ఎన్డీఏలో మెరిసిన స్వరూప్‌రావు
# డిఫెన్స్ అకాడమీ పరీక్షలో 213వ ర్యాంకు
# జాతీయ స్థాయిలో స‌త్తా చాటిన జగిత్యాలవాసి
యూపీఎస్సీ ద్వారా నిర్వహించిన నేషనల్‌ డిఫెన్స్ అకాడమీ (ఎన్డీఏ) పరీక్షలో జగిత్యాల జిల్లావాసి మెరిశాడు. జగిత్యాలలోని హౌసింగ్‌బోర్డు కాలనీకి చెందిన బోయినపల్లి ప్రసాద్‌రావు – మనోజ దంపతుల కుమారుడు స్వరూప్‌రావు ఎన్డీఏ-2021 పోటీ పరీక్షకు హాజరయ్యాడు. ఐదులక్షల మందికిపైగా హాజరైన పరీక్షలో ఎనిమిది వేల మంది మౌఖిక పరీక్షకు అర్హత సాధించగా అందులో ఇతడు ఉన్నాడు. వీరికి 12 బోర్డుల ద్వారా ఇంటర్వ్యూ నిర్వహించి 466 మంది విద్యార్థులను ఎంపిక చేశారు. వీరికి పది రోజులపాటు మెడికల్‌ టెస్ట్ నిర్వహించి బుధవారం మెరిట్‌ జాబితా విడుదల చేశారు. ఇందులో స్వరూప్‌రావు 213వ ర్యాంకు సాధించాడు. శిక్షణ అనంతరం అధికారులు ఇతడిని నేవీ అధికారిగా నియమించనున్నారు. స్వరూప్‌రావు ఎంపికపై తల్లిదండ్రులు, కాలనీవాసులు సంతోషాన్ని వ్యక్తం చేశారు.
