Alliances-Meetings | కూటములు-సమావేశాలు

సార్క్

-దక్షిణాసియా దేశాల మధ్య ప్రాంతీయ సహకారానికి, సామాజిక ప్రగతికి దోహద పడడానికి, ఆర్థిక వృద్ధి ప్రక్రియను వేగవంతం చేయడానికి దక్షిణాసియా ప్రాంతీయ కూటమి (సౌత్ ఏషియన్ అసోసియేషన్ ఫర్ రీజినల్ కోఆపరేషన్-సార్క్) 1985, డిసెంబర్ 8న ఏర్పాటైంది.
-ఇందులో భారత్, బంగ్లాదేశ్, భూటాన్, నేపాల్, పాకిస్థాన్, శ్రీలంక, మాల్దీవులు, ఆఫ్ఘనిస్థాన్ (2007లో సభ్యత్వం తీసుకుంది). మొత్తం 8 దేశాలు.
-దీని ప్రధాన కార్యాలయం నేపాల్ రాజధాని కఠ్మాండులో ఉంది.
-సార్క్ జనరల్ సెక్రెటరీగా పాకిస్థాన్‌కు చెందిన అమ్జద్ హుస్సేన్ బి సియాల్ 2017, మార్చి 1న బాధ్యతలు చేపట్టారు. ఇప్పటివరకు ఆ పదవిలో అర్జున్ బహదూర్ థాపా (నేపాల్) 2014-17 వరకు కొనసాగారు.

సమావేశాలు

-మొదటి సమావేశానికి బంగ్లాదేశ్ ఆతిథ్యమిచ్చింది. 1985, డిసెంబర్ 7, 8 తేదీల్లో ఢాకాలో జరిగిన ఈ సదస్సులో ఉగ్రవాదం, మత్తుపదార్థాల అక్రమ రవాణాను అరికట్టడంపై ప్రధానంగా చర్చించాయి.
-1986, నవంబర్ 16, 17 తేదీల్లో బెంగళూరులో రెండో సమావేశం జరిగింది.
-18వ సమావేశం 2014లో నేపాల్‌లోని కఠ్మాండులో నవంబర్ 26, 27 తేదీల్లో జరిగింది.
-19వ సమావేశం 2016, నవంబర్ 15, 16 తేదీల్లో పాకిస్థాన్ రాజధాని ఇస్లామాబాద్‌లో జరగాల్సి ఉండగా రద్దయ్యింది.
-2016లో యూరి సైనిక స్థావరంపై ఉగ్రదాడి జరగడంతో ఈ సమావేశాలను బహిష్కరిస్తున్నట్లు భారత్ ప్రకటించింది. దీంతో మిగిలిన సభ్యదేశాలు కూడా హాజరుకాబోమని ప్రకటించడంతో 19వ సదస్సు రద్దయ్యింది. దీంతో 2018లో జరగాల్సిన 20వ సదస్సుకు ఆతిథ్యమిచ్చే దేశాన్ని ఎంపిక చేయలేదు.
-సార్క్ ప్రతి ఏడాది ఒక ప్రత్యేక అంశాన్ని నిర్ణయిస్తుంది… 1989ని మాదక ద్రవ్యాల నిరోధక ఏడాదిగా, 1990ని బాలికా సంరక్షణ సంవత్సరంగా ప్రకటించింది.
-2016-17ను సార్క్ సాంస్కృతిక వారసత్వ సంవత్సరంగా ప్రకటిచింది.
-2010-20 దశాబ్దాన్ని ప్రాంతీయ అంతర్గత అనుసంధాన దశాబ్దంగా ప్రకటించింది.

భారత్‌లో సార్క్ సమావేశాలు..

-సార్క్ సమావేశాలు భారత్‌లో ఇప్పటిరకు మూడుసార్లు జరిగాయి.
-మొదటి సారి 1986, నవంబర్ 16, 17 తేదీల్లో బెంగళూరులో (రెండో సమావేశం), రెండోసారి న్యూఢిల్లీలో 1995, మే 2-4 వరకు (8వ సమావేశం), మూడోసారి 2007, ఏప్రిల్ 3, 4 తేదీల్లో న్యూఢిల్లీలో (14వ సమావేశం) జరిగాయి.

