International alliances | అంతర్జాతీయ కూటములు
అలీనోద్యమ కూటమి (Non Aligned Movement-NAM)
-1961బెల్‌గ్రెడ్‌లో ప్రారంభమైంది.
-ఇందులో 120 దేశాలకు సభ్యత్వం ఉంది. 17 దేశాలు పరీశీలక హోదా కలిగి ఉన్నాయి.
-అలీన విధానం అనే పదాన్ని మొదటిసారిగా మాజీ ప్రధాని జవహర్‌లాల్ నెహ్రూ ఉపయోగించారు.
-రెండో ప్రపంచ యుద్ధానంతరం కొత్తగా స్వాతంత్య్రం పొందిన దేశాలు తమ స్వాతంత్య్రం, సమానత్వం, సాంఘిక న్యాయం కోసం అలీనోద్యమ కూటమిగా ఏర్పడ్డాయి.
-1955లో ఇండోనేషియాలోని బాండుంగ్‌లో జరిగిన సమావేశం దీనికి పునాది అయ్యింది. ఈ ఉద్యమానికి నెహ్రూ, జోసెఫ్ టిటో (యుగోస్లేవియా), అబ్దుల్ నాజర్ (ఈజిప్ట్), సుకర్నో (ఇండోనేషియా) కృషిచేశారు.
-ఇది ప్రతి మూడేండ్లకు ఒకసారి సమావేశమవుతుంది. ఇప్పటివరకు 17 సమావేశాలు జరిగాయి. 17వ సమావేశం 2015లో వెనిజులాలో జరిగింది.
జీ-4 దేశాల కూటమి
-ఐక్యరాజ్య సమితిలోని భద్రతామండలిలో శాశ్వత సభ్యత్వం పొందేందుకు భారత్, జపాన్, జర్మనీ, బ్రెజిల్‌లు కలిసి జీ-4 దేశాల కూటమిగా ఏర్పడ్డాయి.
-ఇది 2004 ప్రారంభమైంది.
ఐబీఎస్‌ఏ కూటమి
-ఆసియా, ఆఫ్రికా, లాటిన్ అమెరికాలోని మూడు ప్రధాన ఆర్థిక వ్యవస్థల కూడిన ఐబీఎస్‌ఏ 2003లో ఏర్పడింది.
-ఇండియా (I), బ్రెజిల్ (B), దక్షిణాఫ్రికా (SA)లు ఇందులో సభ్యులుగా ఉన్నాయి.
-పేద దేశాల మధ్య సహకారం పెంపొందించడం, సమగ్ర ప్రపంచాభివృద్ధిలో కీలకపాత్ర పోషించడం ఈ కూటమి ప్రధాన ఉద్దేశం.
-2006లో ఈ కూటమి తొలి శిఖరాగ్ర సదస్సు బ్రెజిల్‌లో జరిగింది. 7వ శిఖరాగ్ర సమావేశం 2015లో న్యూఢిల్లీలో జరిగింది.
-భారత్‌లో ఇప్పటివరకు రెండు సార్లు (2008, 2015లో) ఈ సమావేశాలు జరిగాయి.
బ్రిక్స్ కూటమి
Image processed by CodeCarvings Piczard ### FREE Community Edition ### on 2017-08-30 13:09:54Z | http://piczard.com | http://codecarvings.com
-ప్రపంచంలో ఆర్థికంగా, వైశాల్యపరంగా అత్యంత శక్తివంతమైన కూటమి అయిన బ్రిక్స్ 2008లో ఏర్పడింది.
-ఇది మొదట బ్రిక్‌గా ఉండేది. 2010లో దక్షిణాఫ్రికా ఈ కూటమిలో చేరడంతో బ్రిక్స్‌గా మారింది.
-మొత్తం సభ్యదేశాలు ఐదు. అవి బ్రెజిల్, రష్యా, ఇండియా, చైనా, దక్షిణాఫ్రికా.
-బ్రిక్స్ మొదటి సమావేశం 2009లో రష్యాలోని యెకాటెరిన్‌బర్గ్‌లో జరిగింది.
-ఇప్పటివరకు మొత్తం 8 సమావేశాలు జరిగాయి.
-బ్రిక్స్ అనే పదాన్ని తొలిసారిగా అమెరికాకు చెందిన ఆర్థిక సంస్థలు ఉపయోగించాయి.
-ఈ కూటమి ఏర్పడటానికి రష్యా ప్రస్తుత ప్రధాని వ్లాదిమిర్ పుతిన్ ప్రధాన కారకుడు.
సార్క్
-దక్షిణాసియా ప్రాంతీయ సహకార సమాఖ్య (సార్క్) 1985, డిసెంబర్ 8న ప్రారంభమైంది.
-ఇందులో భారత్, నేపాల్, బంగ్లాదేశ్, భూటాన్, శ్రీలంక, మాల్దీవులు, పాకిస్థాన్‌లు సభ్యత్వం కలిగి ఉన్నాయి.
-బంగ్లాదేశ్ అధ్యక్షుడు జియా ఉర్ రెహమాన్ సూచనతో దక్షిణాసియా సహకార సమాఖ్య ఏర్పాటయ్యింది.
-సార్క్ మొదటి సదస్సు 1985లో ఢాకాలో జరిగింది.
-2006, జూన్ నుంచి కూటమిలో సభ్యదేశాల మధ్య స్వేచ్ఛాయుత వాణిజ్యం కోసం SAFTA (South Asia Free Trade Agreement) అమల్లోకి వచ్చింది.
-సార్క్ సదస్సు ఇప్పటి వరకు 17 సార్లు జరిగింది.
-భారత్ 3 సార్లు ఆతిథ్యమిచ్చింది.
ఒపెక్
-పెట్రోలియం ఉత్పత్తి చేసే దేశాలు ఒపెక్ కూటమిగా ఏర్పడ్డాయి.
-ఇది 1960లో ఏర్పడింది.
-ఇందులో 13 దేశాలు సభ్యత్వం కలిగి ఉన్నాయి.
-పెట్రోలియం ఉత్పత్తి విధానాలు, ధరల విధానాలను సమర్థవంతంగా రూపొందించి పెట్రోలియం సరఫరాపై నియంత్రణ విధించడం కూటమి ప్రధాన ఉద్దేశం.
-ప్రపంచంలోని మొత్తం చమురు ఉత్పత్తిలో 1/3వ వంతు, చమురు నిల్వల్లో 3/4వ వంతు ఈ దేశాల్లోనే ఉన్నాయి.
