Symbols of India | భారతదేశ చిహ్నాలు జనగణమన

జాతీయ గీతం
-1950, జనవరి 24న జాతీయ గీతంగా స్వీకరించారు.
-జాతీయగీతాన్ని పూర్తిగా ఆలపించడానికి 52 సెకండ్లు, సంక్షిప్తంగా అయితే 20 సెకండ్ల సమయం పడుతుంది.
-ఈ గీతాన్ని విశ్వకవి రవీంద్రనాథ్ ఠాగూర్ బెంగాలీ భాషలో ఐదు చరణాల్లో రాయగా అందులో మొదటి చరణంలోని ఎనిమిది లైన్లను మాత్రమే స్వీకరించారు.
-ఈ గీతాన్ని 1911, డిసెంబర్ 27న కలకత్తాలో జరిగిన జాతీయ కాంగ్రెస్ సమావేశంలో తొలిసారిగా సరళా చౌదురాణి బృందం ఆలపించింది.
-మార్నింగ్ సాంగ్ ఆఫ్ ఇండియా పేరుతో ఆంగ్లంలో కూడా ఠాగూర్ 1919లో అనువాదం చేశారు.
-ఈ గీతాన్ని చిత్తుప్రతిపై రచించగా 1912లో భారత విధాత పేరుతో తత్వబోధిని పత్రికలో ప్రచురితమయ్యింది.

వందేమాతరం-జాతీయ గేయం
-1950, జనవరి 24న జాతీయ గేయంగా స్వీకరించారు. ఈ గేయాన్ని 1882లో బంకించంద్ర చటర్జీ రచించిన ఆనంద్‌మఠ్ గ్రంథం నుంచి తీసుకున్నారు.
-ఈ గేయాన్ని చటర్జీ సంస్కృతంలో రాయగా, అరబింద ఘోష్ ఆంగ్లంలో అనువదించారు.
-తొలిసారిగా 1896 కలకత్తాలో జరిగిన జాతీయ కాంగ్రెస్ సమావేశంలో రవీంద్రనాథ్ ఠాగూర్ ఆలపించారు.జాదునాథ్ భట్టాచార్య ఆ గేయానికి సంగీతం సమకూర్చారు.

జాతీయపతాకం
-1947, జూలై 22న స్వీకరించారు.
-జాతీయపతాకాన్ని పింగళి వెంకయ్య (విజయవాడ) రూపొందించగా, తొలిసారిగా 1921 విజయవాడలో నిర్వహించిన కాంగ్రెస్ సమావేశంలో ప్రదర్శించారు.
-పతాకంలోని కాషాయం రంగు ధైర్యానికి, త్యాగానికిగాను, తెలుపురంగు శాంతి, సత్యానికిగాను, ఆకుపచ్చరంగు విశ్వాసానికి ప్రతీకగా భావిస్తారు
-పతాకం మధ్య భాగంలోని తెలుపు రంగుపై 24 గీతలతో, ముదురు నీలం రంగులో అశోకచక్రం ఉంటుంది. దీన్ని సారనాథ్‌లోని అశోకుని స్తంభం నుంచి స్వీకరించారు. ఇది దేశ ప్రాచీన సంస్కృతికి చిహ్నం. దీని స్థానంలో మొదట చరఖా ఉండేది.
-3:2 నిష్పత్తిలో పోడవు, వెడల్పు కలిగినప స్వచ్చమైన నూలు గుడ్డతో ఉంటుంది
-2002, జనవరి 26 నుంచి పౌరులందరూ అన్ని సందర్భాల్లో ఎగురవేయడానికి వీలుగా ది ఫ్లాగ్ కోడ్ ఆఫ్ ఇండియా-2002 అమల్లోకి వచ్చింది.

జాతీయ చిహ్నం
-1950, జనవరి 26న జాతీయ చిహ్నంగా స్వీకరించారు.
-ఒకే పీటపై నాలుగు దిక్కులకు ముఖం చేసి నిలబడిన నాలుగు సింహాలు ఉంటాయి. చూడటానికి మూడు మాత్రమే కన్పిస్తాయి.
-ఈ ముద్రను సారనాథ్‌లోని అశోకుని ధర్మస్తూపం నుంచి స్వీకరించారు?
-నాలుగు సింహాలు నిలబడిన పీఠం కింది భాగంలో అశోకచక్రం, ఆ చక్రానికి కుడివైపున ఎద్దు (స్థిరత్వాన్ని, చిహ్నం), కుడివైపున పరుగెడుతున్న గుర్రం (వేగానికి చిహ్నం) ఉంటాయి.
-ఈ పీఠం గంట ఆకారంలో గల తామర పువ్వుపై ఉంటుంది. ఈ చిహ్నంలో దేవనాగరిలిపిలో సత్యమేవ జయతే అని రాసి ఉంటుంది. ఈ పదాన్ని ముండకోపనిషత్ గ్రంథం నుంచి స్వీకరించారు.
-నాలుగు తలలు అనేవి శక్తి, గౌరవం, ధైర్యం, విశ్వాసం అనే నాలుగు గుణాలకు ప్రతీక.

జాతీయ ప్రతిజ్ఞ
-1965, జనవరి 26న జాతీయ ప్రతిజ్ఞగా స్వీకరించారు. ఈ ప్రతిజ్ఞను తెలుగులో పైడిమర్రి వెంకట సుబ్బారావు రంచించారు. దీన్ని 1962లో విశాఖపట్నం పాఠశాలలో ఆలపించారు.

జాతీయ భాష- హిందీ
-జాతీయ భాషగా హిందీనీ 1950లో ప్రకటించగా, 1963 అధికార భాషా చట్టం అనుసరించి 1965 నుంచి అధికార భాషగా వాడుతున్నారు.
-ఆర్టికల్ 343 ప్రకారం దేవనాగరి లిపిలోని హిందీని జాతీయ భాషగా ప్రకటించారు.
-ప్రస్తుతానికి ఇండియాలో ఐదు రాష్ట్రాలకు మాత్రమే అధికార భాషగా ఉంది. అవి ఉత్తరప్రదేశ్, రాజస్థాన్, హర్యానా, హిమాచల్‌ప్రదేశ్, మధ్యప్రదేశ్.

జాతీయ క్రీడ-హాకీ
-భారత హాకీ జట్టు 1928-1956 మధ్య ఒలింపిక్స్‌లో వరుసగా 6 సార్లు, మొత్తంగా 8 సార్లు స్వర్ణం సాధించింది.

జాతీయ జంతువు-పెద్దపులి
-శాస్త్రీయ నామం- పాంథారా టైగ్రిస్
-దట్టమైన పసుపు రంగు వర్ణంలో నల్లటి మసక చారలు కలిగి ఉంటుంది.
-పులుల సంరక్షణ కోసం 1973లో ప్రాజెక్ట్ టైగర్‌ను ప్రారంభించారు.