Bank Recruitment 2023 | బ్యాంకుల్లో కొలువుల మేళా! ఆర్‌ఆర్‌బీల్లో 8612 ఖాళీలు

డిగ్రీ ఉత్తీర్ణులైన వారికి సువర్ణావకాశం. దేశవ్యాప్తంగా ఉన్న గ్రామీణ బ్యాంకుల్లో కొలువులతో పాటు ఐడీబీఐలో ఎగ్జిక్యూటివ్‌ పోస్టుల భర్తీకి ప్రకటనలు విడుదలయ్యాయి. ఈ నేపథ్యంలో పోస్టులు, పరీక్ష విధానం గురించి సంక్షిప్తంగా…

గ్రామీణ బ్యాంకుల్లో….

• రీజినల్‌ రూరల్‌ బ్యాంకుల్లో (ఆర్‌ఆర్‌బీ)లో కామన్‌ రిక్రూట్‌మెంట్‌ ప్రాసెస్‌-XII ద్వారా వివిధ పోస్టుల భర్తీకి ఇన్‌స్టిట్యూట్‌ ఆఫ్‌ బ్యాంకింగ్‌ పర్సనల్‌ సెలక్షన్‌ (ఐబీపీఎస్‌) ప్రకటన విడుదల చేసింది.
• మొత్తం ఖాళీలు: 8612 (మొదట ప్రకటించిన ఖాళీల సంఖ్య 8594 నుంచి ఈ సంఖ్య 8612కు పెరిగింది)
• పోస్టులు: స్కేల్‌-3 సీనియర్‌ మేనేజర్‌, స్కేల్‌-2 మేనేజర్‌, స్కేల్‌-1 అసిస్టెంట్‌ మేనేజర్‌, ఆఫీస్‌ అసిస్టెంట్‌ (మల్టీపర్పస్‌)
• అర్హతలు: ఆఫీస్‌ అసిస్టెంట్‌, అసిస్టెంట్‌ మేనేజర్‌ పోస్టులకు ఏదైనా డిగ్రీ ఉత్తీర్ణతతోపాటు స్థానిక భాషలో ప్రావీణ్యం ఉండాలి. కంప్యూటర్‌ పరిజ్ఞానం ఉండాలి. మేనేజర్‌ పోస్టుకు డిగ్రీ ఉత్తీర్ణతతోపాటు రెండేండ్ల అనుభవం ఉండాలి/ సంబంధిత సబ్జెక్టులో డిగ్రీ ఉత్తీర్ణత. అనుభవం ఉండాలి. సీనియర్‌ మేనేజర్‌ పోస్టులకు కనీసం 50 శాతం మార్కులతో డిగ్రీ ఉత్తీర్ణత. ఐదేండ్ల అనుభవం ఉండాలి.
• వయస్సు: ఆఫీస్‌ అసిస్టెంట్‌ పోస్టులకు 18-28 ఏండ్ల మధ్య ఉండాలి. మిగిలిన పోస్టులకు వేర్వేరుగా ఉన్నాయి. వివరాలు వెబ్‌సైట్‌లో చూడవచ్చు.
• ఎంపిక విధానం: పోస్టును బట్టి ప్రిలిమ్స్‌, మెయిన్స్‌, ఇంటర్వ్యూ, సర్టిఫికెట్‌ వెరిఫికేషన్‌, వైద్య పరీక్షల
  ఆధారంగా చేస్తారు.
• ప్రిలిమ్స్‌లో రీజనింగ్‌, న్యూమరికల్‌ ఎబిలిటీ నుంచి ప్రశ్నలు ఇస్తారు.
• మెయిన్స్‌లో రీజనింగ్‌, కంప్యూటర్‌ నాలెడ్జ్‌, జనరల్‌ అవేర్‌నెస్‌, ఇంగ్లిష్‌ లాంగ్వేజ్‌/ హిందీ లాంగ్వేజ్‌, న్యూమరికల్‌ ఎబిలిటీ నుంచి ప్రశ్నలు ఇస్తారు.
• నోట్‌: రాష్ర్టానికి చెందిన అభ్యర్థులు ఇంగ్లిష్‌, హిందీ, తెలుగు, ఉర్దూ భాషల్లో ఒకదాన్ని ఎంచుకోవచ్చు.
• నోట్‌: నెగెటివ్‌ మార్కింగ్‌ విధానం ఉంది. ప్రతి తప్పు జవాబుకు 0.25 మార్కులు కోత విధిస్తారు.
  ముఖ్యతేదీలు
• దరఖాస్తు: ఆన్‌లైన్‌లో
• చివరితేదీ: జూన్‌ 21
• ప్రిలిమ్స్‌ ఎగ్జామ్‌: ఆగస్టులో
• మెయిన్స్‌ ఎగ్జామ్‌: సెప్టెంబర్‌లో
• వెబ్‌సైట్‌: https://www.ibps.in

ఐడీబీఐ

• ఇండస్ట్రియల్‌ డెవలప్‌మెంట్‌ బ్యాంక్‌ ఆఫ్‌ ఇండియా (ఐడీబీఐ) కాంట్రాక్టు ప్రాతిపదికన ఎగ్జిక్యూటివ్‌ పోస్టుల భర్తీకి ప్రకటన విడుదల చేసింది.
• మొత్తం ఖాళీలు: 1036
• పోస్టులు: ఎగ్జిక్యూటివ్‌
• అర్హతలు: డిగ్రీ ఉత్తీర్ణత. కంప్యూటర్‌ పరిజ్ఞానం. కంప్యూటర్‌ ఆపరేషన్స్‌లో డిగ్రీ/సర్టిఫికెట్‌ లేదా డిప్లొమా కలిగి ఉండాలి. వయస్సు 20- 25 ఏండ్ల మధ్య ఉండాలి.
• ఆన్‌లైన్‌లో దరఖాస్తుకు చివరితేదీ : జూన్‌ 7,
  పరీక్ష తేదీ : జూలై 2.
• వెబ్‌సైట్‌: https://www.idbibank.in