సివిల్స్లో మెరిసిన సింగరేణి స్వీపర్ కుమారుడు
హైదరాబాద్ : నాన్న దినసరి కూలీ.. అమ్మ సింగరేణిలో స్వీపర్(ఔట్ సోర్సింగ్).. అమ్మనాన్న రెక్కాడితేనే.. ఆ కుటుంబం డొక్క నిండుతోంది.. అలాంటి కుటుంబంలో జన్మించాడు ఓ సరస్వతి పుత్రుడు. కష్టాలను ఎదుర్కొని.. కడు పేదరికాన్ని జయించి.. చదువులో అత్యుత్తమ ప్రతిభ కనబరిచి.. యూపీఎస్సీ నిర్వహించిన సివిల్స్ ఫలితాల్లో మెరిశాడు. అతనే ఆకునూరి నరేశ్. సివిల్స్ ఫలితాల్లో 117వ ర్యాంకు సాధించిన నరేశ్.. ఐఏఎస్ లేదా ఐపీఎస్ కాబోతున్నారు.
జయశంకర్ భూపాలపల్లి జిల్లా కాశింపల్లి గ్రామానికి చెందిన ఆకునూరి నరేశ్(29) ఐఐటీ గ్రాడ్యుయేట్. నరేశ్ తండ్రి ఐలయ్య దినసరి కూలీ. తల్లి సులోచనమ్మ సింగరేణిలో ఔట్ సోర్సింగ్ కింద స్వీపర్ ఉద్యోగం చేస్తోంది. కుమారుడిని బాగా చదివించాలనే సంకల్పంతో వారిద్దరూ కష్టపడుతూ.. బిడ్డకు మంచి భవిష్యత్ను ఇచ్చారు. ఇవాళ సివిల్స్ ఫలితాల్లో మంచి ర్యాంకు సాధించడంతో తల్లిదండ్రులిద్దరూ ఆనంద భాష్పాలు రాల్చుతూ.. ఉద్వేగానికి లోనయ్యారు.
నరేశ్ 5వ తరగతి వరకు కాశింపల్లి ప్రభుత్వ పాఠశాలలోనే చదువుకున్నారు. 6 నుంచి 10వ తరగతి వరకు ఏపీ సోషల్ వెల్ఫేర్ రెసిడెన్షియల్ స్కూల్, నర్సంపేటలో అభ్యసించారు. రంగారెడ్డి జిల్లా చిల్కూరులోని ఏపీఎస్డబ్ల్యూఆర్ఎస్(బాయ్స్) కాలేజీలో ఇంటర్ ఎంపీసీ పూర్తి చేశారు. 2015లో ఐఐటీ మద్రాస్ నుంచి ఇంజినీరింగ్ పట్టాను అందుకున్నారు.
ఇంజినీరింగ్ పూర్తయిన తర్వాత చెన్నై సిటీ బ్యాంక్లో ఇన్ఫర్మేషన్ టెక్నాలజీ అనాలిస్ట్గా చేరారు. అక్కడ మూడేండ్ల పాటు ఉద్యోగం చేశారు. ఉద్యోగం చేస్తూనే.. శంకర్ ఐఏఎస్ అకాడమీలో సివిల్స్ కోచింగ్ తీసుకున్నారు. 2017లో తొలిసారిగా సివిల్స్ రాసినప్పటికీ విజయం సాధించలేకపోయారు. 2019లో 782 ర్యాంకు సాధించి.. ఇండియన్ రైల్వే పర్సనల్ సర్వీస్లో చేరారు. ప్రస్తుతం శిక్షణలో ఉన్నారు. ఐదో ప్రయత్నంలో 117వ ర్యాంకు సాధించడం సంతోషంగా ఉందని నరేశ్ తెలిపారు. ఐఏఎస్ రాకపోవచ్చు.. ఐపీఎస్ వచ్చే అవకాశం ఉందని నరేశ్ పేర్కొన్నారు. తన విజయానికి తన తల్లిదండ్రులే కారణమని నరేశ్ చెప్పుకొచ్చారు.
RELATED ARTICLES
Latest Updates
మెదడు, శరీరభాగాలకు మధ్య సంధాన కర్తగా పనిచేసేది?
పెంబర్తి లోహ హస్తకళ.. ఇత్తడి మెటల్ షీట్ భళా
చేతన, అచేతనాలను మూల సూత్రాలుగా ఎంచుకున్న వాదాలు?
ఈశాన్యంలో అత్యల్పం.. ఉత్తరాదిన అత్యధికం
10th Telugu Model Paper | పదో తరగతి తెలుగు మోడల్ పేపర్
ప్రపంచ శాకాహార దినోత్సవం ఎప్పుడు జరుపుకొంటారు?
అనుపస్థితి భూస్వాములు… వ్యవసాయ మార్కెటింగ్ దశలు
IDBI JAM Recruitment | డిగ్రీ అర్హతతో.. ఐడీబీఐ బ్యాంకులో 500 అసిస్టెంట్ మేనేజర్ పోస్టులు
Union Bank Recruitment | యూనియన్ బ్యాంకులో 606 పోస్టులు
PNB Recruitment | పంజాబ్ నేషనల్ బ్యాంక్లో 1025 పోస్టులు