Telangana Government Schemes | ప్రజల పాలిట వరాలు.. అభివృద్ధికి ప్రతీకలు

తెలంగాణ ప్రభుత్వ పథకాలు

ధరావత్‌ పథకం

• రైతులకు రాష్ట్ర ప్రభుత్వం రైతు బంధు కింద ఎలాంటి ధరావత్‌ హామీ లేకుండా 180 రోజుల వరకు లక్ష రూపాయల నుంచి 2 లక్షల రూపాయల వరకు ఆర్థిక రుణ సహాయం అందజేయడం జరుగుతుంది.
• 2019-20 సంవత్సరానికి రూ. 5.23 కోట్లను కేటాయించగా 2019 డిసెంబర్‌ నాటికి 348 మంది రైతులు లబ్ధిపొందారు.

చేప పిల్లల పంపిణీ కార్యక్రమం

• 2016 అక్టోబర్‌ 3న మంత్రి తలసాని శ్రీనివాస్‌యాదవ్‌ ప్రారంభించారు.
• రూ. 48 కోట్లతో 467 చెరువుల్లో/ రిజర్వాయర్లలో 80-100 mm పరిమాణం గల కట్ల, రోహూ మొదలైన రకాల చేప పిల్లలు ఉచితంగా విడుదల.
• గ్రామ పంచాయతీల పరిధిలో 19 వేల చెరువుల్లో ఉచితంగా చేప పిల్లల విడుదల.
• ప్రస్తుత మత్స్య ఉత్పత్తి 40 శాతం పెరుగుదలకు అవకాశం
• 20 లక్షల మత్స్యకారులు ప్రత్యక్షంగా, పరోక్షంగా లబ్ధి పొందుతున్నారు.

పొదుపు పథకం

• 2018 జనవరి నుంచి ప్రారంభించారు.
• మరమగ్గాల కార్మికుల కోసం ఈ పథకం అమలు చేస్తారు.
• ఈ పథకం ద్వారా రాష్ట్ర వ్యాప్తంగా 15 వేల పవర్‌లూమ్‌ కార్మికులు లబ్ధి పొందుతున్నారు.
• కార్మికులు వారి నెల జీతంలో 8 శాతం తమ వాటాగా బ్యాంక్‌లో జమ చేస్తే ప్రభుత్వం మరో 8 శాతం జమ చేస్తుంది.
• 3 సంవత్సరాల తర్వాత జమ చేసిన మొత్తం కార్మికులు తీసుకోవచ్చు. బ్యాంక్‌ దీనిపై వడ్డీ చెల్లిస్తుంది.
• రాష్ట్ర వ్యాప్తంగా 5 వేల మంది మరమగ్గ కార్మికులు, అనుబంధ కార్మికులు ఈ పథకం ద్వారా లబ్ధి పొందుతున్నారు.

మహాత్మా జ్యోతిబాఫూలే బీసీ విదేశీ విద్యానిధి

• ఈ పథకాన్ని 2016 దసరా పండుగ సందర్భంగా ప్రవేశపెట్టారు.
• విదేశాల్లో(అమెరికా, బ్రిటన్‌, కెనడా, ఆస్ట్రేలియా, సింగపూర్‌) ఉన్నత విద్యను అభ్యసించడానికి బీసీ, ఈబీసీ విద్యార్థుల కోసం ప్రారంభించారు.
• ప్రతి విద్యార్థికి గరిష్ఠంగా రూ.20 లక్షల వరకు ఆర్థిక సహాయం చేయనున్నారు.
• ప్రతి సంవత్సరం 300 మందికి ఆర్థిక సహాయం అందజేయబడుతుంది. (జనవరిలో 150 మందికి, సెప్టెంబర్‌లో 150 మందికి).

అంబేద్కర్‌ ఓవర్‌సీస్‌ విద్యానిధి

• ప్రతిభావంతులైన ఎస్సీ, ఎస్టీ విద్యార్థులు విదేశాల్లో ఉన్నత విద్యను అభ్యసించేందుకు రూ.20 లక్షలు అందిస్తారు.
• సంవత్సర ఆదాయ పరిమితి రూ.2 లక్షల నుంచి రూ.5 లక్షలకు పెంచడం జరిగింది.
• గరిష్ఠ అర్హత వయస్సు – 35 సంవత్సరాలు
• ఈ పథకం కింద విద్యార్థులు యూఎస్‌ఏ, యూకే, ఆస్ట్రేలియా, కెనడా, సింగపూర్‌, జర్మనీ, న్యూజిలాండ్‌, జపాన్‌, ఫ్రాన్స్‌, సౌత్‌ కొరియా వంటి దేశాల్లో చదువుకోవడానికి అవకాశం ఉంది.

