UG Admissions in IISC | ఐఐఎస్సీలో యూజీ ప్రవేశాలు

సైన్స్​‍ రిసెర్చ్ లో దేశంలోనే నంబర్‌ వన్‌గా ఎన్‌ఐఆర్‌ఎఫ్‌ ర్యాంకింగ్స్​‍లో నిలిచిన సంస్థ ఐఐఎస్సీ. అంతేకాకుండా
ప్రపంచ ర్యాంకింగ్స్​‍లో భారత్‌ నుంచి కొన్నేండ్లుగా టాప్‌లో నిలుస్తున్న విద్యాసంస్థ. యూజీ, పీజీ, రిసెర్చ్
ప్రోగ్రామ్‌లను అందించడంలో ఐఐటీలతో పోటీపడుతున్న సంస్థ. పరిశోధనలకు పేరుగాంచిన ఈ సంస్థలో అండర్‌
గ్రాడ్యుయేట్‌ కోర్సుల్లో ప్రవేశాల కోసం ప్రకటన విడుదలైన నేపథ్యంలో ఆ సంస్థ అందించే యూజీ కోర్సులు,
ఎంపిక తదితర వివరాలు సంక్షిప్తంగా నిపుణ పాఠకుల కోసం..

ఐఐఎస్సీ
# బెంగళూరులోని ఇండియన్‌ ఇన్‌స్టిట్యూట్‌ ఆఫ్‌ సైన్స్​‍ని జంషెడ్‌జీ టాటా ప్రారంభించారు. ఈ సంస్థను ఆయన మానస పుత్రికగా పిలుస్తారు. 19వ శతాబ్దం చివరలో ప్రముఖ విద్యావేత్త బుర్జోర్జీ పాదుషా నేతృత్వంలో ఈ సంస్థ ఏర్పాటుకు కమిటీని వేశారు. 1909, మే 27న 371 ఎకరాల విస్తీర్ణంలో దీన్ని ప్రారంభించారు. మొదట్లో జనరల్‌ అండ్‌ అప్లయిడ్‌ కెమిస్ట్రీ, ఎలక్టికల్‌ టెక్నాలజీ విభాగాలతో ఈ సంస్థ ప్రారంభమైంది. ప్రస్తుతం 40కి పైగా విభాగాలతో ఆరు ప్రధాన సబ్జెక్టుల్లో పలు ప్రోగ్రామ్‌లను అందిస్తుంది.
#ఈ సంస్థ అందిస్తున్న ప్రధాన సబ్జెక్టులు బయాలజికల్‌, కెమికల్‌, ఎలక్టికల్‌, ఇంటర్‌డిసిప్లినరీ రిసెర్చ్, మెకాని కల్‌, ఫిజికల్‌, మ్యాథమెటికల్‌ సైన్సెస్కు సంబంధించిన ప్రోగ్రామ్స్​‍ను అందిస్తుంది. ప్రస్తుతం బెంగళూరుతో పాటు కర్ణాటకలోని చిత్రదుర్గ జిల్లాలో మరో క్యాంపస్ ను కూడా ఏర్పాటు చేశారు.

ముఖ్యతేదీలు
– దరఖాస్తు: ఆన్‌లైన్‌లో
– ఫీజు: జనరల్‌/ఓబీసీలకు రూ.500.
-ఎస్సీ, ఎస్టీ, పీహెచ్‌సీ అభ్యర్థులకు రూ.250/-
– చివరితేదీ: మే 31
– వెబ్‌సైట్‌: https://iisc.ac.in

ఎవరు అర్హులు?
– ఈ కోర్సు చేయడానికి 2021లో కనీసం 60 శాతం మార్కులతో ఇంటర్‌ (ఎంపీసీ) ఉత్తీర్ణులైనవారు లేదా ప్రస్తుతం ఇంటర్‌ సెకండియర్‌ పరీక్షలు రాయనున్నవారు అర్హులు. ఏ ఇతర సబ్జెక్టులతోనైనా, ప్రధాన సబ్జెక్టులుగా ఫిజిక్స్​​‍, కెమిస్ట్రీ, మ్యాథ్స్​‍తో ఇంటర్‌ ఉత్తీర్ణులు కూడా ఈ కోర్సు చేయడానికి అర్హులు.

  యూజీ కోర్సులు
– బీఎస్సీ (రిసెర్చ్ ప్రోగ్రామ్‌)
నోట్‌: ఈ సంస్థ యూజీతో పాటు ఎంటెక్‌, ఇంటిగ్రేటెడ్‌ పీహెచ్‌డీ, ఎంటెక్‌/ఎండిజైన్‌, ఎం.మేనేజ్‌మెంట్‌, పీహెచ్‌డీ తదితర కోర్సులను కూడా అందిస్తుంది.

– బ్యాచిలర్‌ ఆఫ్‌ సైన్స్​‍ (రిసెర్చ్). ఇది నాలుగేండ్ల కాలవ్యవధిగల కోర్సు. ఈ కోర్సును 2011 నుంచి ప్రారంభించారు. 8 సెమిస్టర్లు ఉంటాయి. ఈ కోర్సులో విద్యార్థులు ఫిజిక్స్​​‍, కెమిస్ట్రీ, మ్యాథ్స్​‍, బయాలజీ, ఎర్త్ అండ్‌ ఎన్విరాన్‌మెంటల్‌ సైన్స్​‍, మెటీరియల్స్​‍ను చదవాలి. నాలుగో సంవత్సరం విద్యార్థుల మార్కులు, ఆసక్తి ఆధారంగా స్పెషలైజేషన్‌ సబ్జెక్టును ఇస్తారు. బీఎస్సీ రిసెర్చ్‍తోపాటు మరో ఏడాది అంటే ఐదో ఏడాది చదివితే మాస్టర్‌ ఆఫ్‌ సైన్స్​‍ డిగ్రీని ప్రదానం చేస్తారు.
ఎంపిక విధానం
– కేవీపీవై-2020- స్ట్రీమ్‌ ఎస్ఏ, కేవీపీవై-2021, స్ట్రీమ్‌ ఎస్ఎక్స్​​‍, కేవీపీవై-2021, స్ట్రీమ్‌ ఎస్బీ లేదా ఐఐటీ జేఈఈ మెయిన్‌-2022, జేఈఈ అడ్వాన్స్​‍డ్‌ 2022, నీట్‌-యూజీ 2022లో అర్హత సాధించిన వారు అర్హులు. పైన పేర్కొన్న ఎంట్రన్స్​‍ టెస్టుల్లో వచ్చిన ర్యాంక్‌ ఆధారంగా ఎంపిక చేస్తారు.