SBI PO Recruitment | డిగ్రీతో ఎస్‌బీఐలో పీవో పోస్టులు

SBI PO Recruitment | దేశంలో అతిపెద్ద బ్యాంకుగా పేరుగాంచిన స్టేట్‌ బ్యాంక్‌ ఆఫ్‌ ఇండియా (ఎస్‌బీఐ)లో కేవలం డిగ్రీ అర్హతతో పీవో పోస్టుల భర్తీకి ప్రకటన విడుదలైంది. ప్రిలిమ్స్‌, మెయిన్స్‌, ఇంటర్వ్యూ ఆధారంగా ఎంపిక చేస్తారు. ప్రస్తుతం రెండువేల పోస్టుల భర్తీకి ప్రకటన విడుదలైన నేపథ్యంలో ఆ వివరాలు సంక్షిప్తంగా…

• మొత్తం ఖాళీలు: 2000 ( వీటిలో ఎస్సీ-300, ఎస్టీ-150, ఓబీసీ- 540, ఈడబ్ల్యూఎస్‌-200, జనరల్‌- 810 ఖాళీలు ఉన్నాయి. పీహెచ్‌సీ కోటాలో వీఐ-20, హెచ్‌ఐ-36, ఎల్‌డీ-20, డీ అండ్‌ ఈఈ-36 పోస్టులను కేటాయించారు.)
• పోస్టు: ప్రొబేషనరీ ఆఫీసర్‌ (పీవో)
• జీతభత్యాలు: ప్రారంభ వేతనం రూ. 41,960 (నాలుగు అడ్వాన్స్‌ ఇంక్రిమెంట్స్‌తో)
• పేస్కేల్‌: రూ.36,000-63,840/- వీటితోపాటు అదనంగా డీఏ, హెచ్‌ఆర్‌ఏ, సీసీఏ, పీఎఫ్‌ తదితరాలు ఉంటాయి.

ఎంపిక విధానం

• ప్రిలిమినరీ, మెయిన్స్‌, ఇంటర్వ్యూ ఆధారంగా చేస్తారు.
  ప్రిలిమినరీ పరీక్ష
• ఇది ఆబ్జెక్టివ్‌ విధానంలో నిర్వహిస్తారు
• దీనిలో మూడు సెక్షన్లు ఉంటాయి
• మొత్తం 100 మార్కులకు పరీక్ష ఉంటుంది
• పరీక్ష కాలవ్యవధి 60 నిమిషాలు (గంట)
• పరీక్షలో ఇంగ్లిష్‌ లాంగ్వేజ్‌ నుంచి 30, క్వాంటిటేటివ్‌ ఆప్టిట్యూడ్‌-35, రీజనింగ్‌ ఎబిలిటీ- 35 ప్రశ్నలు ఇస్తారు. ప్రతి సెక్షన్‌కు 20 నిమిషాల సమయం కేటాయించారు.
• ప్రిలిమ్స్‌లో సెక్షన్‌లో కటాఫ్‌ లేదు.
  మెయిన్‌ ఎగ్జామినేషన్‌
• ప్రిలిమినరీ ఎగ్జామ్‌లో వచ్చిన మార్కుల ఆధారంగా ఒక్కో పోస్టుకు సుమారు 10 మంది చొప్పున
  మెయిన్‌కు ఎంపిక చేస్తారు.
• మెయిన్‌ పరీక్షలో ఆబ్జెక్టివ్‌ పరీక్ష 200 మార్కులు, డిస్క్రిప్టివ్‌ పేపర్‌ 50 మార్కులకు ఉంటుంది
• మెయిన్‌ ఆబ్జెక్టివ్‌ పరీక్షలో
  నాలుగు సెక్షన్లు ఉంటాయి.
• రీజనింగ్‌&కంప్యూటర్‌ ఆప్టిట్యూడ్‌ నుంచి 40 ప్రశ్నలు- 50 మార్కులు, డేటా అనాలిసిస్‌ & ఇంట్రప్రిటేషన్‌- 30 ప్రశ్నలు- 50 మార్కులు, జనరల్‌ ఎకానమీ/బ్యాంకింగ్‌ అవేర్‌నెస్‌- 50 ప్రశ్నలు- 60 మార్కులు, ఇంగ్లిష్‌ లాంగ్వేజ్‌ నుంచి – 35 ప్రశ్నలు-40 మార్కులు.
• మొత్తం 155 ప్రశ్నలు- 200 మార్కులు
• పరీక్ష కాలవ్యవధి 3 గంటలు

ఎవరు అర్హులు ?

