పరీక్షకు రెండ్రోజుల ముందు వరకు ఎస్సెస్సీ ఫీజు
ఎస్సెస్సీ అడ్వాన్స్ సప్లిమెంటరీకి హాజరయ్యే విద్యార్థుల నుంచి ఫీజును పరీక్షలకు రెండు రోజుల ముందు వరకు స్వీకరిస్తామని అధికారులు వెల్లడించారు. విద్యార్థి ఏ పేపర్ రాయదలుచుకున్నా ఆ పరీక్షకు రెండు రోజుల ముందు వరకు రూ.50 ఆలస్య రుసుముతో ఫీజు చెల్లించవచ్చని తెలిపారు. ఆగస్టు 1 నుంచి అడ్వాన్స్డ్ సప్లిమెంటరీ పరీక్షలు ప్రారంభంకానుండగా, ఈ నెల 18 వరకు స్కూళ్లల్లో ఫీజు చెల్లించే అవకాశం కల్పించారు. రూ.50 ఆలస్య రుసుముతో రెండు రోజులు ముందు వరకు చెల్లించే అవకాశం ఇచ్చారు.
