టెట్ హాల్టికెట్ల తప్పుల సవరణ కేంద్రాల్లోనే..
టీచర్ ఎలిజిబిలిటీ టెస్ట్ (టెట్) హాల్టికెట్లలో తప్పులుంటే వాటిని పరీక్ష కేంద్రాల్లోనే సరిచేసుకోవాలని కన్వీనర్ రాధారెడ్డి సూచించారు. హాల్టికెట్లలో అభ్యర్థి పేరు, తండ్రి/తల్లి పేరు, పుట్టిన తేదీ, కులం, లింగం, డిసెబిలిటీ (పీహెచ్సీ) వంటి వివరాలు సరిగా లేకపోతే పరీక్ష కేంద్రంలో నామినల్ రోల్ కమ్ ఫొటో ఐడెంటిటీలో సవరించుకోవాలని సోమవారం ఒక ప్రకటనలో తెలిపారు. హాల్టికెట్పై ఫొటో, సంతకం సరిగా లేకపోయినా, అస్సలు లేకపోయినా అభ్యర్థులు ఇటీవలి ఫొటోను అతికించి గెజిటెడ్ ఆఫీసర్తో అటెస్టేషన్ చేయించుకొని జిల్లా విద్యాశాఖాధికారిని సంప్రదించాలని సూచించారు.
