Hotel Management Enormous possibilities | ఆతిథ్యంలో… అపార అవ‌కాశాలు

ఎన్‌సీహెచ్‌ఎం జేఈఈ -2022

అవకాశాలు పుష్కలంగా ఉండే కెరీర్‌లో ఆతిథ్య రంగం ఒకటి. ప్రపంచమంతా గ్లోబల్‌ విలేజ్‌గా మారుతున్న నేపథ్యంలో ఆతిథ్యానికి డిమాండ్‌ పెరుగుతుంది. ఏటేటా ఈ రంగంలో అవకాశాల సంఖ్య పుష్కలంగా హెచ్చుతున్నది. ఆతిథ్య రంగానికి సంబంధించిన హోటల్‌ మేనేజ్‌మెంట్‌లో యూజీ కోర్సుల్లో ప్రవేశానికి జాతీయ స్థాయిలో నిర్వహించే పరీక్ష ఎన్‌సీహెచ్‌ఎం-జేఈఈ (నేషనల్‌ కౌన్సిల్‌ ఫర్‌ హోటల్‌ మేనేజ్‌మెంట్‌ అండ్‌ కేటరింగ్‌ టెక్నాలజీ జాయింట్‌ ఎంట్రన్స్​‍ ఎగ్జామినేషన్‌) ప్రకటనను ఎన్‌టీఏ విడుదల చేసింది.

ఈ ఎంట్రన్స్​‍ వివరాలు సంక్షిప్తంగా….
అర్హతలు
ప్రభుత్వ గుర్తింపు పొందిన విద్యాసంస్థ నుంచి ఇంటర్‌ ఉత్తీర్ణులైనవారు,  ప్రస్తుతం ఇంటర్‌ రెండో సంవత్సరం చదువుతున్న వారు కూడా దరఖాస్తు చేసుకోవచ్చు.
కోర్సు
‘బీఎస్సీ-హాస్పిటాలిటీ అండ్‌
హోటల్‌ అడ్మినిస్టేషన్‌’(బీఎస్సీ-హెచ్‌హెచ్‌ఏ)
– ఇది మూడేండ్ల కోర్సు.

NCHMCT

– జాతీయ స్థాయిలో నిర్వహించే ఎన్‌సీహెచ్‌ఎం-జేఈఈ ద్వారా.

– నేషనల్‌ కౌన్సిల్‌ ఫర్‌ హోటల్‌ మేనేజ్‌మెంట్‌ అండ్‌ క్యాటరింగ్‌ టెక్నాలజీ (NCHMCT) ఈ సంస్థను 1982లో ప్రారంభించారు. ఎన్‌సీహెచ్‌ఎం కేంద్ర టూరిజం శాఖ పరిధిలోని స్వతంత్ర సంస్థ. హాస్పిటాలిటీ మేనేజ్‌మెంట్‌ అభివృద్ధికి ఈ సంస్థ కృషి చేస్తుంది. ఈ సంస్థ హాస్పిటాలిటీ ఎడ్యుకేషన్‌, శిక్షణకు సంబంధించిన అకడమిక్‌ అంశాలను పర్యవేక్షిస్తుంది. దీని పరిధిలో 21 కేంద్ర ప్రభుత్వ సంస్థలు- ఇన్‌స్టిట్యూట్స్​‍ ఆఫ్‌ హోటల్‌ మేనేజ్‌మెంట్‌ (ఐహెచ్‌ఎం)లు, 27 రాష్ట్ర ప్రభుత్వ విద్యాసంస్థలు, 1 పీఎస్యూ, 29 ప్రైవేట్‌ సంస్థలు ఉన్నాయి.

– ఈ సంస్థ 11 రకాల అకడమిక్‌ ప్రోగ్రామ్స్​‍ను అందిస్తుంది. వాటిలో సర్టిఫికెట్‌, డిప్లొమా, పీజీడిప్లొమా, డిగ్రీ, పీజీ కోర్సులు ఉన్నాయి.
-జాతీయస్థాయిలో నిర్వహించే జాయింట్‌ ఎంట్రన్స్​‍ ఎగ్జామినేషన్‌ ద్వారా మొత్తం 74 హోటల్‌ మేనేజ్‌మెంట్‌ అండ్‌ క్యాటరింగ్‌ టెక్నాలజీ సంస్థలు కోర్సులను అందిస్తున్నాయి. రాష్ట్రంలో ఐదు, ఏపీలో ఒకటి చొప్పున మొత్తం ఆరు ప్రభుత్వ/ప్రైవేట్‌ హోటల్‌ మేనేజ్‌మెంట్‌ కాలేజీలు ఉన్నాయి. పలు పైవేటు సంస్థలు కూడా ఎన్‌సీహెచ్‌ఎం జేఈఈ స్కోరుతో ప్రవేశాలు కల్పిస్తున్నాయి.

పరీక్ష విధానం
-ఎన్‌సీహెచ్‌ఎం జేఈఈ ఎంట్రన్స్​‍లో మొత్తం ఐదు సెక్షన్ల నుంచి 200 ప్రశ్నలు ఇస్తారు.
– ప్రశ్నలు ఆబ్జెక్టివ్‌ పద్ధతిలో ఇస్తారు. పరీక్ష కాలవ్యవధి మూడుగంటలు.
– న్యూమరికల్‌ ఎబిలిటీ అండ్‌ అనలిటికల్‌ ఆప్టిట్యూడ్‌, రీజనింగ్‌ అండ్‌ లాజికల్‌ డిడక్షన్‌, జీకే, కరెంట్‌ అఫైర్స్​‍ సెక్షన్ల నుంచి 30 ప్రశ్నల చొప్పున ఇస్తారు. వీటితోపాటు ఇంగ్లిష్‌ లాంగ్వేజ్‌ నుంచి 60, ఆప్టిట్యూడ్‌ ఫర్‌ సర్వీస్ సెక్టార్‌ నుంచి 50 ప్రశ్నలు ఇస్తారు.
-ప్రతి సరైన సమాధానానికి నాలుగు మార్కులు లభిస్తాయి.
– ప్రతి తప్పు సమాధానానికి ఒక మార్కు కోత విధిస్తారు.
– ప్రశ్న పత్రం ఇంగ్లిష్‌, హిందీలో మాత్రమే ఉంటుంది.

ముఖ్యతేదీలు

దరఖాస్తు: ఆన్‌లైన్‌లో
చివరితేదీ: మే 3
కంవ్యూటర్‌ బేస్డ్ టెస్ట్ తేదీ:
మే 28 (ఉదయం 10 నుంచి 1 గంట వరకు)
పూర్తి వివరాల కోసం
వెబ్‌సైట్‌: https://nchmjee.nta.nic.in

 

– కేశవపంతుల వేంకటేశ్వరశర్మ