జేఎన్టీయూలో మల్టిపుల్ ఎంట్రీ.. ఎగ్జిట్
అఖిల భారత సాంకేతిక విద్యామండలి (ఏఐసీటీఈ) ఆదేశాల మేరకు ఈ విద్యాసంవత్సరం నుంచి మల్టిపుల్ ఎంట్రీ ఎగ్జిట్ను అమలుచేయాలని జేఎన్టీయూ నిర్ణయించింది. తాజా నిర్ణయంతో విద్యార్థి బీఈ/ బీటెక్ కోర్సులో రెండేండ్లు పూర్తిచేసి మధ్యలో నిష్క్రమించవచ్చు. వీరు నిర్దేశిత క్రెడిట్లు పొందితే గ్రాడ్యుయేషన్ డిప్లొమాను జారీచేస్తారు. విద్యార్థులు ఇతర కోర్సుల్లో ప్రవేశాలు పొందవచ్చు. లేదంటే ఇంటర్న్షిప్, ఉద్యోగాలు చేసుకోవచ్చు. ఏడాది విరామం తర్వాత ఇదే డిప్లొమా ఆధారంగా బీఈ/బీటెక్ మూడో సంవత్సరంలో ప్రవేశం పొందవచ్చు. విద్యార్థులు అన్ని సబ్జెక్టులను పాస్ అయ్యి.. క్రెడిట్స్ పొందితేనే సర్టిఫికెట్ను జారీచేస్తామని ఓ ఉన్నతాధికారి తెలిపారు.
