ఆమె గతంలో భారత్‌ వ్యవహారాల డిప్యూటీ అసిస్టెంట్‌ సెక్రటరీగా, ముంబైలోని అమెరికా కాన్సులేట్‌ జనరల్‌ ఆఫీస్ లో డిప్యూటీ ప్రిన్సిపల్‌ ఆఫీసర్‌గా పనిచేశారు.

ఐక్యరాజ్యసమితిలో బంగ్లాదేశ్‌ శాశ్వత ప్రతినిధి రాయబారి రబాబ్‌ ఫాతిమా ఐక్యరాజ్యసమితి అండర్‌ సెక్రటరీ జనరల్‌గా జూన్‌ 12న నియమితులయ్యారు. ఈ పదవికి బంగ్లాదేశ్‌ నుంచి నియమితులైన మొదటి మహిళా దౌత్యవేత్త.

కేంద్ర కేబినెట్‌ సెక్రటేరియట్‌ సెక్రటరీ (సెక్యూరిటీ)గా వీఎస్కే కౌముది జూన్‌ 13న నియమితులయ్యారు. ఈయన 1986 బ్యాచ్‌ ఏపీ కేడర్‌ ఐపీఎస్ అధికారి.

సెల్యులార్‌ ఆపరేటర్స్​‍ అసోసియేషన్‌ ఆఫ్‌ ఇండియా (సీవోఏఐ) కొత్త చైర్మన్‌గా ప్రమోద్‌ కే మిట్టల్‌ జూన్‌ 14న నియమితులయ్యారు. ఈయన రిలయన్స్​‍ జియో ఇన్ఫోకామ్‌ ప్రెసిడెంట్‌గా పనిచేస్తున్నారు.

అమెరికాలోని వైట్‌హౌస్ ‘ఆఫీస్ ఆఫ్‌ సైన్స్​‍ అండ్‌ టెక్నాలజీ పాలసీ (ఓఎస్టీపీ)’ హెడ్‌గా భారత సంతతి వ్యక్తి ఆరతి ప్రభాకర్‌ను అధ్యక్షుడు జో బైడెన్‌ జూన్‌ 15న నామినేట్‌ చేశారు. ఆమె గతంలో బిల్‌ క్లింటన్‌ ప్రభుత్వంలో నేషనల్‌ ఇన్‌స్టిట్యూట్‌ ఆఫ్‌ స్టాండర్డ్‍ అండ్‌ టెక్నాలజీ (ఎన్‌ఐఎస్టీ)కి నాయకత్వం వహించారు. బరాక్‌ ఒబా మా ప్రభుత్వంలో డిఫెన్స్​‍ అడ్వాన్స్​‍డ్‌ రిసెర్చ్ ప్రాజెక్ట్ ఏజెన్సీ (డార్పా)లో పనిచేశారు. ఓఎస్టీపీ అధిపతిగా బాధ్యతలు చేపట్టనున్న తొలి మహిళగా రికార్డులకెక్కనున్నారు.

ప్రముఖ ఉర్దూ రచయిత, సాహిత్య విమర్శకుడు గోపీచంద్‌ నారంగ్‌ జూన్‌ 15న మరణించారు. సాహిత్య అకాడమీకి అధ్యక్షుడిగా పనిచేశారు. 2004లో పద్మభూషణ్‌ అందుకున్నారు.

అమెరికా రక్షణ శాఖ ఉప సహాయ మంత్రిగా భారత సంతతి వ్యక్తి రాధా అయ్యంగార్‌ ప్లంబ్‌ను అధ్యక్షుడు జో బైడెన్‌ జూన్‌ 15న నామినేట్‌ చేశారు. ఆమె ప్రస్తుతం చీఫ్‌ ఆఫ్‌ స్టాఫ్‌ టు ది డిప్యూటీ సెక్రటరీ ఆఫ్‌ డిఫెన్స్​‍గా బాధ్యతలు నిర్వర్తిస్తున్నారు.

ప్రెస్ కౌన్సిల్‌ ఆఫ్‌ ఇండియా (పీసీఐ) చైర్‌పర్సన్‌గా జస్టిస్ రంజనా ప్రకాశ్‌ దేశాయ్‌ను నియమిస్తూ కేంద్ర సమాచార ప్రసార మంత్రిత్వ శాఖ జూన్‌ 17న ఉత్తర్వులు జారీచేసింది. ఈమె సుప్రీంకోర్టులో న్యాయమూర్తిగా పనిచేశారు. ఈ పదవిలో నియమితులైన తొలి మహిళ.