బోధనోద్దేశాలు – విలువలు

బోధనా కార్యక్రమంలో ముఖ్యంగా ఎదురయ్యే ప్రశ్నలు
1. ఏమి బోధించాలి? -విద్యా ప్రణాళిక
2. ఎందుకు బోధించాలి? -లక్ష్యాలను సాధించడానికి
3. ఎలా బోధించాలి? -బోధనా పద్ధతులు

విద్యా విధానం ముఖ్య ఉద్దేశం
1) విద్యార్థుల్లో వివిధ శక్తి సామర్థ్యాలను పెంపొందించడం
2) విద్యార్థి సంపూర్ణ వ్యక్తిత్వ వికాసాభివృద్ధికి తోడ్పడటం

విద్య విలువలు

• విద్యార్థుల్లో అభివృద్ధి పర్చగల శక్తి సామర్థ్యాలనే విద్యా విలువలు అంటారు.
• విద్యా విలువలు చాలా విశాలమైనవి.
• విద్యావేత్తలు, రాజకీయ, సామాజిక, ఆర్థిక విధానాలను బట్టి విలువలను నిర్ణయిస్తారు.
• ఏ గుణం అయితే ఒక వ్యక్తికి లేదా వస్తువుకి ప్రాధాన్యం, గౌరవం, ఉపయోగం కలిగిస్తుందో అలాంటి గుణాన్ని విలువ అంటారు.
• తాత్విక ధోరణిలో చూస్తే విలువ అనేది ఆలోచన.
• విలువ అనేది మానవ ప్రవర్తనలో వచ్చే మార్పు.
• ఏది ప్రధానం, ఏది అప్రధానం అన్న వాటి గురించిన భావాలే విలువలుగా చెప్పొచ్చు.
• విలువలనేవి యోగ్యతను నిర్ధారించడానికి వినియోగించే సూత్రాలు, ప్రమాణాలు.
• ఒక వ్యక్తికి లేదా వస్తువుకి ప్రాధాన్యాన్ని, గౌరవాన్ని, ఉపయోగాన్ని కలిగించే గుణాన్ని విలువ అంటారు.

నిర్వచనాలు

• బాండ్‌: ఒక వస్తువు, సన్నివేశం, భావం, కృత్యం, యోగ్యత, మంచితనాన్ని గురించిన దృఢమైన నమ్మకాన్ని విలువ అంటారు.
• కానే: ఈ సమాజంలోని ఎక్కువ మంది ఆచరించే ఆదర్శాలు, నమ్మకాలు, నియమాలనే విలువలు అంటారు.
• కన్నింగ్‌ హామ్‌: విద్యా లక్ష్యాలే విద్యా విలువలు
• జేఎస్‌ బ్రుబేచర్‌: వ్యక్తి లక్ష్యాలే అతని విద్యా విలువలు
• జాన్‌ డ్యూయీ: దేన్నయితే ప్రేమగా చూస్తామో, ఏదైతే పొందాలనుకుంటామో, దేన్నయితే అభిమానిస్తామో, పొగుడుతామో, ఊహిస్తామో, అభినందిస్తామో దానిని విలువ అంటారు.
• ఆల్బర్ట్‌ ఐన్‌స్టీన్‌: ఓటమి ఎరుగని వ్యక్తికన్నా విలువలకు ప్రాధాన్యం ఇచ్చే వ్యక్తి మిన్న
• కొఠారి కమిషన్‌: నేడు అనేక రాజకీయ, సామాజిక, శాస్త్రీయ, ఆర్థిక సమస్యల పరిష్కారానికి విలువల విద్య ఎంతో అవసరం ఉందని తెలిపింది.

సాంఘిక శాస్త్ర బోధనా ఆశయాలు

• సామాజిక విషయాల గురించి ప్రాథమిక భావనలు అందించడం.
• విద్యార్థుల్లో సామాజిక సమర్థతను పెంపొందించడం.
• విద్యార్థుల్లో పౌరసత్వ విలువలను పెంపొందించడం.
• ప్రజాస్వామ్య విలువలను పెంపొందించడం.
• భారతీయ సంస్కృతిని ప్రశంసించడం.
• పర్యావరణంతో పరిచయం కలిగించడం.
• సాంఘిక, ఆర్థిక అంశాల పట్ల అవగాహన కలిగించడం.
• జాతీయ సమైక్యతను పెంపొందించడం.
• అంతర్జాతీయ అవగాహనను పెంపొందించడం.
• మానవ సంబంధాలపై అవగాహన కలిగించడం.

విలువల లక్షణాలు
1. అమూర్తమైనవి
2. అంతర్లీనమైనవి
3. సాపేక్షమైనవి
4. ఆపాదింపబడేవి
5. నమ్యత కలిగినవి
అమూర్త గమ్యాలనే విలువలు అంటారు.

ఉద్దేశాలు – విలువల మధ్య తేడాలు
ఉద్దేశం / ఆశయం
1. సాంఘిక శాస్ర్తాన్ని ప్రవేశపెట్టడంలో ఉన్న ఆవశ్యకతను తెలియజేస్తాయి.
2. ఆశయాలను ఆ దేశ తత్వశాస్త్రం ప్రకారం నిర్దేశిస్తారు.
3. ఆశయాలు సాధించవలసిన గమ్యాన్ని సూచిస్తాయి.

విలువ
1. సాంఘిక శాస్త్ర బోధన తర్వాత వచ్చే ఫలితాలే విలువలు.
2. విలువలు వాస్తవాలను ప్రతిబింబిస్తాయి.
3. విలువలు ఆశించిన ఫలితాలను సూచిస్తాయి