ఇస్రో టెలిమెట్రీ, ట్రాకింగ్‌ అండ్‌ కమాండ్‌ నెట్‌వర్క్‌, బెంగళూరు
భారత అంతరిక్ష పరిశోధనా సంస్థ చేపట్టే
ఉపగ్రహ, ప్రయోగ వాహక నౌకల కార్యక్రమాలకు మద్దతు ఇవ్వడానికి అవసరమైన భూస్థావర కేంద్రాల ఏర్పాటులో ఈ కేంద్రం నిమగ్నమైనది. దీని ఆధ్వర్యంలో భూకేంద్రాలు హైదరాబాద్‌, బెంగళూరు, లక్నో, పోర్ట్‌బ్లెయిర్‌, శ్రీహరికోట, తిరువనంతపురంలో నెలకొల్పగా, పోర్ట్‌లూయిస్‌ (మారిషస్‌), రష్యా, ఇండోనేషియా, బ్రూనై, నార్వే, అంటార్కిటికా, వియత్నాం, పనామాలలో సైతం భూస్థావరాలు ఏర్పాటయ్యాయి.
ఈ కేంద్రాల ఆధారంగా, ఇస్రో అంతరిక్ష కార్యకలాపాలకు అవసరమైన గ్రౌండ్‌ స్టేషన్‌ల ఆధారంగా వివిధ రాడార్‌ వ్యవస్థల ద్వారా అవసరమైన మార్గనిర్దేశక, శోధన, పునరావాస కార్యక్రమాలు, ప్రకృతి విపత్తు నిర్వహణ వంటి కార్యక్రమాలు, ఉపగ్రహ ఆధారిత టెలిమెడిసిన్‌, టెలి ఎడ్యుకేషన్‌, గ్రామీణ వనరుల కేంద్రం వంటి వాటి నిర్వహణ సులభసాధ్యం అవుతుంది.