డ్రైవర్‌ కమ్‌ ఓనర్‌ స్కీం

• 2014 డిసెంబర్‌ 26న హైదరాబాద్‌లో సీఎం కేసీఆర్‌ ప్రారంభించారు.
• ఈ పథకంలో భాగంగా ఎస్టీ నిరుద్యోగ యువతకు ఉపాధి కల్పించేందుకు ఫోర్‌ వీలర్‌ వెహికల్స్‌ను అందించడం జరిగింది.
• ఈ పథకం కింద 500 మంది గిరిజన డ్రైవర్‌లకు రూ.25 కోట్ల సబ్సిడీ అందించి, వారికి స్వయం ఉపాధిని అందించాలని ప్రభుత్వ యోచన.
• రూ. 19.82 కోట్ల వ్యయంతో 446 వాహనాలను లబ్ధిదారులకు అందించడం జరిగింది.

వివేకానంద విదేశీ విద్యా పథకం

• విదేశాల్లో ఉన్నత విద్యను అభ్యసించేందుకు ప్రతిభావంతులైన విద్యార్థులకు రూ.20 లక్షల ఆర్థిక సహాయం అందించేందుకు ఉద్దేశించింది.
• పోస్ట్‌ గ్రాడ్యుయేషన్‌ చేసే అభ్యర్థులు అందుకు సంబంధించి అర్హత కోర్సులో కనీసం 65 శాతం, పీహెచ్‌డీ చేసే అభ్యర్థులకు పీజీ కోర్సులో కనీసం 65 శాతం మార్కులు వచ్చి ఉండాలి.
• ఈ పథకానికి కుటుంబ వార్షిక ఆదాయం రూ. 5 లక్షల లోపు ఉన్నవారు అర్హులు.
  BEST (Brahmin Enterpreneurship Development Scheme of Telangana)
• 21-55 సంవత్సరాల మధ్యగల బ్రాహ్మణ యువతను పారిశ్రామిక రంగంలో
  ప్రోత్సహించేందుకు ఈ పథకం ప్రారంభించారు.
• వారి కుటుంబ ఆదాయం రూ.5 లక్షలు మించి ఉండరాదు.

సబ్సిడీ

• లక్ష రూపాయల లోపు ఉన్న యూనిట్లకు 80 శాతం వరకు సబ్సిడీ
• 2 లక్షల రూపాయల లోపు ఉన్న యూనిట్లకు 70 శాతం సబ్సిడీ
• 2 లక్షల రూపాయల పైబడిన యూనిట్లకు 60 శాతం వరకు సబ్సిడీ

తెలంగాణ డిజిధన్‌

• 2015 ఆగస్టు 27న జేఎన్‌టీయూలో మంత్రి నిరంజన్‌ రెడ్డి ప్రారంభించారు.
• తెలంగాణ ప్రభుత్వం నాస్కామ్‌ సహకారంతో తెలంగాణ ఇన్ఫర్మేషన్‌ టెక్నాలజీ అసోసియేషన్‌ ఆధ్వర్యంలో తెలంగాణ డిజిధన్‌ పేరుతో ఈ పథకాన్ని ప్రారంభించారు.
• గ్రామీణ ప్రాంతాల్లో మొబైల్‌ ఫోన్‌ ఉపయోగించడంలో అవగాహన ఉన్నవారు, విద్యార్థులు, ఇతర పని వారి కోసం ఈ పథకాన్ని ప్రారంభించారు.
• తెలంగాణ రాష్ట్ర ఇ-లిటరసీ సాధనకు ఈ పథకం ఉపయోగపడుతుంది.

