Malnutrition in children | పిల్లల్లో పోషకాహార లోపం-రుగ్మతలు

-పిల్లల్లో పోషకాహార లోపం 3 రకాలుగా ఉంటుంది. అవి: 1. కేలరీ పోషకాహార లోపం 2. ప్రొటీన్ పోషకాహార లోపం 3. ప్రొటీన్-కేలరీ పోషకాహార లోపం.
-కేలరీ పోషకాహార లోపం: కార్బోహైడ్రేట్లు, కొవ్వులు లోపించిన ఆహారం తీసుకోవడం ద్వారా కలుగుతుంది.
-ప్రొటీన్ పోషకాహార లోపం: ప్రొటీన్‌లు లోపించిన ఆహారం తీసుకోవడం ద్వారా కలుగుతుంది.
-ప్రొటీన్-కేలరీ పోషకాహార లోపం: ప్రొటీన్లు, కార్బోహైడ్రేట్లు, కొవ్వులు లోపించిన ఆహారం తీసుకోవడం ద్వారా కలుగుతుంది.

పోషకాహార లోపంవల్ల పిల్లల్లో వచ్చే వ్యాధులు క్వాషియోర్కర్
-దీన్నే నిర్లక్ష్యం చేయబడిన శిశువు అంటారు.
-ప్రొటీన్‌ల లోపంవల్ల ఈ వ్యాధి వస్తుంది.
-పిల్లలకు తల్లిపాలు సరిగా అందక ఈ వ్యాధి వస్తుంది.
-ఈ రుగ్మత కలిగిన పిల్లలు తరచూ అతిసార వ్యాధితో బాధపడుతారు.
-పెరుగుదల మందగిస్తుంది. కండరాల అభివృద్ధి సక్రమంగా ఉండదు.
-కణాల మధ్య ఖాళీల్లో నీరు చేరడంవల్ల శరీర భాగాలు ఉబ్బుతాయి.

మెరాస్‌మస్

-ఈ వ్యాధి ప్రొటీన్‌లు+కేలరీల లోపంవల్ల వస్తుంది.
-ఈ వ్యాధిగల పిల్లలు తమ వయస్సులో ఉండాల్సిన బరువులో 60 శాతం మాత్రమే ఉంటారు.
-ఉదరం ఉబ్బినట్లుగా ఉండి ముందుకు వస్తుంది.
-చర్మం కింద కొవ్వు ఉండదు. పొడిగా, వేలాడుతూ ఉంటుంది.
-కాళ్లు, చేతులు సన్నగా శుష్కించి ఉంటాయి. పక్కటెముకలు ప్రస్ఫుటంగా కనిపిస్తాయి.
-రోగ నిరోధక వ్యవస్థ క్షీణించి ఉంటుంది.

స్థూలకాయత్వం (ఒబేసిటీ)

-అతిగా తినడం ద్వారా కొవ్వు అధికమై ఈ వ్యాధి వస్తుంది.
-శరీరం మొత్తం బరువులో 20 శాతానికంటే ఎక్కువగా కొవ్వులు ఉంటే దాన్ని స్థూలకాయంగా పరిగణిస్తారు.
-ఈ వ్యాధి జన్యు లోపాలవల్ల కలుగుతుంది.
-ఇది క్రమంగా మధుమేహానికి దారితీస్తుంది. హృదయం, రక్తనాళాలు, మూత్రపిండం, పిత్తాశయానికి సంబంధించిన వ్యాధులు కలుగుతాయి.
-వీరు పీచు పదార్థాలుగల ఆహారాన్ని ఎక్కువగా తీసుకుంటూ, వ్యాయామం చేస్తూ ఉండటం ద్వారా క్రమంగా ఎడిపోస్ కణాల్లోని కొవ్వు తగ్గి సన్నబడుతారు.

గమనిక:

-దేశంలో పోషకలేమితో వచ్చే వ్యాధుల గురించి పరిశోధించే సంస్థ నేషనల్ ఇన్‌స్టిట్యూట్ ఆఫ్ న్యూట్రిషన్-NIN. ఇది హైదరాబాద్‌లో ఉంది.
-ఫుడ్ అండ్ అగ్రికల్చర్ ఆర్గనైజేషన్ అధ్యయనం ప్రకారం పోషకాహార లోపంతో బాధపడుతున్న భారతీయుల సంఖ్య 245 మిలియన్లు.

విటమిన్ల లోపంవల్ల వచ్చే వ్యాధులు విటమిన్ లోపం – కలిగే వ్యాధులు
-విటమిన్ A – కెరటోమాలాసియా, జెరోప్థాల్మియా, నిక్టలోపియా (రేచీకటి), బైటాల్ చుక్కలు.
-విటమిన్ D – రికెట్స్, రికెటింగ్ రోజరీ, సోరియాసిస్, ఎముకల్లో డీ కాల్సిఫికేషన్.
-విటమిన్ E – పురుషుల్లో వంద్యత్వం, స్త్రీలలో గర్భస్రావం, డిస్‌మోనోరియా.
-విటమిన్ K – గాయాలైనప్పుడు రక్తం గడ్డకట్టకపోవడం (హిమరేజ్).

B కాంప్లెక్స్

-B1 (థయమిన్) – బెరి-బెరి, పాలీన్యూరైటిస్.
-B2 (రెబోఫ్లేవిన్) – ఖీలోసిస్, గ్లాసైటిస్, డెర్మటైసిస్.
-B3 (నియాసిన్) – పెల్లాగ్రా
-B5 (పాంటోథెనిక్ ఆమ్లం) – రుమటాయిడ్ ఆర్థరైటిస్, బర్నింగ్ ఫీట్.
-B6 (పెరిడాక్సిన్) – అనీమియా.
-B7 (బయోటిన్) – రక్తంలో కొలెస్ట్రాల్ అధికమవడం.
-B11(ఫోలిక్ ఆమ్లం) – రక్తహీనత,
మానసిక వ్యాధులు.
-B12 (సయనోకోబాలమైన్) – మాక్రోసైటిక్ అనీమి యా, పెర్నిసియాస్ అనీమియా.
-విటమిన్ C – స్కర్వీ.