విద్యార్థులకు 362.88 కోట్ల స్కాలర్‌షిప్‌లు

July 5, 2022 / 09:43 PM IST

ఎస్సీ, ఎస్టీ, బీసీ, ఈబీసీ, దివ్యాంగులు, మైనార్టీ విద్యార్థులకు సంబంధించి రూ.362.88 కోట్ల ఉపకార వేతనాలను విడుదల చేయాలని ఆర్థిక, వైద్యారోగ్య శాఖల మంత్రి తన్నీరు హరీశ్‌రావు సంబంధిత అధికారులను ఆదేశించారు. సోమవారం నగరంలోని అరణ్యభవన్‌లో ఉపకార వేతనాల విడుదలపై ఆయన సమీక్షించారు. గత ఆర్థిక సంవత్సరంలో మార్చి 31లోపు ఆరు శాఖల నుంచి రావాల్సిన ఉపకార వేతనాలను వెంటనే రిలీజ్‌ చేయాలని చెప్పారు. ఆయా శాఖల్లోని కొన్ని బిల్లులు సకాలంలో అందలేదని, దాంతో వాటిని తిరిగి పంపినట్టు అధికారులు మంత్రికి వివరించారు. బిల్లులను ట్రెజరీ అధికారులు వెంటనే క్లియర్‌ చేయాలని హరీశ్‌రావు ఆదేశించారు. 2021-22 సంబంధించి ఉపకారవేతనాల బీఆర్వోలను విడుదల చేయాలని తెలిపారు.