ఆసియాన్ కూటమి

-వన్ విజన్, వన్ ఐడెంటిటీ, వన్ కమ్యూనిటీ (ఒకే దృష్టి, ఒకే ఏకత్వం, ఒకే సమాజం) నినాదంతో అసోసియేషన్ ఆఫ్ సౌత్ ఈస్ట్ ఆసియన్ నేషన్ (ఆసియాన్) 1967, ఆగస్టు 8న ఏర్పడింది.
-ఇందులో బ్రూనై, కాంబోడియా, ఇండోనేషియా, లావోస్, మలేషియా, మయన్మార్, ఫిలిప్పైన్స్, సింగపూర్, థాయ్‌లాండ్, వియత్నాం (మొత్తం 10 దేశాలు)లు సభ్యులుగా ఉన్నాయి. ఇందులో చివరగా సభ్యత్వం తీసుకున్న దేశం కాంబోడియా (1999, ఏప్రిల్ 30న)
-ఈ కూటమి ప్రధాన కార్యాలయం ఇండోనేషియాలోని జకార్తాలో ఉంది. దీని సెక్రటరీ జనరల్ లీ మిన్హ్ (Le Luo-g Mi-h) వియత్నాం, చైర్మన్- రోడ్రిగో (ఫిలిప్పైన్స్)
-ఆసియాన్ మొదటి సమావేశం 1976, ఫిబ్రవరి 23, 24 తేదీల్లో ఇండోనేషియాలోని బాలీలో, రెండో సమావేశం మలేషియా రాజధాని కౌలాలంపూర్‌లో 1977, ఆగస్ట్ 4, 5 తేదీల్లో జరిగింది.
-28, 29వ సమావేశాలు 2016, సెప్టెంబర్ 6-8 వరకు లావోస్‌లోని వియాన్‌టియాన్‌లో జరిగాయి.
-30వ సమావేశాలు 2017, ఏప్రిల్ 26, 27 తేదీల్లో ఫిలిప్పైన్స్‌లోని మెట్రో మనీలాలో జరుగనున్నాయి.
-ఈ కూటమి 31వ సమావేశాలు కూడా ఇదే ఏడాది జరగనున్నాయి. నవంబర్ 13, 14 తేదీల్లో ఫిలిప్పైన్స్‌లోని క్లార్క్ ఫ్రీపోర్ట్ జోన్‌లో నిర్వహించనున్నారు.
-ఆసియాన్ కూటమి ఏర్పాటై 50 ఏండ్లు పూర్తవుతుండటంతో ఆసియాన్ @50 పేరుతో ఈ సమావేశాల్లో ప్రత్యేకంగా వేడుకలు నిర్వహించనున్నారు.

ఈస్ట్ ఆసియా సమ్మిట్ (ఈఏఎస్)

-దీనిని 1991లో మలేషియా ప్రధాని మహతిర్ మహమ్మద్ ఏర్పాటు చేశారు.
-ఆస్ట్రేలియా, బ్రూనై, కాంబోడియా, చైనా, భారత్, ఇండోనేషియా, జపాన్, లావోస్, మలేషియా, మయన్మార్, న్యూజీలాండ్, ఫిలిప్పైన్స్, రష్యా, సింగపూర్, దక్షిణకొరియా, థాయ్‌లాండ్, అమెరికా, వియత్నాంలు ఈ కూటమిలో సభ్యదేశాలుగా ఉన్నాయి.
-ఈ కూటమి ప్రతి ఏడాది సమావేశమవుతుంది. ఆసియన్ శిఖరాగ్ర సదస్సు పూర్తయిన తర్వాత ఇవి జరుగుతాయి.
-మొదటి సమావేశం 2005, డిసెంబర్ 14న మలేషియా రాజధాని కౌలాలంపూర్‌లో నిర్వహించారు. ఈ సమావేశానికి రష్యా ముఖ్య అతిథిగా హాజరయ్యింది.
-రెండో సదస్సు ఫిలిప్పైన్స్‌లో సిబుసిటీలో 2007, జనవరి 15న జరిగింది.
-11వ ఈఏఎస్ సదస్సు 2016, సెప్టెంబర్ 6 నుంచి 8 వరకు లావోస్‌లోని వియాన్‌టియాన్‌లో జరిగింది.
-12వ సమావేశాన్ని 2017, నవంబర్ 13న ఫిలిప్పైన్స్‌లో నిర్వహించనున్నారు.

