పాఠశాల విద్యార్థులకు సీఎస్ఐఆర్ ఇన్నోవేషన్ అవార్డులు
హైదరాబాద్: కౌన్సిల్ ఆఫ్ సైంటిఫిక్ అండ్ ఇండస్ర్టియల్ రిసెర్చ్ (సీఎస్ఐఆర్) ఇన్నోవేషన్ అవార్డ్ ఫర్ స్కూల్ చిల్డ్రన్కు దరఖాస్తులు ఆహ్వానిస్తున్నట్టు విద్యాశాఖ అధికారులు తెలిపారు. 15 అవార్డులు అందజేస్తారని, మొదటి బహుమతిగా ఒకరికి రూ.లక్ష, రెండో బహుమతిగా ఇద్దరికి రూ.50 వేల చొప్పున, మూడో బహుమతి ముగ్గురికి రూ.30 వేల చొప్పున, నాలుగో బహుమతి నలుగురికి రూ.20 వేల చొప్పున, ఐదో బహుమతిగా ఐదుగురికి రూ.10 వేల చొప్పున నగదు అందజేస్తారని, పాఠశాలల విద్యార్థులు దరఖాస్తు చేసుకోవాలని అధికారులు సూచించారు. 12వ తరగతి వరకు 18 ఏండ్లలోపు ఉన్న విద్యార్థులు అర్హులని, ఆసక్తి గలవారు ఈ నెల 30లోపు www.csir.res.inలో దరఖాస్తుచేసుకోవాలని తెలిపారు.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
ఇవికూడా చదవండి..
