ఆర్మీలో 1793 ఖాళీలు
దేశసేవ చేసుకునే భాగ్యం. కేవలం పదోతరగతి, ఐటీఐ ఉత్తీర్ణులైన వారికి అవకాశం. మంచి జీతభత్యాలు, భద్రమైన కొలువులు. వీటన్నింటి సమాహారం దేశవ్యాప్తంగా ఉన్న ఆర్మీ ఆర్డినెన్స్‌ కార్ప్స్‌ విడుదల చేసిన ప్రకటన. ఆ నోటిఫికేషన్‌ వివరాలు సంక్షిప్తంగా…
దేశవ్యాప్తంగా ఉన్న వివిధ రీజియన్లలో ట్రేడ్స్‌మ్యాన్‌, ఫైర్‌మ్యాన్‌ ఖాళీల భర్తీకి సికింద్రాబాద్‌లోని ఆర్మీ ఆర్డినెన్స్‌ కార్ప్స్‌ సెంటర్‌కు చెందిన సెంట్రల్‌ రిక్రూట్‌మెంట్‌ సెల్‌ నోటిఫికేషన్‌ విడుదల చేసింది.
- మొత్తం ఖాళీలు: 1793
- పోస్టులు: ట్రేడ్స్‌మ్యాన్‌ మేట్‌- 1249, ఫైర్‌మ్యాన్‌-544 ఖాళీలు ఉన్నాయి.
- పేస్కేల్‌: ట్రేడ్స్‌మ్యాన్‌ పోస్టులకు లెవల్‌-1 కింద రూ. 18,000-56,900/-
- ఫైర్‌మ్యాన్‌ పోస్టులకు లెవల్‌-2 కింద రూ.19,900-63,200/-
- అర్హతలు: ట్రేడ్స్‌మ్యాన్‌ మేట్‌ పోస్టులకు పదోతరగతి/మెట్రిక్యులేషన్‌ ఉత్తీర్ణత. ఏదైనా ట్రేడ్‌లో ఐటీఐ సర్టిఫికెట్‌ ఉండటం అభిలషణీయం.
రాతపరీక్ష
- 150 మార్కులకు నిర్వహిస్తారు. పరీక్ష కాలవ్యవధి రెండు గంటలు
- పరీక్షలో జనరల్‌ ఇంటెలిజెన్స్‌ అండ్‌ రీజనింగ్‌ నుంచి 50 ప్రశ్నలు, న్యూమరికల్‌ ఆప్టిట్యూడ్‌-25, జనరల్‌ ఇంగ్లిష్‌-25, జనరల్‌ అవేర్‌నెస్‌-50 ప్రశ్నలు ఇస్తారు.
- ప్రశ్నలు ఆబ్జెక్టివ్‌ విధానంలో ఉంటాయి.
- నెగెటివ్‌ మార్కింగ్‌ విధానం ఉంది. ప్రతి తప్పు జవాబుకు 0.25 మార్కులు కోత విధిస్తారు.
ముఖ్యతేదీలు
- దరఖాస్తు: ఆన్‌లైన్‌లో
- చివరితేదీ: ఎంప్లాయ్‌మెంట్‌ న్యూస్‌లో ప్రకటన విడుదలైన 21 రోజుల్లోపు దరఖాస్తు చేసుకోవాలి.
- వెబ్‌సైట్‌: https://www. aocrecruitment. gov.in/Home.html
ఫైర్‌మ్యాన్‌ పోస్టులకు పదోతరగతి ఉత్తీర్ణత.
- వయస్సు: పై రెండు పోస్టులకు 18- 25 ఏండ్ల మధ్య ఉండాలి. ప్రభుత్వ నిబంధనల ప్రకారం ఆయా వర్గాలకు వయోపరిమితిలో సడలింపు ఉంటుంది.
- ఎంపిక విధానం: స్టేజ్‌-1 (ఫిజికల్‌ ఎండ్యూరెన్స్‌/స్కిల్‌ టెస్ట్‌), రాతపరీక్ష, సర్టిఫికెట్‌ వెరిఫికేషన్‌ ద్వారా
- ట్రేడ్స్‌మ్యాన్‌ మేట్‌ పోస్టులకు ఫిజికల్‌ ఎండ్యూరెన్స్‌ టెస్ట్‌లో పురుషులు 1.5 కి.మీ దూరాన్ని 6 నిమిషాల్లో పరుగెత్తాలి. 100 సెకండ్లలో 50 కేజీల బరువును 200 మీటర్ల దూరం మోయాలి. మహిళలు 1.5 కి.మీ దూరాన్ని 8 నిమిషాల 26 సెకండ్లలో పరుగెత్తాలి.
- అదేవిధంగా 225 సెకండ్లలో 50 కేజీల బరువుతో 200 మీటర్ల దూరం వెళ్లాలి.
- అదేవిధంగా ఫైర్‌మ్యాన్‌ పోస్టులకు నిర్దేశించిన శారీరక ప్రమాణాలు, పీఈటీ నిర్వహిస్తారు. ఈ పరీక్షలో అర్హత సాధించిన వారిని స్టేజ్‌-2 రాత పరీక్షకు ఎంపిక చేస్తారు.