ఇబ్సా (ఐబీఎస్‌ఏ)

-అంతర్జాతీయంగా పరస్పర సహకారం కోసం మూడు ఖండాల్లోని అతిపెద్ద ప్రజాస్వామ్య, ఆర్థిక వ్యవస్థలు కలిగిన మూడు దేశాలు.. భారత్ (ఐ), బ్రెజిల్ (బి), దక్షిణాఫ్రికా (ఎస్‌ఏ)లు కలిసి ఇబ్సాగా ఏర్పడ్డాయి. 2003, జూన్ 6న బ్రెజిల్ డిక్లరేషన్‌ను ఆమోదించడం ద్వారా ఈ కూటమి ఏర్పడింది. ఇందులోని సభ్యదేశాల మధ్య దక్షిణ-దక్షిణ సంబంధాలు మెరుగుపరుచుకోవడానికి, ప్రధానంగా వ్యవసాయం, వాణిజ్యం, సంస్కృతి, రక్షణ రంగాల్లో పరస్పర సహకారం అందించుకుంటాయి.
-ఇబ్సా తొలి సమావేశం 2006, సెప్టెంబర్ 13న బ్రెజిల్‌లోని బ్రెజిలియాలో జరిగింది.
-రెండో సదస్సు 2007, అక్టోబర్ 17న దక్షిణాఫ్రికాలోని ష్వానేలో, మూడో సమావేశం 2008, అక్టోబర్ 15న న్యూఢిల్లీలో, 4వ సమావేశం 2010, ఏప్రిల్ 15న బ్రెజిల్ రాజధాని బ్రెజిలియాలో, 5వది దక్షిణాఫ్రికాలోని ప్రిటోరియాలో 2011, అక్టోబర్ 18న జరిగింది.
-6వ సమావేశం 2013లో, 7వ సమావేశం 2015లో న్యూఢిల్లీలో జరిగింది.
-ఈ కూటమి సమావేశాలు భారత్‌లో ఇప్పటివరకు రెండు సార్లు (2008, 2015లో) జరిగాయి.

అపెక్

-ఆసియా-పసిఫిక్ తీర ప్రాంతంలోని దేశాల మధ్య స్వేచ్ఛా వాణిజ్యం పెంపొందడానికి 1989, నవంబర్ 7న ఆసియా పసిఫిక్ ఎకనమిక్ కార్పొరేషన్ (అపెక్) కూటమి ఏర్పడింది. ఇందులో సభ్యులుగా ఉన్న దేశాల్లోని మొత్తం జనాభా ప్రపంచ జనాభాలో 40 శాతం.
-ఈ కూటమిలో మొత్తం సభ్యదేశాలు 21. అవి.. ఆస్ట్రేలియా, కెనడా, బ్రూనై దారుస్సలాం, చిలీ, చైనా, తైవాన్, హాంకాంగ్, ఇండోనేషియా, జపాన్, కొరియా, మలేషియా, మెక్సికో, న్యూజిలాండ్, పెరూ,

ఫిలిప్పైన్స్, రష్యా, సింగపూర్, థాయ్‌లాండ్, అమెరికా, వియత్నాం.

-ఇందులో 1998, నవంబర్ 14, 15 తేదీల్లో పెరూ, రష్యా, వియత్నాం దేశాలు చివరగా సభ్యత్వం తీసుకున్నాయి.
-దీని ప్రధాన కార్యాలయం సింగపూర్‌లో ఉంది.
-ఈ కూటమి ప్రతి ఏడాది సమావేశమవుతుంది. తొలి నాలుగు సమావేశాలు మంత్రుల స్థాయిలో జరుగగా, 1993 నుంచి అపెక్ ఎకనామిక్ లీడర్స్ పేరుతో ప్రభుత్వాధినేతల నేతృత్వలో సమావేశాలు జరుగుతున్నాయి.
-అపెక్ మొదటి సమావేశం 1989, నవంబర్ 6, 7 తేదీల్లో ఆస్ట్రేలియాలోని కాన్‌బెర్రాలో, రెండో సమావేశం 1990, జూలై 29 నుంచి 31 వరకు సింగపూర్‌లో జరిగాయి.
-27వ సమావేశం ఫిలిప్పైన్స్ రాజధాని మనీలాలో 2015, నవంబర్ 18, 19 తేదీల్లో, 28వ సమావేశం 2016, నవంబర్ 19, 20 తేదీల్లో పెరూలోని లీమాలో జరిగింది.
-2017, నవంబర్ 11, 12 తేదీల్లో వియత్నాంలో 29వ సమావేశం జరుగనుంది.
-అపెక్ సమావేశాలకు 2011లో భారత్ తొలిసారిగా పరిశీలక హోదాలో పాల్గొన్నది.