ఫెలోషిప్లకు దరఖాస్తుల ఆహ్వానం
పరిశోధక విద్యార్థులు, అధ్యాపకులు, రిటైర్డ్ ఫ్యాకల్టీ ఎప్పుడెప్పుడా అని ఎదురుచూస్తున్న ఫెలోషిప్లకు యూనివర్సిటీ గ్రాంట్స్ కమిషన్ (యూజీసీ) పచ్చజెండా ఊపింది. మొత్తం 5 రకాల ఫెలోషిప్లకు www.ugc.ac.in వెబ్సైట్లో అక్టోబర్ 10 వరకు దరఖాస్తు చేసుకోవచ్చని యూజీసీ తెలిపింది. ఆసక్తి ఉన్న వారు డాక్టర్ ఎస్ రాధాకృష్ణన్ యూజీసీ పోస్ట్ డాక్టోరల్ ఫెలోషిప్, డాక్టర్ డీఎస్ కొఠారి రిసెర్చ్ గ్రాంట్ ఫర్ న్యూలీ రిక్రూటెడ్ ఫ్యాకల్టీ, రిసెర్చ్ గ్రాంట్ ఫర్ ఇన్సర్వీస్ ఫ్యాకల్టీ మెంబర్స్, ఎమిర్టస్ ఫెలోషిప్, సావిత్రిబాయి జ్యోతిబా ఫూలే ఫెలోషిప్ ఆఫ్ సింగిల్ గర్ల్ చైల్డ్ ఫెలోషిప్కు దరఖాస్తు చేసుకోవాలని సూచించింది.
