Telangana movies | తెలంగాణ బతుకు చిత్రం

సినిమా రంగం
– తెలుగు చిత్ర పరిశ్రమ మొదట మద్రాసు నగరంలో ఉండేది. తర్వాత హైదరాబాద్‌కు తరలివచ్చింది.
– సినిమా నిడివి, లక్ష్యం, లక్షణం, విషయం, ఫార్మాట్ మొదలైన అంశాల ఆధారంగా సినిమాలను అనేక రకాలుగా విభజిస్తారు.

ఫీచర్ ఫిలిం
– ఏదైనా ఒక కథాంశానికి సంబంధించిన వివిధ సన్నివేశాలతో కూడిన సినిమాను ఫీచర్ ఫిలిం అంటారు.
– దీని ప్రదర్శన కాలవ్యవధి గంటకు పైగా, మూడు గంటల వరకు ఉండవచ్చు.

నాన్ ఫీచర్ ఫిలిం

– ఏదైనా ఒక అంశానికి సంబంధించిన సంఘటన జరుగుతున్న కాలంలో యథాతథంగా చిత్రీకరణ జరిపితే దానిని నాన్ ఫీచర్ ఫిలిం లేదా డాక్యుమెంటరీ ఫిలిం అంటారు.
– తెలంగాణ ప్రాంతంలో ప్రధానంగా 1970 దశకం తర్వాత ఫీచర్ ఫిలింలను అధికంగా చిత్రీకరించారు.
– మొదట తెలుగు సినిమాలో బి నర్సింగరావు తెలంగాణ జీవితము, కళలు, తెలంగాణ భాష మొదలైన వాటిని ప్రతిబింబిస్తూ సినిమాలు తీశారు.

బి. నర్సింగరావు

– మెదక్ జిల్లా ప్రజ్ఞాపూర్ అనే గ్రామంలో 1946లో జన్మించారు.
– బి. నర్సింగరావు తెలుగు చలనచిత్ర పరిశ్రమలో నటుడిగా, డైరెక్టర్‌గా, నిర్మాతగా చేశారు.
– ఇతను 6 అంతర్జాతీయ అవార్డులు, 4 జాతీయ పురస్కారాలు, ఆసియా ఫిలిం ఫెస్టివల్‌లో స్పెషల్ జ్యూరీ అవార్డును అందుకున్నారు.
– ఆంధ్రప్రదేశ్ ప్రభుత్వం 2010లో ప్రతిష్ఠాత్మక బీఎన్ రెడ్డి పురస్కారాన్ని అందజేసింది.
– ఈయన ముఖ్యంగా ఆనాటి తెలంగాణ పోరాటాలు, రజాకార్ల దురాగత పరిస్థితులను, తెలంగాణ చరిత్ర అంశాలను, తెలుగు చిత్రసీమకు మొదటిసారిగా పరిచయం చేసిన దర్శకుడిగా కీర్తి పొందారు.
– అనేక పరిశోధనలు, డాక్యుమెంటరీల రూపకల్పనలో శ్యాంబెనగల్‌తో కలిసి పనిచేశారు.
– ప్రముఖ సినిమాలు 1. మా భూమి, 2. రంగుల కల, 3. దాసి, 4. మా ఊరు, 5. మట్టిమనుషులు, 6. హరివిల్లు.

2. రంగుల కల

– నిర్మించిన సంవత్సరం : 1984
– నిర్మాతలు : జీ రవీంద్రనాథ్, బీ వెంకటేశ్వరరావు
– దర్శకుడు : బీ నర్సింగరావు
– సంగీతం : గద్దర్
– నిర్మాణ సంస్థ : సుచిత్ర ఇంటరేల్నషనల్
– తారాగణం : బీ నర్సింగరావు, సాయిచంద్, గద్దర్, రూప.
– కథాంశం పెయింటింగ్‌వేసే యువకుడి జీవితంలోని సంఘటనలు

