జూనియర్ కాలేజీ గెస్ట్ లెక్చరర్ల కొనసాగింపు
రాష్ట్రంలోని జూనియర్ కాలేజీల్లో పనిచేస్తున్న గెస్ట్ లెక్చరర్లను ఈ విద్యాసంవత్సరానికి కూడా కొనసాగిస్తూ ఇంటర్ బోర్డు కమిషనర్ సయ్యద్ ఒమర్ జలీల్ గురువారం ఉత్తర్వులు జారీ చేశారు. కాలేజీల ప్రారంభ తేదీ జూన్ 15 నుంచే వారికి వేతనం ఇవ్వనున్నట్టు ఉత్తర్వుల్లో పేర్కొన్నారు. దీంతో సుమారు 2,000 మందికి లబ్ధి చేకూరనున్నది. ప్రభుత్వ నిర్ణయంపై తెలంగాణ గెస్ట్ లెక్చరర్ల సంఘం రాష్ట్ర అధ్యక్ష, ప్రధాన కార్యదర్శి దామెర ప్రభాకర్, దార్ల భాస్కర్ తదితరులు హర్షం ప్రకటించారు.