టాస్క్‌ (తెలంగాణ అకాడమీ ఫర్‌ స్కిల్‌ అండ్‌ నాలెడ్జ్‌)

• ఇది లాభాపేక్షలేని సంస్థ. ఇది పరిశ్రమలకు, విద్యా సంస్థలకు మధ్య వారధిగా పనిచేస్తుంది.
• యువతకు ఉపాధి అవకాశాలు పెంచడం, పరిశ్రమలకు నాణ్యమైన మానవ వనరులు, సేవలు అందించడం దీని లక్ష్యం.
• ప్రత్యేకమైన పబ్లిక్‌-ప్రైవేట్‌ భాగస్వామ్యాలతో ఏర్పాటు చేయబడింది.
• నవ కల్పన గల కంపెనీలను ప్రారంభించడానికి, వాటికి గ్రేడింగ్‌ ఇవ్వడానికి అవసరమైన సహాయాన్ని వ్యవస్థాపకులకు చేయూత ఇవ్వడానికి విస్తృతమైన నెట్‌వర్క్‌ భాగస్వామ్యంతో పనిచేస్తుంది.
• దీన్ని తెలంగాణ రాష్ట్ర సమాచార సాంకేతిక, ఎలక్ట్రానిక్స్‌ మంత్రిత్వశాఖ ఆధ్వర్యంలో ఏర్పాటు చేయడం జరిగింది.
• ఈ సంస్థ అమలు చేసిన విభిన్న నైపుణ్య ఆధారిత కార్యక్రమాలు, నీతి ఆయోగ్‌ వారి ఆల్‌ ఇండియా స్కిల్లింగ్‌ బెస్ట్‌ ప్రాక్టీసెస్‌ సంచికలో ప్రచురితం చేశారు.

అన్నపూర్ణ పథకం

• 2014 జూలై 17న హైదరాబాద్‌లో ప్రారంభించారు.
• నిరుపేదలకు, భిక్షాటన చేసేవారికి అడ్డాకూలీలు, చిరు వ్యాపారుల కోసం జీహెచ్‌ఎంసీ, హరేకృష్ణ మిషన్‌ చారిటబుల్‌ ఫౌండేషన్‌ సహకారంతో గ్రేటర్‌ హైదరాబాద్‌ మున్సిపల్‌ కార్పొరేషన్‌ పరిధిలోని 159 కేంద్రాల్లో ప్రారంభించారు.
• భోజనంలో 400 గ్రాముల అన్నం, 100 గ్రాముల పప్పు, 100 గ్రాముల కర్రీ, పచ్చడిని కేవలం రూ. 5లకు అందిస్తున్నారు. ప్రతిఒక్కరికీ అయ్యే ఖర్చు రూ.24.25లు కాగా హరేకృష్ణ మిషన్‌ చారిటబుల్‌ ఫౌండేషన్‌ రూ.19.25ను భరిస్తుంది.

పోషణ్‌ అభియాన్‌

• పిల్లల్లో పోషకాహార లోపాన్ని నివారించేందుకు ఈ పథకాన్ని 2018 డిసెంబర్‌ 26న ప్రకటించింది.
• దీన్ని 2020 జనవరి 1 నుంచి హనుమకొండ జిల్లాలో ప్రయోగాత్మకంగా అమలు చేశారు.

బాలామృతం పథకం

• ఈ పథకం కింద 7 నెలల నుంచి 3 ఏళ్లలోపు పిల్లలకు నెలకు 16 గుడ్లు అందజేస్తారు.
• 3 నుంచి 6 సంవత్సరాల వయస్సు పిల్లలకు నెలకు 30 గుడ్లు అందజేస్తారు.
• ప్రతి చిన్నారికి 2.5 కిలోల ప్యాకెట్లలో బాలామృతం పంపిణీ చేస్తారు.

గిరిపోషణ పథకం

• తెలంగాణలో గిరిజన జనాభా పోషకాహార స్థితిని మెరుగుపరచడానికి గిరిజన సంక్షేమశాఖ, అగ్రి బిజినెస్‌ అండ్‌ ఇన్నోవేషన్‌ ప్లాట్‌ఫాం, ఇక్రిశాట్‌ సహకారంతో ఏర్పాటుచేశారు.
• 3 నుంచి 6 సంవత్సరాల వయస్సు గల పిల్లలు, పాలిచ్చే తల్లులకు మెరుగైన
  పోషకాహారం అందిస్తారు.

