ఆ మెసేజ్‌తో జాగ్రత్త!
టీకా పేరిట సైబర్‌ మోసం
ఫోన్లకు మాల్‌వేర్‌ లింక్‌..
క్లిక్‌ చేస్తే కాంటాక్ట్స్‌ గాయబ్‌
న్యూఢిల్లీ, మే 10: కరోనా వ్యాక్సిన్‌ రిజిస్ట్రేషన్‌ కోసం ‘కొవిన్‌’ పోర్టల్‌ను సందర్శించే వారి సంఖ్య రోజురోజుకూ పెరుగుతున్నది. దీన్ని గమనించిన సైబర్‌ నేరగాళ్లు కొత్త కుట్రకు తెరలేపారు. తమ యాప్‌ను డౌన్‌లోడ్‌ చేసుకుంటే కొవిడ్‌-19 వ్యాక్సిన్‌ రిజిస్ట్రేషన్‌ను సులభంగా చేసుకోవచ్చని ఓ మాల్‌వేర్‌ లింక్‌ను ఫోన్లకు ఎస్సెమ్మెస్‌గా పంపిస్తున్నారు. ఆ లింక్‌పై క్లిక్‌ చేసిన పలువురు యూజర్ల ఫోన్లలోని కాంటాక్ట్‌ లిస్ట్‌ సైబర్‌ నేరగాళ్ల చేతుల్లోకి వెళ్లినట్టు గుర్తించామని సెర్ట్‌ ఒక ప్రకటనలో తెలిపింది. ఆండ్రాయిడ్‌ ఫోన్లే లక్ష్యంగా దాడులు జరుగుతున్నట్టు వెల్లడించింది.Covid19.apk;Vaci__Regis.apk; MyVaccin_v2.apk; Cov-Regis.apk and Vccin-Apply.apk వంటి లింక్స్‌ పట్ల అప్రమత్తంగా ఉండాలని హెచ్చరించింది. ‘కొవిన్‌’ పోర్టల్‌ ద్వారానే టీకా రిజిస్ట్రేషన్‌ చేసుకోవాలని సూచించింది.
