చట్టం ప్రధాన లక్ష్యం ప్రకృతి వనరుల సుస్థిర వినియోగం, వనరులు, జీవ వైవిధ్య సాంకేతికతను నిజాయితీతో సమానంగా పంపిణీ చేయటం.
-నేషనల్ బయోడైవర్సిటీ అథారిటీ నిర్మాణం మూడు అంచెలుగా ఉంటుంది.
-బయోడైవర్సిటీ చట్టం-2002ను అమలుచేయటంలో ఈ సంస్థ స్వయంప్రతిపత్తితో పనిచేస్తుంది. జీవ వైవిధ్యానికి సంబంధించి దేశం నలుమూలల ఉన్న స్థానిక మానవ జాతులు తరతరాలుగా కాపాడుకొంటూ వస్తున్న మేధో సంపదను గౌరవించి, కాపాడటం ఈ సంస్థ విధుల్లో ఒకటి.
-జీవ వైవిధ్య సంరక్షులుగా ఉన్న స్థానిక జాతులకు, ప్రకృతి వనరుల వినియోగదారులకు మధ్య వనరులను సమానంగా పంపిణీ జరిగేటట్లు ఈ అథారిటీ పర్యవేక్షణ చేస్తుంది.
-అంతరించే దశలో ఉన్న జీవజాతులను రక్షించటం, జీవ వైవిధ్య పరిరక్షణలో రాష్ర్టాల సంస్థలను భాగస్వాములను చేస్తుంది.