గిరిబాల వికాస్‌ పథకం

• తెలంగాణలో గిరిజన విద్యార్థినీ, విద్యార్థుల సంపూర్ణ ఆరోగ్య పరిరక్షణకు ఉద్దేశించిన ‘గిరిబాల వికాస్‌’ పథకం ప్రారంభమైంది. ఈ పథకాన్ని జయశంకర్‌ భూపాలపల్లి జిల్లాలోని ఏటూరు నాగారం పరిధిలోని
  గిరిజన పాఠశాలల్లో అప్పటి గిరిజన సంక్షేమ శాఖ మంత్రి అజ్మీరా చందూలాల్‌ 2018 జూలై 6న ప్రారంభించారు. ఈ పథకం ద్వారా విద్యార్థులకు ఏడాదిలో మూడుసార్లు వైద్య పరీక్షలు నిర్వహించి ఆరోగ్య పరిస్థితి అంచనా వేస్తారు.

టి-హబ్‌

• టి-హబ్‌ అనేది 2015లో ప్రారంభించారు.
• తెలంగాణలో వ్యవస్థాపకతను ప్రోత్సహించడానికి హైదరాబాద్‌లో ఉన్న ఒక ఇన్నోవేషన్‌ మధ్యవర్తి, వ్యాపార ఇంక్యుబేటర్‌.
• ప్రారంభం నుంచి ఇప్పటివరకు 1800 కంటే ఎక్కువ జాతీయ, అంతర్జాతీయ స్టార్టప్‌లకు మెరుగైన
  సాంకేతికత, ప్రతిభను అందించింది.
• వినూత్న స్టార్టప్‌ల ఆవిష్కరణల్లో దేశంలోనే రికార్డు సృష్టించిన టి-హబ్‌ మరింత
  విస్తరించింది.
• టి-హబ్‌ (టి-హబ్‌ 2.0) రెండవ దశను 2022 జూన్‌ 28న ప్రారంభించారు.
• టి-హబ్‌ 2.0ను సీఎం ప్రారంభించారు. భారత ప్రభుత్వం నిర్వహించిన నేషనల్‌ స్టార్టప్‌ అవార్డ్స్‌ 2022లో టి-హబ్‌ దేశంలోనే ‘ఉత్తమ ఇంక్యుబేటర్‌’గా నిలిచింది.
• ల్యాబ్‌ 32 రాష్ట్రవ్యాప్తంగా 240 స్టార్టప్‌ సంస్థలతో 8వ విడత సంప్రదింపులు, చర్చలు జరిపింది. టి-హబ్‌ రాష్ట్రంలోని పారిశ్రామికాభివృద్ధి సంస్థతోనూ, ఇదే తరహా ఇతర భాగస్వాములతోనూ కలిసి రాష్ట్రంలోని స్టార్టప్‌లను ప్రోత్సహించి సాయపడేందుకు కృషి చేస్తుంది.

వి-హబ్‌ (విమెన్‌ ఎంట్రప్రెన్యూర్స్‌ హబ్‌)

• మహిళా వ్యవస్థాపకుల హబ్‌ (వి-హబ్‌), 2017లో ప్రారంభించారు.
• ఇది మహిళా వ్యవస్థాపకతను ప్రోత్సహించి, పెంపొందించడానికి రాష్ట్ర ప్రభుత్వ నేతృత్వంలోని అంకురసంస్థ
• 2018 నుంచి నేటి వరకు వి-హబ్‌ 1495 స్టార్టప్‌లు, చిన్న (లేదా) మధ్యస్థ వ్యవస్థాపకులను ప్రోత్సహించింది.
• 2023 జనవరికి మొత్తం 2,194 స్టార్టప్‌ కంపెనీలను ఇంక్యుబేట్‌ చేసింది. 1,495 స్టార్టప్‌లకు సహకారం అందించింది. దీనికి 66.3 కోట్ల రూపాయలను ఫండ్‌ సేకరించి 2,823 జాబ్స్‌ను ప్రవేశపెట్టారు. మహిళా ఎంట్రప్రెన్యూర్స్‌ 5,235 మంది ఉన్నారు.

విజేత కాంపిటేషన్స్‌ సౌజన్యంతో
040-27429494