ఇష్టపడితేనే విజయం

- 560వ ర్యాంకర్
- దివ్య

వివాహం అయ్యింది, కూతురు పుట్టింది. అయినా వంటింటికే పరిమితం కాకుండా ఏదైనా సాధించాలన్న లక్ష్యంతో కష్టపడి చదివింది. ఫలితంగా సివిల్స్లో ర్యాంక్ 560వ ర్యాంకు సాధించింది దివ్య. తన అనుభవాలను ‘నమస్తే తెలంగాణ’తో పంచుకున్నారు.
కుటుంబం, చదువు
తండ్రి జాన్ (వ్యాపారి), తల్లి నిరంజని (రిటైర్డ్ హెడ్మాస్టర్). భర్త శామ్ (పాస్టర్). 2008లో ఇంటర్ చదువుతున్నప్పుడే పెళ్లయ్యింది. భర్త శామ్ సహకారంతో మహబూబ్నగర్లో ఎన్టీఆర్ డిగ్రీ కళాశాలలో బయోటెక్నాలజీలో డిగ్రీ, పాలమూరు యూనివర్సిటీలో ఎంఏ ఇంగ్లిష్ పూర్తి చేశాను. తరువాత సివిల్స్ కోసమని తొలిసారిగా పాలమూరు దాటి హైదరాబాద్ వచ్చాను. ఓ కోచింగ్ సెంటర్లో శిక్షణ తీసుకున్నాను. రెండు ప్రయత్నాల్లో ప్రిలిమ్స్ పాస్ కాలేకపోయాను. కుటుంబ సభ్యులతో పాటు బంధువులు, సన్నిహితులు ఇక చాల్లే అని అన్నారు. వారి మాటలతో ఎలాగైనా సివిల్స్ సాధించాలన్న పట్టుదల మరింత పెరిగి కష్టపడి చదివాను. ఐదేండ్ల పాప ఎరిన్ను తల్లి నిరంజని వద్ద ఉంచి ప్రాక్టీస్ మొదలు పెట్టాను. రోజుకు 10 నుంచి 12 గంటల పాటు చదివాను. ఈసారి కోచింగ్ లేకుండానే చదివాను. ఓ కోచింగ్ సెంటర్లో డబ్బులు కట్టి వారానికి ఒకటి చొప్పున మూడు పేపర్లు రాసినా రివ్యూ ఇవ్వలేదు. దీని వల్ల చాలా ఇబ్బంది పడ్డాను. దీనివల్ల మెయిన్స్ వద్దనుకునే పరిస్థితి వచ్చింది. కానీ మెయిన్స్ రాసే అవకాశం కొందరికే వస్తుంది కదా అని ధైర్యం చేసి చదివి పరీక్ష రాశాను. కష్టానికి ఫలితం దక్కింది.
ఆంత్రోపాలజీ ఆప్షనల్
ఆంత్రోపాలజీ సబ్జెక్టును ఆప్షనల్గా తీసుకున్నాను. పుస్తకాలను తక్కువగా ఎంపిక చేసుకొని వాటిని కొని ఇంటివద్దే చదువుకున్నాను. పాలిటీకి లక్ష్మీకాంత్, చరిత్రకు తమిళనాడు బోర్డు పుస్తకాలు, మోడ్రన్ హిస్టరీ కోసం స్ప్రెక్టం బుక్స్, ఎన్విరాన్మెంట్కు శంకర్ ఐఏఎస్, ఎకానమీకి మృనాల్, జాగ్రఫీ, ఆర్ట్ అండ్ కల్చర్కు ఎన్సీఈఆర్టీ పుస్తకాలు చదివాను.
ఇంటర్వ్యూ
చౌబే సర్ బోర్డు ఇంటర్వ్యూ చేశారు. లవ్ జిహాద్, దిశ కేసులపై ప్రశ్నించారు. హాబీస్పై, ఆంత్రోపాలజీపై ప్రశ్నలు అడిగారు. సోషల్ మీడియాలో చూపించినట్లు ఇంటర్వ్యూ బోర్డు కఠినంగా ఏమీ లేదు.
పేదలకు సేవ చేస్తా..
ఎక్కడ పని చేసినా పేద ప్రజలందరికీ సాధ్యమైనంత వరకు సాయం చేస్తా. అధికారిగా మంచి పేరుతెచ్చుకుంటా.
సలహా
సివిల్స్లోకి రావాలనుకునేవారు ఫెయిల్యూర్స్ వచ్చినా బాధ పడవద్దు. కష్టపడితే ఏదో ఒకసారి తప్పకుండా సివిల్స్ సాధించవచ్చు. గొప్ప లక్ష్యంతో ముందుకు సాగితే అనుకున్న స్థానానికి చేరుకోవడం కష్టమేమీ కాదు.
- పెద్ది విజయ భాస్కర్, నమస్తే తెలంగాణ ప్రతినిధి
- Tags
RELATED ARTICLES
-
Society QNS & ANSWERS | తెలంగాణలో పారిశ్రామిక పార్కుల అభివృద్ధికి నోడల్ ఏజెన్సీ ఏది?
-
Scholarships 2023 | Scholarships for Students
-
Chemistry – IIT,NEET Special | Decrease in Energy.. Leads to Stability
-
Olympiad Registration 2023 | ప్రతిభకు పదును.. ఒలింపియాడ్స్
-
Scholarships | Scholarships for 2023 Students
-
Scholarships | Scholarships for 2023 students
Latest Updates
DSC Special – Social Studies | బ్యాంకులు పూచీకత్తులు లేకుండా రుణాలు ఎవరికి ఇస్తాయి?
General Studies | బ్రిటిషర్లు ‘కైజర్-ఇ-హింద్’ అనే బిరుదు ఎవరికి ఇచ్చారు?
Biology – JL / DL Special | ఆశ్రయం పొందుతాయి.. హాని తలపెడతాయి
Telangana Socio Economic Survey | ఆయిల్పామ్ పండించే రాష్ర్టాల్లో తెలంగాణ స్థానం?
Indian festivals and culture | భారతదేశంలో పండుగలు – ఉత్సవాలు
Women’s Reservation Bill | చట్టసభల్లో మహిళా రిజర్వేషన్ బిల్లు
Geography – Groups Special | విన్సన్ మాసిఫ్ పర్వతాన్ని అధిరోహించినది ఎవరు?
CLAT 2024 | Common Law Admission Test Latest Updates
Current Affairs | కెంటకీ నగరం ఏ రోజు ‘సనాతన ధర్మ’ రోజుగా ప్రకటించింది?
SBI PO Preparation Plan | బ్యాంక్ కొలువు.. సాధించడం సులువు