సైన్స్​‍ పరిశోధకులకు గేట్‌వే!

సీఎస్ఐఆర్‌ యూజీసీ-నెట్‌ 2022

ప్రతిష్ఠాత్మక సంస్థల్లో పరిశోధనలు చేయాలని ఉందా? ఐఐటీ వంటి జాతీయ స్థాయి విద్యా సంస్థల్లో పీహెచ్‌డీ చేయాలనుకుంటున్నారా? డిగ్రీ కాలేజీలు, యూనివర్సిటీల్లో అసిస్టెంట్‌ ప్రొఫెసర్‌ పోస్టులో జాయిన్‌ కావాలనుకుంటున్నారా? అయితే కింది సమాచారం మీ కోసమే. సైన్స్​‍ సబ్జెక్టుల్లో జాతీయ స్థాయిలో ఏటా నిర్వహించే కౌన్సిల్‌ ఆఫ్‌ సైంటిఫిక్‌ అండ్‌ ఇండస్ట్రియల్‌ రిసెర్చ్ (సీఐఎస్ఆర్‌) – యూజీసీ నెట్‌-2022 ప్రకటనను ఎన్‌టీఏ విడుదల చేసింది. ఆ వివరాలు సంక్షిప్తంగా నిపుణ పాఠకుల కోసం….

 

సీఎస్ఐఆర్‌-యూజీసీ ఫెలోషిప్‌

సీఎస్ఐఆర్‌, యూజీసీలు పరిశోధనలను ప్రోత్సహించడంలో భాగంగా రిసెర్చ్ ఫెలోషిప్స్​‍ను అందిస్తున్నాయి. దీని కోసం ఏటా నేషనల్‌ ఎలిజిబిలిటీ టెస్ట్ (నెట్‌)ను నిర్వహిస్తాయి. ఈ పరీక్ష నిర్వహణ బాధ్యతలను నేషనల్‌ టెస్టింగ్‌ ఏజెన్సీ (ఎన్‌టీఏ) చేపడుతుంది. నెట్‌లో అర్హత సాధించిన అభ్యర్థులు దేశంలోని ప్రతిష్ఠాత్మక యూనివర్సిటీలు, ఐఐటీలు, ప్రభుత్వ పరిశోధనాలయాలు, ల్యాబొరేటరీల్లో రిసెర్చ్ ఫెలోగా పని చేయవచ్చు. అంతేకాకుండా ఈ సమయంలో స్టయిఫండ్‌ను కూడా సీఎస్ఐఆర్‌-యూజీసీ అందిస్తాయి. జేఆర్‌ఎఫ్‌ సాధించిన వారికి మొదటి రెండేండ్లు నెలకు రూ.31 వేలు ఇస్తారు. దీనికి అదనంగా గ్రాంట్‌ కింద ఏడాదికి రూ.20 వేలు ఇస్తారు.

 

#  పరీక్ష పేరు: సీఎస్ఐఆర్‌- యూజీసీ నెట్‌ (జూన్‌ -2022)

పరీక్ష నిర్వహించే సబ్జెక్టులు

# కెమికల్‌ సైన్సెస్
# ఎర్త్‍, అట్మాస్ఫియరిక్‌, ఓషన్‌ అండ్‌ ప్లానెటరీ సైన్సెస్
# లైఫ్‌ సైన్సెస్
# మ్యాథమెటికల్‌ సైన్సెస్
#  ఫిజికల్‌ సైన్సెస్

ఎవరు రాయవచ్చు?

# ఎమ్మెస్సీ లేదా తత్సమాన కోర్సు. ఇంటిగ్రేటెడ్‌ బీఎస్-ఎంఎస్, బీఈ/బీటెక్‌ లేదా బీఫార్మ, ఎంబీబీఎస్ ఉత్తీర్ణులు. జనరల్‌, ఈడబ్ల్యూఎస్, ఓబీసీ అభ్యర్థులు కనీసం 55 శాతం మార్కులతో ఉత్తీర్ణత. ఎస్సీ, ఎస్టీ, పీహెచ్‌సీ అభ్యర్థులు అయితే కనీసం 50 శాతం మార్కులతో ఉత్తీర్ణత పొంది ఉండాలి.

నోట్‌: ప్రస్తుతం ఫైనల్‌ ఇయర్‌ చదువుతున్నవారు కూడా దరఖాస్తు చేసుకోవచ్చు. నెట్‌ ఫలితాలు విడుదలైన రెండేండ్లలోపు పై అర్హతలు సాధించాలి.

వయస్సు: జేఆర్‌ఎఫ్‌నకు 2021, జూలై 1 నాటికి 28 ఏండ్లు మించరాదు. ఎస్సీ, ఎస్టీ, పీహెచ్‌సీ, థర్డ్‍ జెండర్‌ అభ్యర్థులకు ఐదేండ్లు, ఓబీసీ (ఎన్‌సీఎల్‌) అభ్యర్థులకు మూడేండ్లు వయోపరిమితిలో సడలింపు ఉంటుంది.

లెక్చరర్‌షిప్‌/ అసిస్టెంట్‌ ప్రొఫెసర్‌కు ఎటువంటి గరిష్ఠ వయో పరిమితి లేదు.

పరీక్ష విధానం

#  కంప్యూటర్‌ బేస్డ్ టెస్ట్ (సీబీటీ) పద్ధతిలో నిర్వహిస్తారు
# పరీక్ష కాలవ్యవధి 180 నిమిషాలు
#  పరీక్షలో మూడు భాగాలు ఉంటాయి.
# ప్రశ్నలు ఆబ్జెక్టివ్‌, మల్టిపుల్‌ చాయిస్ విధానంలో ఇస్తారు.

నోట్‌: ఆయా సబ్జెక్టులను బట్టి నెగెటివ్‌ మార్కింగ్‌ విధానం, ప్రశ్నలు ఇవ్వడంలో తేడాలు ఉంటాయి. వివరాలు వెబ్‌సైట్‌లో చూడవచ్చు.

 

రాష్ట్రంలో పరీక్ష కేంద్రాలు

హైదరాబాద్‌, కరీంనగర్‌, ఖమ్మం, మహబూబ్‌నగర్‌, నల్లగొండ, వరంగల్‌

ముఖ్యతేదీలు

దరఖాస్తు: ఆన్‌లైన్‌లో

చివరితేదీ: ఆగస్టు 10

వెబ్‌సైట్‌: https://csirnet. nta.nic.in