డిగ్రీలో జాబ్‌ గ్యారెంటీ కోర్సులు!
– ఆర్టిఫిషియల్‌ ఇంటెలిజెన్స్ అండ్‌ మెషిన్‌ లెర్నింగ్‌
-ఈ-కామర్స్, గేమింగ్‌, గ్రాఫిక్‌ డిజైన్‌, యానిమేషన్‌
కోర్సులో అంతర్భాగంగా ఇంటర్న్‍షిప్‌ అమలు
-కొత్తగా బీఏ ఆనర్స్ హిస్టరీ కోర్సు సైతం ప్రారంభం
– 11 అటానమస్ కాలేజీల్లో నిర్వహణకు అనుమతి
నేటి సాంకేతిక అవసరాలకు తగ్గట్టుగా, డిగ్రీ పూర్తిచేసినవారికి జాబ్‌ గ్యారెంటీని ఇచ్చే కోర్సులు ఈ విద్యాసంవత్సరం నుంచి అందుబాటులోకి వస్తున్నాయి. ఆర్టిఫిషియల్‌ ఇంటెలిజెన్స్ అండ్‌ మెషిన్‌ లర్నింగ్‌.. ఇంజినీరింగ్‌లో అనతికాలంలోనే అత్యంత ప్రాచుర్యం పొందిన కోర్సు. ఇంతకాలం ఇంజినీరింగ్‌కే పరిమితమవగా, ఇప్పుడు బీఎస్సీ విద్యార్థులకు అందుబాటులోకి రానున్నది. రాష్ట్రంలోని 11 ప్రభుత్వ అటానమస్ కాలేజీల్లో ఈ కోర్సును ప్రవేశపెట్టాలని ఉన్నత విద్యాశాఖ నిర్ణయం తీసుకొన్నది. ఇవేగాక ఈ కామర్స్, గేమింగ్‌, గ్రాఫిక్‌ డిజైన్‌, యానిమేషన్‌ కోర్సుల ప్రవేశపెడుతున్నారు. వీటి కరిక్యులం, కోర్సు మెటీరియల్‌ను సిద్ధం చేశారు. ఈ కోర్సులను అప్రెంటిస్షిప్‌ ఎంబెడెడ్‌ డిగ్రీ కోర్సులుగా వ్యవహరిస్తున్నారు. ఈ కోర్సుల్లో చేరేవారు ఏదైనా సంస్థలో ఇంటర్న్‍షిప్‌ చేయాల్సి ఉంటుంది. ఆ కాలానికి స్టెపెండ్‌ అందజేస్తారు. బీబీఏ రిటైల్‌ చేస్తున్నవారు రిటైల్‌ సంస్థలు, ఈ కామర్స్‍లో చేరిన వారు ఫ్లిప్‌కార్ట్‍, అమెజాన్‌ వంటి సంస్థల్లో ఇంటర్న్‍షిప్‌ చేయాల్సి ఉంటుంది. ఏ సంస్థలో చేయాలన్నది స్థానికంగా ఉండే సంస్థలను బట్టి అవకాశం కల్పిస్తారు. బీఏలో ఆనర్స్ కోర్సులను విస్తృతంగా అందుబాటులోకి తీసుకొస్తుండగా, తాజాగా ఈ విద్యాసంవత్సరం బీఏ ఆనర్స్-హిస్టరీ కోర్సు అందుబాటులోకి రానున్నది. హైదరాబాద్‌ సిటీ కాలేజీలో ఈ కోర్సులో ప్రవేశాలు కల్పిస్తారు.
కాలేజీల వారిగా కోర్సులివే..
కాలేజీ కోర్సులు
ప్రభుత్వ డిగ్రీ కాలేజీ – నయాపూల్‌ బీబీఏ – రిటైలింగ్‌, బీఏ- కంటెంట్‌ అండ్‌ క్రియేటివ్‌ రైటింగ్‌
ప్రభుత్వ మహిళా డిగ్రీ కాలేజీ,నాంపల్లి బీకాం ఈ కామర్స్ ఆపరేషన్స్
ప్రభుత్వ మహిళా డిగ్రీ కాలేజీ,బేగంపేట బీఎస్సీ- గేమింగ్‌, బీఏ- కంటెంట్‌ అండ్‌ క్రియేటివ్‌ రైటింగ్‌, బీకాం- ఈ కామర్స్ ఆపరేషన్స్
ఎస్సారార్‌ ప్రభుత్వ డిగ్రీ కాలేజీ, కరీంనగర్‌ బీబీఏ- రిటైలింగ్‌, బీకాం- ఈ కామర్స్ ఆపరేషన్స్
ప్రభుత్వ డిగ్రీ కాలేజీ, ఖమ్మం బీఎస్సీ – గ్రాఫిక్‌ డిజైన్‌ అండ్‌ డిజిటల్‌ అడ్వర్టయిజింగ్‌, బీబీఏ – రిటైలింగ్‌, బీఏ పర్ఫార్మింగ్‌ ఆర్ట్
పింగలి మహిళా డిగ్రీ కాలేజీ, హనుమకొండ బీబీఏ- రిటైలింగ్‌, బీకాం – ఈ కామర్స్ ఆపరేషన్స్
ప్రభుత్వ డిగ్రీ కాలేజీ మహబూబ్‌నగర్‌ బీబీఏ – లాజిస్టిక్స్, బీకాం – అగ్రిస్టోరేజీ అండ్‌ సప్లయ్‌ చైన్‌, బీఏ – కంటెంట్‌ అండ్‌ క్రియేటివ్‌ రైటింగ్‌
ప్రభుత్వ డిగ్రీ కాలేజీ, నల్లగొండ బీకాం- ఈ కామర్స్ ఆపరేషన్స్, బీఎస్సీ-గ్రాఫిక్‌ డిజైన్‌ అండ్‌ డిజిటల్‌ అడ్వర్టయిజింగ్‌
ప్రభుత్వ డిగ్రీ కాలేజీ నిజామాబాద్‌ బీబీఏ- లాజిస్టిక్స్, బీకాం- అగ్రిస్టోరేజీ అండ్‌ సప్లయ్‌చైన్‌
ప్రభుత్వ డిగ్రీ కాలేజీ సంగారెడ్డి బీబీఏ- అగ్రిస్టోరేజీ అండ్‌ సప్లయ్‌చైన్‌, బీఏ- కంటెంట్‌ అండ్‌ క్రియేటివ్‌ రైటింగ్‌
ప్రభుత్వ డిగ్రీ కాలేజీ సిద్దిపేట బీకాం- ఈ కామర్స్ ఆపరేషన్స్, బీఎస్సీ-యానిమేషన్‌, బీబీఏ- రిటైలింగ్‌
