JNTUH పరిధిలో 16న జరగాల్సిన పరీక్షలు వాయిదా..!
రాష్ట్రవ్యాప్తంగా ఎడతెరపి లేకుండా వర్షాలు పడుతుండటంతో తెలంగాణ ప్రభుత్వం గురువారం నుంచి మ‌రో మూడు రోజుల పాటు అన్ని విద్యాసంస్థలకు సెలవులు పొడిగించిన విషయం తెలిసిందే. ఈ నేపథ్యంలో జవహర్‌లాల్ నెహ్రూ టెక్నాలాజికల్ యూనివర్సిటీ పరిధిలో 16న జరగాల్సిన పరీక్షలను వాయిదా వేస్తున్న‌ట్లు అధికారులు ప్ర‌క‌టించారు. ఈ నెల 16న బీటెక్, బీఫార్మసీ 4వ సంవత్సరం రెండవ సెమిస్టర్ రెగ్యులర్, సప్లిమెంటరీ పరీక్షలు జరగాల్సిఉండ‌గా వాటిని వాయిదా వేస్తున్న‌ట్లు తెలిపారు. అంతేకాకుండా.. బీటెక్/బీఫార్మసీ 3వ సంవత్సరం రెండవ సెమిస్టర్ మిడ్‌టర్మ్ పరీక్షలనూ వాయిదా వేశారు. పరీక్షలను మళ్లీ ఎప్పుడు నిర్వహించేదీ త్వరలో వెల్లడిస్తామని యూనివర్సిటీ పేర్కొంది. అదే స‌మ‌యంలో.. 21వ తారీఖు నుంచి జరిగే పరీక్షలన్నీ యథాతథంగా కొనసాగుతాయని పేర్కొంది.
