28న కానిస్టేబుల్‌ ప్రిలిమ్స్‍

August 9, 2022 / 06:54 PM IST

# కానిస్టేబుల్‌ అభ్యర్థుల ప్రిలిమ్స్‍ తేదీ మార్పు

# 21కి బదులుగా 28న నిర్వహణ

# 18 నుంచి హాల్‌టికెట్ల డౌన్‌లోడ్‌

#టీఎస్ఎల్పీఆర్బీ చైర్మన్‌ వీవీ శ్రీనివాసరావు వెల్లడి

పోలీస్ కానిస్టేబుల్‌ అభ్యర్థుల ప్రాథమిక రాత పరీక్ష తేదీ మారింది. ముందుగా ఈ నెల 21న నిర్వహించాల్సిన కానిస్టేబుల్‌ ప్రిలిమ్స్‍ సాంకేతిక కారణాల వల్ల ఈ నెల 28కి వాయిదా వేసినట్టు తెలంగాణ రాష్ట్ర స్థాయి పోలీస్ నియామక మండలి(టీఎస్ఎల్పీఆర్బీ) చైర్మన్‌ వీవీ శ్రీనివాసరావు సోమవారం ఒక ప్రకటనలో తెలిపారు. 28న ఉదయం 10 నుంచి ఒంటి గంట వరకు పరీక్ష ఉంటుందని పేర్కొన్నారు. ఈ నెల 18 నుంచి అభ్యర్థులు తమ హాల్‌టికెట్లను www.tslprb. in నుంచి డౌన్‌లోడ్‌ చేసుకోవాలని కోరారు. మొత్తం 6,50,000 మంది అభ్యర్థులు పరీక్షకు హాజరుకానున్నారని ఆయన వెల్లడించారు.