Telangana Revenue act | తెలంగాణ నూతన రెవెన్యూ చట్టం -2020
తెలంగాణ నూతన రెవెన్యూ చట్టం -2020
- తెలంగాణ భూ హక్కుల రికార్డు (రికార్డ్‌ ఆఫ్‌ రైట్స్‌- ROR)ను నిర్వహించడం 1936 నుంచి ప్రారంభమైంది.
- నిజాం పరిపాలన కాలంలో హక్కుల రికార్డు నిర్వహణ కోసం భూమి హక్కుల రికార్డు చట్టం 1346 ఫస్లీని రూపొందించారు.
- హైదరాబాద్‌ రాష్ట్రం ఏర్పడిన తర్వాత 1948లో హైదరాబాద్‌ భూ హక్కుల రికార్డు రెగ్యులేషన్‌ 1358 ఫస్లీ పేరుతో మరో కొత్త చట్టాన్ని తీసుకొచ్చారు.
- ఈ చట్టాన్ని రద్దు చేస్తూ ఉమ్మడి ఆంధ్రప్రదేశ్‌లో 1971లో భూ హక్కులు, పట్టాదారు పాసుపుస్తకాల చట్టం చేశారు. ఈ చట్టం కింద ‘1బి’ పేరుతో హక్కుల రికార్డును రూపొందించి నిర్వహిస్తున్నారు.
- ఈ చట్టానికి 1989లో ఒక సవరణ తీసుకొచ్చారు. ఈ చట్టం స్థానంలో మార్పులు చేర్పులతో ఉన్నతీకరిస్తూ సవరణ చట్టం రికార్డు ఆఫ్‌ రైట్స్‌-2020ను రూపొందించారు.
- పాత చట్టాల ప్రకారం భూమికి ఒకసారి హక్కులు మాత్రమే కల్పించే వీలుంది.
- కానీ నూతన చట్టంలో నిత్యావసరాలకు వీలుగా హక్కుల మార్పిడి కలుగుతుంది. అలాగే సాంకేతిక ఆధారంగా రెవెన్యూ పరిపాలనను నిర్వహించటానికి కొత్త చట్టం వీలు కల్పిస్తుంది.
- తెలంగాణ ప్రభుత్వం ‘ధరణి’లో నిర్వహిస్తున్న ఆన్‌లైన్‌ రికార్డులనే భూ హక్కుల రికార్డుగా ప్రకటిస్తూ భూమి హక్కులు, పట్టాదారు పాసు పుస్తకాల చట్టం-2020ను తీసుకొచ్చింది.
