మాడల్‌ స్కూళ్లలో ఇంటర్‌ ప్రవేశాలు

July 3, 2022 / 09:32 PM IST

– 10 వరకు దరఖాస్తుల స్వీకరణ

రాష్ట్రంలోని తెలంగాణ మాడల్‌ స్కూల్స్‍ సొసైటీలో ఇంటర్‌ ప్రవేశాలకు నోటిఫికేషన్‌ విడుదలైంది. 194 మాడల్‌ స్కూళ్లలో నాలుగు కోర్సుల్లో ఫస్టియర్‌లో ప్ర వేశాలకు శనివారం నుంచే దరఖాస్తుల స్వీకరణ ప్రా రంభమైంది. ఈ నెల 10వ తేదీలోపు విద్యార్థులు దరఖాస్తు చేసుకోవచ్చని ఆ సొసైటీ డైరెక్టర్‌ ఉషారాణి తెలిపారు. ఇంగ్లిష్‌ మీడియంలో విద్యాబోధన ఉంటుందని, ఎంపీసీ, బైపీసీ, సీఈసీ, హెచ్‌ఈసీ కోర్సుల్లో 31 వేలపైచిలుకు సీట్లు అందుబాటులో ఉన్నాయని పేర్కొన్నారు. వివరాలకు www.tsmodelschools. com వెబ్‌సైట్‌ చూడాలని సూచించారు.