• గుర్తింపు పొందిన విశ్వవిద్యాలయం నుంచి ఏదైనా డిగ్రీ ఉత్తీర్ణులైన వారు.
  అదేవిధంగా ప్రస్తుతం ఫైనల్‌ ఇయర్‌/ఫైనల్‌ సెమిస్టర్‌ పరీక్షలు రాయనున్నవారు 2023, డిసెంబర్‌ 31లోగా ఉత్తీర్ణత సాధించేవారు కూడా
  దరఖాస్తు చేసుకోవచ్చు. మెడికల్‌, ఇంజినీరింగ్‌, సీఏ, కాస్ట్‌ అకౌంటెంట్‌ తదితర డిగ్రీలు చేసిన వారు కూడా దరఖాస్తు చేసుకోవచ్చు.
• నోట్‌: అభ్యర్థులు బ్యాంకులు/ఎన్‌ఎఫ్‌బీసీలకు సంబంధించి
  పేమెంట్‌లో డిఫాల్టర్స్‌గా ఉన్నవారు అర్హులు కారు, సిబిల్‌ స్కోర్‌ను పరిగణనలోకి తీసుకుంటారు.
• వయస్సు: 2023, ఏప్రిల్‌ 1 నాటికి 21- 30 ఏండ్ల మధ్య ఉండాలి.
  ఎస్సీ/ఎస్టీలకు ఐదేండ్లు, పీహెచ్‌సీలకు పదేండ్లు, ఓబీసీలకు మూడేండ్లు వయోపరిమితిలో సడలింపు ఉంటుంది.

ముఖ్యతేదీలు

• దరఖాస్తు: ఆన్‌లైన్‌లో
• చివరితేదీ: సెప్టెంబర్‌ 27
  ప్రిలిమినరీ ఎగ్జామ్‌ కాల్‌ లెటర్‌- అక్టోబర్‌ రెండో వారం నుంచి
  ప్రిలిమినరీ ఫలితాలు-నవంబర్‌/ డిసెంబర్‌ 2023లో ప్రకటిస్తారు
• మెయిన్‌ ఎగ్జామ్‌ – డిసెంబర్‌ 2023/ జనవరి 2024
• సైకోమెట్రిక్‌ టెస్ట్‌ – జనవరి/ఫిబ్రవరి 2024
• తుది ఫలితాలు-
• ఫిబ్రవరి/మార్చి 2024
• వెబ్‌సైట్‌: https://sbi.co.in

మెయిన్‌ డిస్క్రిప్టివ్‌ పరీక్ష

• ఇంగ్లిష్‌ లాంగ్వేజ్‌ (లెటర్‌ రైటింగ్‌&ఎస్సే)- 2 ప్రశ్నలు ఇస్తారు. 50 మార్కులు.
• పరీక్ష కాలవ్యవధి 30 నిమిషాలు
  నోట్‌: ప్రిలిమినరీ, మెయిన్‌ ఎగ్జామ్‌లో నెగెటివ్‌ మార్కింగ్‌ విధానం ఉంది.
• ప్రతి తప్పుకు 1/4 మార్కుల కోతవిధిస్తారు.
• ప్రిలిమ్స్‌, మెయిన్స్‌లో సెక్షనల్‌ కటాఫ్‌ మార్కులు లేవు
• మెయిన్‌లో వచ్చిన కటాఫ్‌ ఆధారంగా సైకోమెట్రిక్‌ టెస్ట్‌కు ఎంపిక చేస్తారు
• సైకోమెట్రిక్‌ టెస్ట్‌ 50 మార్కులకు ఉంటుంది
• గ్రూప్‌ ఎక్సర్‌సైజ్‌ 20, ఇంటర్వ్యూకు 30 మార్కులు కేటాయించారు.
  తుది ఎంపిక
• ఫేజ్‌-2 (మెయిన్‌)లో అర్హతలు సాధించిన వారిని ఫేజ్‌-3 (సైకోమెట్రిక్‌ టెస్ట్‌)కు ఎంపిక చేస్తారు. ఫేజ్‌-2,3లో వచ్చిన మార్కుల ఆధారంగా తుది ఎంపిక చేస్తారు.
  శిక్షణ: ఎంపికైన అభ్యుర్థులకు ఆన్‌లైన్‌ కోర్సు ద్వారా బేసిక్‌ బ్యాంకింగ్‌ నాలెడ్జ్‌ను కల్పిస్తారు. ప్రొబేషనరీ ఆఫీసర్‌గా జాయిన్‌ అయిన వారికి రెండేండ్లు ప్రొబేషనరీ పీరియడ్‌.