జేఎన్టీయూలో మూడేండ్ల డిగ్రీ కోర్సు
జవహర్లాల్ నెహ్రూ టెక్నాలాజికల్ యూనివర్సిటీ (జేఎన్టీయూ) తాజాగా ఈ విద్యాసంవత్సరం నుంచి మూడేండ్ల డిగ్రీ కోర్సును ప్రవేశపెట్టాలని నిర్ణయించింది. బ్యాచిలర్ ఆఫ్ బిజినెస్ అడ్మినిస్ట్రేషన్ (బీబీఏ) ఇన్ డాటా అనలిటిక్స్ కోర్సును వర్సిటీ అందుబాటులోకి తెచ్చింది. ఈ కోర్సులో 60 సీట్లను దోస్త్ ద్వారా భర్తీచేస్తారు. ఈ కోర్సు ఫీజు రూ.లక్షగా నిర్ణయించారు. డిపార్ట్మెంట్లు కోరుకొంటే మూడేండ్ల డిగ్రీ కోర్సులకు సైతం దశలవారీగా అనుమతిస్తామని వర్సిటీకి చెందిన ఓ ఉన్నతాధికారి తెలిపారు.
