May 24 Current Affairs | వార్తల్లో వ్యక్తులు
వార్తల్లో వ్యక్తులు
ప్రతిమ
అమెరికాలోని న్యూయార్క్ పోలీస్ శాఖ (ఎన్వైపీడీ)లో భారత సంతతి మహిళ ప్రతిమా భుల్లార్ మల్డోనాడో రికార్డు సృష్టించారు. ఆ శాఖలో అత్యున్నత ర్యాంకు పొందిన దక్షిణాసియా మహిళగా మే 18న గుర్తింపు పొందారు. ఆమె క్వీన్స్లోని దక్షిణ రిచ్మండ్ హిల్లోని 102వ పోలీస్ ప్రాంగణ నిర్వహణ బాధ్యతలు నిర్వర్తిస్తున్నారు. పంజాబ్లో జన్మించిన ఆమె చిన్నప్పుడే న్యూయార్క్లోని క్వీన్స్కు వెళ్లారు.
ప్రవీణ్ సూద్
సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) నూతన డైరెక్టర్గా ప్రవీణ్ సూద్ను కేంద్రం మే 14న ఎంపిక చేసింది. ప్రధాని అధ్యక్షుడిగా ఉన్న హైపవర్ కమిటీ ఆయన నియామకానికి ఆమోద ముద్ర వేసింది. ఆయన ఈ పదవిలో రెండేళ్లు ఉంటారు. 1986 బ్యాచ్ కర్ణాటక కేడర్ ఐపీఎస్ అధికారి అయిన ప్రవీణ్ ప్రస్తుతం కర్ణాటక డీజీపీగా పనిచేస్తున్నారు.
బుచ్చిరెడ్డి
ప్రభుత్వ రంగ సంస్థ కోల్ ఇండియా అనుబంధ సంస్థ వెస్ట్రన్ కోల్ ఫీల్డ్స్ లిమిటెడ్ (డబ్ల్యూసీఎల్) డైరెక్టర్ (పర్సనల్)గా పల్లె బుచ్చిరెడ్డి మే 15న నియమితులయ్యారు. ఈయన తెలంగాణలోని హనుమకొండ జిల్లా కమలాపూర్కు చెందినవారు. నాగ్పూర్లో ఇంజినీరింగ్ పూర్తిచేసిన ఆయన వెస్ట్రన్ కోల్ఫీల్డ్స్లో ఉద్యోగ ప్రస్థానాన్ని ప్రారంభించి అదే సంస్థకు డైరెక్టర్గా ఎంపిక కావడం గమనార్హం.
రాబర్ట్ ఈ లూకాస్
ప్రముఖ ఆర్థిక శాస్త్రవేత్త రాబర్ట్ ఈ లూకాస్ మే 15న మరణించారు. ఈయన చికాగో యూనివర్సిటీలో ఎకనామిక్స్ ప్రొఫెసర్గా పనిచేశారు. ఈయనకు 1995లో ఆర్థికశాస్త్రంలో నోబెల్ లభించింది. స్థూల ఆర్థికశాస్త్రం, స్థూల ఆర్థికాంశాల అభివృద్ధిపై అత్యంత ప్రభావం చూపిన ఆర్థికవేత్త రాబర్ట్ లూకాస్.
చంద్రశేఖరన్
టాటా గ్రూప్ చైర్మన్ ఎన్ చంద్రశేఖరన్కు ఫ్రాన్స్ అత్యున్నత పౌర పురస్కారం ‘షువాలె డి లా లీజియన్ దోనర్’ను మే 17న ప్రకటించారు. భారత్-ఫ్రాన్స్ మధ్య వాణిజ్య సంబంధాలను బలోపేతం చేయడానికి చేసిన కృషికి ఈ పురస్కారం దక్కింది. ఫ్రాన్స్ అధ్యక్షుడి తరఫున ఐరోపా, ఫ్రాన్స్ విదేశీ వ్యవహారాల మంత్రి క్యాథరీన్ కోలోన్నా ఈ పురస్కారాన్ని అందజేశారు.
RELATED ARTICLES
Latest Updates
మెదడు, శరీరభాగాలకు మధ్య సంధాన కర్తగా పనిచేసేది?
పెంబర్తి లోహ హస్తకళ.. ఇత్తడి మెటల్ షీట్ భళా
చేతన, అచేతనాలను మూల సూత్రాలుగా ఎంచుకున్న వాదాలు?
ఈశాన్యంలో అత్యల్పం.. ఉత్తరాదిన అత్యధికం
10th Telugu Model Paper | పదో తరగతి తెలుగు మోడల్ పేపర్
ప్రపంచ శాకాహార దినోత్సవం ఎప్పుడు జరుపుకొంటారు?
అనుపస్థితి భూస్వాములు… వ్యవసాయ మార్కెటింగ్ దశలు
IDBI JAM Recruitment | డిగ్రీ అర్హతతో.. ఐడీబీఐ బ్యాంకులో 500 అసిస్టెంట్ మేనేజర్ పోస్టులు
Union Bank Recruitment | యూనియన్ బ్యాంకులో 606 పోస్టులు
PNB Recruitment | పంజాబ్ నేషనల్ బ్యాంక్లో 1025 పోస్టులు