ఆయిల్ ఇండియాలో టెన్త్‌, ఇంటర్ అర్హ‌త‌తో 119 పోస్టులు
న్యూఢిల్లీ: దేశంలో అతిపెద్ద చ‌మురు ఉత్పత్తి, పంపిణీ సంస్థ‌ల్లో ఒక‌టైన ఆయిల్ ఇండియా లిమిటెడ్‌లో ఖాళీగా ఉన్న పోస్టుల భ‌ర్తీకి నోటిఫికేషన్ విడుద‌ల చేసింది. ఆస‌క్తి, అర్హ‌త క‌లిగిన అభ్య‌ర్థులు రిజిస్ట్రేష‌న్ చేసుకోవాల‌ని సూచించింది. ఇంటర్వ్యూ ఆధారంగా అభ్య‌ర్థుల‌ను ఎంపిక చేయ‌నుంది. ఈ నోటిఫికేషన్ ద్వారా మొత్తం 119 పోస్టుల‌ను భ‌ర్తీ చేస్తుంది. ఇందులో డ్రిల్లింగ్ హెడ్మ్యాన్, డ్రిల్లింగ్ రిగ్మ్యాన్, ఎల‌క్ట్రిక‌ల్ సూపర్వైజర్, కెమిక‌ల్ అసిస్టెంట్ వంటి పోస్టులు ఉన్నాయి. ఎంపికైన అభ్య‌ర్థులు అసోంలోని డిబ్రూగ‌ఢ్‌లో ప‌నిచేయాల్సి ఉంటుంది.
మొత్తం పోస్టులు: 119
ఇందులో అసిస్టెంట్ మెకానిక్ 79, గ్యాస్ లాగ‌ర్ 20, డ్రిల్లింగ్ టాప్‌మ్యాన్ 17, కెమిక‌ల్ అసిస్టెంట్ 10, అసిస్టెంట్ రిగ్ ఎల‌క్ట్రిష‌న్ 10, ఎల‌క్ట్రిక్ సూపర్వైజర్ 5, డ్రిల్లింగ్ రిగ్మ్యాన్ 5, డ్రిల్లింగ్ హెడ్మ్యాన్ 4 చొప్పున ఖాళీలు ఉన్నాయి.
అర్హ‌త‌లు: ఒక్కోపోస్టుకు ఒక్కో విధంగా ఉన్నాయి. ప‌ది, ఇంటర్, డిగ్రీ పాస‌వ్వాల్సి ఉంటుంది. కెమిక‌ల్ అసిస్టెంట్‌కు 18 నుంచి 40 ఏండ్లు, మిగిలిన పోస్టుల‌కు 18 నుంచి 35 ఏండ్ల వ‌యస్సు క‌లిగి ఉండాలి.
ఎంపిక విధానం: వాకిన్ ప్రాక్టిక‌ల్ లేదా స్కిల్ టెస్ట్ క‌మ్ ప‌ర్స‌న‌ల్ అస్సెస్‌మెంట్ ద్వారా.
ఇంటర్వ్యూ తేదీ: మే 24 నుంచి జూన్ 22 మ‌ధ్య
మెయిల్‌: https://www.oil-india.com/
లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి
