జంతువుల జీవిత చరిత్రలోని దశలు
- గుడ్లు పెట్టడం ద్వారా ప్రత్యుత్పత్తి జరిపే జంతువులను అండోత్పాదకాలు అంటారు. పక్షులు, పాములు, చేపలు, కీటకాలు దీనికి ఉదాహరణ.
- కుక్క, పిల్లి, ఆవు వంటి జంతువులు ప్రత్యక్షంగా పిల్లలను కంటాయి. వీటిని శిశూత్పాదకాలు అంటారు.
- కీటకాలు అండోత్పాదకాలు.
- బొద్దింక గుడ్లతిత్తి అనే పెట్టెలో గుడ్లను పెడుతుంది. గొల్లభామ గుడ్లను దగ్గరగా కాయమాదిరిగా చేస్తుంది.
- దోమ సుమారు మూడు వందల గుడ్లను నీటిలో పెట్టి, వాటిని పడవ ఆకారంలో ఉండే బల్లకట్టుగా చేస్తుంది.
- సీతాకోకచిలుక గుడ్లు అభివృద్ధి చెంది గొంగళిపురుగుగా మారుతుంది.
- గొంగళి పురుగు దాని చుట్టూ కోశాన్ని ఏర్పరుచుకుంటుంది. ఈ దశను ప్యూపా దశ అంటారు.
- ప్యూపా కోశం నుంచి ప్రౌఢ సీతాకోకచిలుకగా బయటకు వస్తుంది.
- గొంగళి పురుగు ప్రౌఢ సీతాకోక చిలుక కంటే భిన్నంగా కనిపిస్తుంది. ఇది సీతాకోకచిలుకగా రూపవిక్రియ చెందుతుంది.
- రూప విక్రియ అంటే తల్లిదండ్రులకు భిన్నంగా ఉండే లార్వా తల్లిదండ్రులను పోలి ఉండే రూపాన్ని పొందడం.
- దోమ లార్వాను రిగ్లర్ అంటారు. ఈగ లార్వాను మెగ్గాట్ అంటారు.
- చేపలు సామాన్యంగా అండోత్పాదకాలు. కాని షార్క్ చేపలు శిశూత్పాదకాలు.
- కప్పలు అండోత్పాదకాలు. ఇవి నీటిలో గుంపులు గుంపులుగా గుడ్లు పెడతాయి. ఈ గుడ్లు లార్వాలుగా అభివృద్ధి చెందుతాయి.
- కప్ప లార్వాను టాడ్పోల్ అంటారు. ఇది చిన్ని చేపలాగా కనిపిస్తుంది. రూపవిక్రియ చెందిన తర్వాత టాడ్పోల్ లార్వా చిరుకప్పగా మారుతుంది.
- పాములు, మొసళ్లు, తొండల గుడ్లు పెద్దవిగా ఉంటాయి. ఈ గుడ్లలో ఉన్న ఆహారాన్ని సొన అంటారు.
- అండోత్పాదకాలు. కానీ రక్తపింజర శిశూత్పాదకం.
- పక్షులు కూడా అండోత్పాదకాలు. వీటి గుడ్లు పెద్దవి. వీటిలో సొన ఎక్కువగా ఉంటుంది.
- అభివృద్ధి చెందే పిండానికి తగినంత వేడి ఇవ్వడానికి పక్షి గుడ్లపై కూర్చుంటుంది. దీన్నే పొదగడం అంటారు.
- కోడి 21 రోజులు గుడ్లను పొదుగుతుంది.
- ఆస్ట్రిచ్ అతిపెద్ద గుడ్లను పెడుతుంది. హమ్మింగ్ పక్షి అతిచిన్న గుడ్డును పెడుతుంది.
- పిల్లలను కని, పాలిచ్చి పెంచే జంతువులను క్షీరదాలు అంటారు.
- ఆవు, పిల్లి, కుక్క, గేదె, గుర్రం, పులి, సింహం, ఏనుగు, కోతి, మానవుడు క్షీరదాలు.
- క్షీరదాలన్నీ శిశూత్పాదకాలు, కొన్ని క్షీరదాలు అండోత్పాదకాలు. ఉదా: ఎకిడ్నా, ప్లాటిపస్
- తల్లి గర్భంలో పిల్లజీవి ఉండే కాలాన్ని గర్భావధి కాలం అంటారు.
Previous article
If there are two auxiliary verbs, the adverb…..?
Next article
Which country is No-1in milk production?
RELATED ARTICLES
Latest Updates
కణ బాహ్య జీర్ణక్రియ
అంతర్జాతీయ దినరేఖ ఏ జలసంధి గుండా పోతుంది?
ఒకే రకం భౌతిక లక్షణాలు.. సామాజిక సమూహాలు
గురుకులాలు.. ఉపాధికి మార్గాలు
CABE నివేదిక.. యుద్ధానంతర ప్రణాళిక
విస్తృత స్థాయిలో అంగీకారం, పార్టీల సంప్రదింపుల కోసం ఏర్పాటు చేసిన కమిటీ?
పలాసియోస్కు కిరీటం.. ‘తొలి తల్లి’ మిచెల్ కోన్
అయస్కాంత బలరేఖలు ఎక్కడ ప్రారంభమై ఎక్కడ అంతమవుతాయి?
పార్లమెంట్ సభ్యులు .. ప్రజలకు బాధ్యులు
తెలంగాణ జనసభ ఏ పేరుతో ర్యాలీలు, సదస్సులు నిర్వహించింది?