Towards victory with a definite plan | పక్కా ప్లాన్‌తో గెలుపు దిశగా..

April 19, 2022 / 05:14 PM IST

శ్రావ్యక్కా నేను ఓ అరగంటలో వచ్చేస్తాను. వెయిట్ చెయ్యవా ప్లీజ్ .. సోఫావంక చూపిస్తూ అంది శ్రావణి.
-ఏం పర్లేదే టేక్ యువర్ ఓన్ టైం.
-తను చెప్పినట్టే అరగంటలో వచ్చేసింది శ్రావణి. శ్రావ్యక్కా వచ్చేశా! నాటకీయంగా చెప్పింది శ్రావణి.
-ఏంటమ్మాయి నన్ను రమ్మనిచెప్పి తీరా నేను వచ్చాక నన్ను కూర్చుండబెట్టి ఎక్కడికెళ్లి వస్తున్నావేమిటి?
-అక్కా అయాం రియల్లీ సారీ ఇంట్లో ఇంటర్‌నెట్ కాస్తా స్లో అవడంతో పక్కింటికెళ్లి పని చేసుకొని వస్తున్నా!
-ట్రెయిన్ రిజర్వేషనా ? అవునక్కా నాకు తిరుచిరాపల్లి ఎన్‌ఐటీలో సీట్ వచ్చింది. వచ్చే వారమే ప్రయాణం. నాకు నాన్నగారికి టికెట్స్ బుక్ చేసుకొని వస్తున్నా.
-కంగ్రాచ్యులేషన్స్ నిన్ను అభినందిద్దామనే వచ్చాను.
-చాలా థ్యాంక్స్. ఇదంతా నీవిచ్చిన ప్రేరణే అక్కా. పొగడ్తలకేం గానీ ఈ టికెట్ రిజర్వేషన్ అనే ప్రక్రియ నుంచి నీ కెరిర్‌కు సంబంధించి కొన్ని అద్భుతమైన విషయాలు నీవు నేర్చుకోవచ్చు తెలుసా ! టికెట్ రిజర్వేషన్ ద్వారా జీవిత పాఠాలా ? భలే అది ఎలాగక్కా.. సరే చెప్తాను విను. రిజర్వేషన్ చేసుకోబోయే ముందు మనం ఒక దరఖాస్తు నింపాలి. అది ఆన్‌లైన్ రిజర్వేషన్ అయినా సరే మామూలుగా లైన్ల్లో నుంచొని చేసుకొనే రిజర్వేషన్ అయినా సరే
-అవునక్కా.. సరే మొదట మనం నింపాల్సిన అంశం మనగమ్యం తర్వాత వరుసగా
-ప్రయాణ తేదీ
-ఎన్నుకున్న రైలు
-ఎన్నుకునే క్లాసు (క్లాస్ -1, ఏసీనా మొదలైనవి)
-కావలసిన బెర్తు
-ఎలాంటి ఆహారం తీసుకోవాలనుకొంటున్నాం.
-అక్కా.. రిజర్వేషన్ ఫారంలో ఇవన్నీ సాధారణంగా కనిపించే అంశాలే. వీటిలో ప్రత్యేకత ఏం ఉంది ?
-చాలా ప్రత్యేకతలు ఉన్నాయి. తరచి చూడాలంతే.. అవునా అదెలా ? ఆశ్చర్యపోయింది శ్రావణి. డోంట్‌వర్రీ నేను చెప్తాగా అది ఎలాగో! ముందుగా ఒక చిన్న ప్రశ్న. మనం తిరుచిరాపల్లి వెళ్లాలని ప్లాన్ చేసుకొంటే తిరుచిరాపల్లి చేరుతామా ? వేరే ఎక్కడికో చేరుతామా ?
-ఇదేం పిచ్చి ప్రశ్న అన్నట్లు మొహంపెట్టి తిరుచిరాపల్లి చేరుతాం అని సమాధానం చెప్పింది శ్రావణి.
-వెరీగుడ్ అంటే మనం ఎన్నుకొన్న గమ్యానికి మనం ఖచ్చితంగా చేరుతాం. కాకపోతే మనం గమ్యాన్ని ఎన్నుకోవాలి. ఒక గమ్యం అనేది లేకుండా ప్రయాణం ప్రారంభిస్తే మనం ఎక్కడికి చేరుతామో మనకే తెలియదు ఏమంటావు ?
-నిజమే. అర్థవంతంగా తలూపింది శ్రావణి. చెప్పడం కొనసాగించిన శ్రావ్య పక్కనున్న తమిళనాడులోని తిరుచిరాపల్లికి చేరడానికి మనం ఎంత పకడ్బందిగా ప్రణాళిక వేసుకొని ప్రయాణం ప్రారంభిస్తున్నాం చూడు. అలాంటిది మనం జీవితాన్ని ఇంకా ఎంత ప్రణాళికాబద్ధంగా ఆలోచించుకొని కెరీర్‌ను మొదలుపెట్టాలో ఆలోచించు.

