అంబేద్కర్‌ ఓపెన్‌ వర్సిటీలో యుజీ, పీజీ ప్రవేశాలు
– 31 వరకు తుది గడువు : వర్సిటీ వీసీ
డాక్టర్‌ బీఆర్‌ అంబేద్కర్‌ ఓపెన్‌ యూనివర్సిటీలో 2022– 23 విద్యాసంవత్సరానికి డిగ్రీ, పీజీ, పీజీ డిప్లొమా, సర్టిఫికెట్‌ కోర్సులలో ప్రవేశాలకు శుక్రవారం నోటిఫికేషన్‌ విడుదలైంది. ఆన్‌లైన్‌లో అడ్మిషన్ల నమోదుకు ఈ నెల 31వరకు గడువు విధించామని వర్సిటీ వైస్ చాన్స్‍లర్‌ ప్రొఫెసర్‌ సీతారామారావు తెలిపారు. ఆన్‌లైన్‌ ద్వారానే అడ్మిషన్‌ ఫీజులు, ట్యూషన్‌ ఫీజులు చెల్లించవచ్చని పేర్కొన్నారు. వివరాల కోసం www.braouonline.inను సంప్రదించాలని ఆయన కోరారు.