ముఖ్యమైన పాటలు

1. మదనసుందారి మదనసుందారి – గద్దర్
2) జమ్‌జమాల్ మర్రి – గద్దర్
3) భద్రం కొడుకో నా కొడుకో- గద్దర్
– అవార్డు : నేషనల్ ఫిలిం అవార్డు ఫర్ బెస్ట్ ఫీచర్ ఫిలిం ఇన్ తెలుగు
– శ్రమైక జీవన సౌందర్యానికి సమానమైనది లేనే లేదని ఈ సినిమా సారాంశం.
– 1984లో ముంబైలో జరిగిన అంతర్జాతీయ చలన చిత్రోత్సవాల్లో, ఇండియన్ పనోరమలో ప్రదర్శితమయ్యింది.
– కళల గవాక్షంలోంచి మానవుని అంతరంగ అన్వేషణ రంగులకల.

3. దాసి, 1926 తెలంగాణ

– నిర్మించిన సంవత్సరం : 1988
– కథ, దర్శకత్వం, నిర్మాత : బీ నర్సింగరావు
– తారాగణం : అర్చన, భూపాల్‌రెడ్డి

అవార్డులు

– 5 జాతీయ అవార్డులు గెలుచుకుంది.

1. నేషనల్ ఫిలిం అవార్డు ఫర్ ఫీచర్ ఫిలిం

– బీ నర్సింగరావు

2. నేషనల్ ఫిలిం అవార్డు ఫర్ సినిమాటోగ్రఫీ

– ఏ కిషోర్ బిర్

3. నేషనల్ ఫిలిం అవార్డు ఫర్ బెస్ట్ హీరోయిన్

– అర్చన

4. నేషనల్ ఫిలిం అవార్డు ఫర్ బెస్ట్ కాస్టూమ్

డిజైనర్ – సుదర్శన్

5. నేషనల్ ఫిలిం అవార్డు ఫర్ బెస్ట్ ఆర్ట్ డైరెక్టర్ – టీ వైకుంఠం

– ఈ సినిమా అంతర్జాతీయంగా 35కు పైగా ఇంటర్నేషనల్ ఫిలిం ఫెస్టివల్స్‌లో దాసి ప్రదర్శితమైంది.

4. మా ఊరు, 1953-55 తెలంగాణ

– ఇది డాక్యుమెంటరీ ఫిలిం
– నిర్మించిన సంవత్సరం : 1987
– దర్శకత్వం : బీ నర్సింగరావు
– నిర్మాత : బీ రామచంద్రరావు
– 51 నిమిషాల నిడివి ఉన్న ఈ డాక్యుమెంటరీ జాతీయ స్థాయిలో 1988లో బెస్ట్ ఆంత్రోపాలాజికల్ ఫిలింగాను, ఆంధ్రప్రదేశ్ ప్రభుత్వ రజత నంది (1989) పురస్కారాన్ని సాధించింది.
– హంగేరిలో 1992లో జరిగిన ఇంటర్నేషనల్ మీడియా ఫెస్టివల్‌లోనే డాక్యుమెంటరీల్లో మొదటి బహుమతిని పొందింది.
– బొంబాయి (1990), విటెర్చో (1993), బ్రాటిస్లావా (1995), మ్యూనిచ్ (1999) లాంటి అంతర్జాతీయ ఫిలిం ఫెస్టివల్స్‌లో ప్రదర్శితమైన చిత్రం మా ఊరు.

5. మట్టిమనుషులు

– నిర్మించిన సంవత్సరం : 1990
– దర్శకత్వం : బీ నర్సింగరావు
– నిర్మాతలు : మణికొండ వేదకుమార్, చటర్జీ
– తారాగణం : అర్చన
– 1990లో ఈ సినిమాకు జాతీయస్థాయిలో ఉత్తమ తెలుగు సినిమా అవార్డు లభించింది.

6. హరివిల్లు

– నిర్మించిన సంవత్సరం : 2003
– కథ, దర్శకత్వం, సంగీతం : బీ నర్సింగరావు
– నిర్మాత : డీ రామానాయుడు
– స్క్రీన్‌ప్లే : ప్రాణ్‌రావు, పతంజలి శాస్త్రి
– తారాగణం : భానుచందర్, నిత్య, భూపాల్ రెడ్డి, సుధాకర్.