-స్వామి వివేకానంద మాటల్లో చెప్పాలంటే నీ జీవిత చరిత్ర అనే గ్రంథం ఎలా ఉండాలో నిర్ణయించే రచయితవి నువ్వే. దాని చివర ఎక్సలెన్స్ అనే ఆటోగ్రాఫ్‌తో ముగించవలసిన వాడివి నువ్వే.
-మరోసారి రైల్వే రిజర్వేషన్ ఫారంలోని అంశాల్ని ఒక సరికొత్త కోణంతో పరిశీలించండి.
-ఈసారి వాటిని మీ జీవిత ప్రయాణంతో సరిపోల్చుకొంటూ పరిశీలించండి.
-మొదటి అంశం: ప్రయాణ తేదీ-చేరాల్సిన గమ్యం
-ఇదే మీ గోల్ సెట్టింగ్
-ఏయే వయసులో ఏమేం సాధించాలనుకొన్నారో ఒక పక్కా ప్రణాళికతో ఒక పథక రచన చేసుకోండి.
-మీ జీవితం మీ చేతిలో ఉంది. మీ ప్లానింగ్‌పై ఆధారపడి మీరు ఎంత ఎత్తుకైనా ఎదగవచ్చు. ఇండస్ట్రియలిస్టులుగా ఎదగదలుచుకొన్నవారికి, కెరీర్‌లో ముందుకు పోదలుచుకొన్నవారికి ఆలీబాబా డాట్‌కాం అధినేత జాక్‌మా చెప్పిన మాటలు కొన్ని చూద్దాం..
-20 ఏండ్లు వచ్చే వరకు శ్రద్ధగా చుదువుకోండి. చదువుల్లోని పూర్తి సారాన్ని ఒక్క క్షణం విడవకుండా ఆస్వాదించండి.
-25 ఏండ్ల లోపల స్పష్టమయిన గమ్యం ఏర్పరచుకొని ఆ ప్రయత్నంలో తలమునకలుగా నిమగ్నమయిపోండి.
-30 ఏండ్ల వయసు వరకు ఒక మంచి బాస్‌ను ఫాలో అవండి. ఆయన నుంచి అన్ని నేర్చుకోండి. పెద్ద కంపెనీలో చేరితే ప్రాసెస్ నేర్చుకోవచ్చు. చిన్న కంపెనీలో చేరితే ఎదగాలన్న తపన, ప్లానింగ్, డ్రీమింగ్, అచీవ్‌మెంట్‌లో ఆనందం ఇవన్నీ నేర్చుకోవచ్చు.
-కాబట్టి 30 ఏండ్ల వయస్సు లోపల కంపెనీ పెద్దదా, చిన్నదా అనే ఆలోచన కన్నా బాస్ సమర్ధుడా ? కాదా ? అన్నది చూసి చేరిపోండి.
-40-50 ఏండ్ల మధ్య మీరు సొంత కంపెనీని ప్రారంభించండి. మీ శక్తి సామర్ధ్యాలను పరీక్షించుకోండి. మీరు ఎందులో దిట్ట అని గ్రహించుకోండి.