ప్రపంచ శరణార్థులదినోత్సవాన్ని ఏ రోజున నిర్వ‌హిస్తారు? (అంతర్జాతీయం)

చైనా ఏబీఎం

మిడ్‌కోర్స్​‍ (మధ్యంతర దశ)లో శత్రు దేశాల బాలిస్టిక్‌ క్షిపణులను ధ్వంసం చేసే యాంటీ బాలిస్టిక్‌ మిసైల్‌ (ఏబీఎం)కి చెందిన టెక్నాలజీ పరీక్షను జూన్‌ 20న చైనా విజయవంతంగా నిర్వహించింది.

వరల్డ్​‍ రెఫ్యూజీ డే

ప్రపంచ శరణార్థుల (వరల్డ్​‍ రెఫ్యూజీ) దినోత్సవాన్ని యూఎన్‌ ఆధ్వర్యంలో జూన్‌ 20న నిర్వహించారు. ప్రపంచవ్యాప్తంగా శరణార్థులు ఎదుర్కొంటున్న ఇబ్బందులను వెలుగులోకి తెచ్చేందుకు ఈ దినోత్సవాన్ని 2001 నుంచి యూఎన్‌ నిర్వహిస్తుంది. ఈ ఏడాది దీని థీమ్‌ ‘హూఎవర్‌, వాటెవర్‌, వెనెవర్‌. ఎవ్రీవన్‌ హ్యాజ్‌ ఏ రైట్‌ టు సీక్‌ సేఫ్టీ’.

నూరి రాకెట్‌

దక్షిణకొరియా దేశీయంగా అభివృద్ధి చేసిన ‘నూరి’ అనే తొలి అంతరిక్ష రాకెట్‌ను విజయంతంగా జూన్‌ 21న ప్రయోగించింది. దీంతో స్వీయ సామర్థ్యంతో ఉపగ్రహాన్ని ప్రయోగించిన 10వ దేశంగా దక్షిణ కొరియా నిలిచింది. ఈ రాకెట్‌ సాయంతో ఒక ప్రయోగాత్మక ఉపగ్రహాన్ని కక్ష్యలోకి పంపింది. ఈ రాకెట్‌ 47 మీటర్ల (154 అడుగులు) కంటే ఎక్కువ పొడవు, 200 టన్నుల బరువు ఉంటుంది.

ఖువ్స్​‍గుల్‌ సరస్సు

మంగోలియాలోని ఖువ్స్​‍గుల్‌ సరస్సును ‘వరల్డ్​‍ నెట్‌వర్క్​‍ ఆఫ్‌ బయోస్ఫియర్‌ రిజర్వ్ ఆఫ్‌ యునెస్కో’లో జూన్‌ 21న చేర్చారు. 34వ ‘ఇంటర్నేషనల్‌ కో ఆర్డినేటింగ్‌ కౌన్సిల్‌ ఆఫ్‌ ది మ్యాన్‌ అండ్‌ ది బయోస్ఫియర్‌ ప్రోగ్రామ్‌’ పారిస్లో నిర్వహించారు. ఈ ప్రోగ్రామ్‌లో ఖువ్స్​‍గుల్‌ సరస్సును ఈ జాబితాలో చేర్చారు

గోల్డ్​‍ రీసైక్లింగ్‌

వరల్డ్​‍ గోల్డ్​‍ కౌన్సిల్‌ నివేదిక జూన్‌ 21న విడుదలైంది. ప్రపంచంలో బంగారం రిఫైనింగ్‌, రీసైక్లింగ్‌ చేసే దేశాలను ఈ సూచికలో వెల్లడిస్తారు. ఈ నివేదిక ప్రకారం చైనా 168 టన్నుల బంగారాన్ని రీసైక్లింగ్‌ చేసి మొదటిస్థానంలో నిలిచింది. తర్వాత స్థానాల్లో వరుసగా ఇటలీ (80 టన్నులు), యూఎస్ (78 టన్నులు)నిలిచాయి.
భారత దేశం (75 టన్నులు) నాలుగో స్థానంలో ఉంది.

వరల్డ్​‍ గోల్డ్​‍ కౌన్సిల్‌ ప్రధాన కార్యాలయం లండన్‌లో ఉంది. దీనిని 1987లో స్థాపించారు. దీని సీఈవో డేవిడ్‌ టైట్‌, ఇండియా సీఈవో సోమసుందర్‌.

ఇండో-జర్మన్‌

జర్మనీలోని దోర్త్‍మండ్‌లో ఇండో-జర్మన్‌ చాంబర్‌ ఆఫ్‌ కామర్స్​‍ వార్షిక సమావేశం జూన్‌ 21న నిర్వహించారు. ‘ఆర్బిట్రేషన్‌ ఇన్‌ ఏ గ్లోబలైజ్డ్‍ వరల్డ్​‍-ది ఇండియన్‌ ఎక్స్​​‍పీరియన్స్​‍’ అనే అంశంపై చర్చించారు. ఈ సదస్సుకు భారత సుప్రీంకోర్టు ప్రధాన న్యాయమూర్తి జస్టిస్ ఎన్‌వీ రమణ ముఖ్య అతిథిగా హాజరయ్యారు.

ఒలింపిక్‌ డే

ఇంటర్నేషనల్‌ ఒలింపిక్‌ డేని జూన్‌ 23న నిర్వహించారు. ఆధునిక ఒలింపిక్‌ క్రీడల పుట్టుకకు గుర్తుగా ఈ దినోత్సవాన్ని నిర్వహిస్తున్నారు. 1948లో స్టాక్‌హోం (స్వీడన్‌)లో 41వ సెషన్‌లో ఇంటర్నేషనల్‌ ఒలింపిక్‌ కమిటీ (ఐవోసీ) చెక్‌ రిపబ్లిక్‌ సభ్యుడు గ్రూస్.. ఒలింపిక్‌ దినోత్సవం గురించి ప్రతిపాదించారు. దీంతో ఐవోసీని స్థాపించిన 1894, జూన్‌ 23న ఈ దినోత్సవాన్ని నిర్వహిస్తున్నారు. ఈ ఏడాది దీని థీమ్‌ ‘టుగెదర్‌ ఫర్‌ ఏ పీస్ఫుల్‌ వరల్డ్​‍’.

యూఎన్‌ పబ్లిక్‌ సర్వీస్ డే

యునైటెడ్‌ నేషన్స్​‍ (యూఎన్‌) పబ్లిక్‌ సర్వీస్ దినోత్సవాన్ని జూన్‌ 23న నిర్వహించారు. ప్రభుత్వ సంస్థలు, సేవకుల విలువను గుర్తించే లక్ష్యంతో ఈ దినోత్సవాన్ని ఏటా ఐక్యరాజ్యసమితి 2003 నుంచి నిర్వహిస్తుంది. ఈ ఏడాది దీని థీమ్‌ ‘బిల్డింగ్‌ బ్యాక్‌ బెటర్‌ ఫ్రం కొవిడ్‌-19: ఎన్‌హాన్సింగ్‌ ఇన్నోవేటివ్‌ పార్ట్‍నర్‌షిప్‌ టు మీట్‌ ది సస్టెయినబుల్‌ డెవలప్‌మెంట్‌ గోల్స్​‍’.

డెవలప్‌మెంట్‌ – నరహరి చాపల