7. ది సిటీ (డాక్యుమెంటరీ)

– హైదరాబాద్ నగరంతో తనకు ఉన్న ఆత్మీయ బంధం, అవినాభావ సంబంధం గురించి నర్సింగరావు తీసిన డాక్యుమెంటరీనే ది సిటీ.
– స్క్రీన్‌ప్లే , దర్శకత్వం, సంగీతం, నిర్మాత :
బీ నర్సింగరావు
– 96 నిమిషాల నిడివితో తీసిన ఈ డాక్యుమెంటరీ బొంబాయి (1990), తిరువనంతపురం (1998) ఇంటర్నేషనల్ ఫిలిం ఫెస్టివల్స్‌లో ప్రదర్శితమవ్వడమేగాక 1987లో ఆంధ్రప్రదేశ్ ప్రభుత్వంచే ఉత్తమ డాక్యుమెంటరీగా రజత నంది అవార్డును గెలుచుకుంది.

8. ఆకృతి (డాక్యుమెంటరీ)

– స్క్రీన్‌ప్లే, దర్శకత్వం : నర్సింగరావు
– ఈ సినిమాకు హరిప్రసాద్ చౌరాసియా వేణు గానాన్ని అందించాడు.
– 11 నిమిషాల నిడివిగల ఈ డాక్యుమెంటరీ జాతీయ స్థాయిలో స్పెషల్ జ్యూరీ అవార్డు (1991), ఆంధ్రప్రదేశ్ రజత నంది పురస్కారం (1991) గెలుపొందింది.
– ఈ సినిమా ప్రేరణతో సేవ్ ది రాక్స్ సొసైటీ వంటి సంస్థలను స్థాపించారు.

శ్యామ్ బెనెగల్
– ఈయన 1934 డిసెంబర్ 14న బ్రిటిష్ కంటోన్మెంట్ ఆధీనంలో ఉన్న తిరుమలగిరి (సికింద్రాబాద్)లో జన్మించారు.
– ఈయన తండ్రి శ్రీధర్ బెనెగల్ ప్రముఖ ఫోటోగ్రాఫర్.
– శ్యామ్ బెనెగల్ హైదరాబాద్‌లోని నిజాం కళాశాలలో చదివి ఆర్థిక శాస్త్రంలో మాస్టర్ డిగ్రీ పూర్తి చేశారు. ఆ సమయంలోనే హైదరాబాద్ ఫిలిం సొసైటీని ఏర్పాటు చేశారు.
– శ్యామ్ బెనెగల్ సుప్రసిద్ధ భారతీయ చలనచిత్ర దర్శకుడు, రచయిత.
– తన వైవిధ్య చిత్రాలతో మధ్యతరం భారతీయ సినిమాలో ఒక కొత్త ఒరవడిని సృష్టించిన దర్శకులు.
– 900 ప్రయోజిత కార్యక్రమాలు, ప్రకటనలు, డాక్యుమెంటరీలు రూపొందించి మంచి పేరు ప్రఖ్యాతులు పొందారు.
– 1966-73 మధ్యకాలంలో పుణెలోని ఫిలిం అండ్ టెలివిజన్ ఇన్‌స్టిట్యూట్ ఆఫ్ ఇండియాలో పాఠ్యాంశాలు బోధించారు.
– శ్యామ్ బెనెగల్ మొదటి చిత్రం అంకుర్ (1973). ఈ చిత్రాన్ని ఆంధ్రప్రదేశ్‌లో చోటుచేసుకున్న ఆనాటి ఆర్థిక, లైంగిక దోపిడీలను ఇతివృత్తంగా తీసుకొని చిత్రించారు.
– శ్యామ్ బెనెగల్ 1980-86 మధ్యకాలంలో జాతీయ చలనచిత్ర అభివృద్ధి సంస్థకు సంచాలకుడిగా పనిచేశారు.
– 14వ, 31వ మాస్కో అంతర్జాతీయ చలనచిత్రోత్సవాలకు జ్యూరీ సభ్యుడిగా పనిచేశారు.
– ఈయన ప్రస్తుతం ఫెడరేషన్ ఆఫ్ ఫిలిం సొసైటీస్ ఇన్ ఇండియాకు అధ్యక్షుడిగా కొనసాగుతున్నారు.
– ది చార్మింగ్ విత్ విజయ్ టెండూల్కర్ (1984), సత్యజిత్‌రే (1988), మార్కెట్ ప్లేస్ (1989) వంటి మూడు ప్రముఖ పుస్తకాలను తాను తీసిన చిత్రాల ఆధారంగా శ్యామ్ బెనెగల్ రచించారు.
– చలనచిత్ర రంగంలో శ్యామ్ బెనెగల్ చేసిన విశేష కృషికి 1976లో పద్మశ్రీ అవార్డు, 1991లో పద్మభూషణ్, 2005లో దాదాసాహెబ్ పాల్కే అవార్డు, 2013లో అక్కినేని నాగేశ్వర్‌రావు జాతీయ అవార్డు అందుకున్నారు.

1 . మా భూమి, 1946 తెలంగాణ

– నిర్మించిన సంవత్సరం : 1979
– నిర్మాతలు : బి. నర్సింగరావు,
జి. రవీంద్రనాథ్
– దర్శకుడు : గౌతమ్ ఘోష్
– సంగీతం : వింజమూరి సీతాదేవి
– నిర్మాణ సంస్థ : చైతన్య చిత్ర ఇంటర్నేషనల్
– తారాగణం : సాయిచంద్, కాకరాల, రామిరెడ్డి, భూపాల్‌రెడ్డి, యాదగిరి
– సినిమాటోగ్రఫీ : కమల్‌నాయక్
– కథ : కిషన్‌చందర్
– కళాదర్శకుడు : తోట వైకుంఠం
– తెలంగాణ మట్టి చరిత్రలో నైజాంల నుంచి భారత ప్రభుత్వానికి అధికార బదిలీ జరిగిన ఘట్టానికి సంబంధించిన ప్రహసనంలో ఎన్నో ప్రాణాలు బలయ్యాయి. అన్నింటిని మించి రైతులందరి కంటే ఓ సామూహిక శ్రామికస్వర్గ స్వప్నం భగ్నమైంది. ఈ ఛిద్రమైన శకలాలకు భగ్నమైన స్వప్నాలకు హ్యూమన్ డాక్యుమెంట్‌గా నిర్మించిన సినిమా మా భూమి.
– కిషన్‌చందర్ రచించిన జబ్‌ఖేత్ జాగే అనే నవల అనువాదమైన పొలాలు మేల్కొన్న జైత్రయాత్ర ఆధారంగా మా భూమి సినిమాను నిర్మించారు.
– జబ్‌ఖేత్ జాగే అనే నవలను తెలుగులోకి అనువదించినవారు విశాలాంధ్ర.
– మా భూమి సినిమా 1980లో విడుదలైంది. తెలంగాణ సాయుధ పోరాట నేపథ్యంలోని కొన్ని వాస్తవాలు, సంఘటనలు జోడించి స్క్రిప్టును అభివృద్ధి చేశారు.
– మెదక్ జిల్లాలోని మంగళ్‌పర్తిలోని గ్రామస్తులు ఈ సినిమాలోని ఒక సన్నివేశంలో నటించారు.
– ఈ సినిమాలో ప్రధాన పాత్రలు
1. త్రిపురనేని సాయిచంద్ (రామయ్య)
2. కాకరాల రామయ్య (వీరయ్య)
3. ఎంబీవీ ప్రసాద్‌రావు (జమీందార్)
– ఈ సినిమాలోని ప్రముఖ పాటలు :
1. పల్లెటూరి పిల్లగాడా పసులగాసే మొనగాడా
– సుద్దాల హన్మంతు (రచన),
సంధ్య (గాయని)
2. బండెనక బండికట్టి పదహారు బండ్లు కట్టి
– బండి యాదగిరి (రచన)
అవార్డులు
1. బెస్ట్ ఫీచర్ ఫిలింగా నంది అవార్డు
2. ఫిలిం ఫేర్ అవార్డు ఫర్ బెస్ట్ ఫిలిం