ట్రిపుల్‌ఐటీ ప్రవేశాల జాబితా విడుదల
నిర్మల్‌ జిల్లా బాసర ట్రిపుల్‌ఐటీలో 2022-23 విద్యాసంవత్సరం ప్రవేశాలకు ఎంపికైన విద్యార్థుల జాబితా విడుదలైంది. మొత్తం 1,500 సీట్లకు 33,005 దరఖాస్తులు వచ్చాయి. 1,404 సీట్లు నిండాయి. ఈ జాబితాను సోమవారం వర్సిటీలో ఇన్‌చార్జి వీసీ వెంకటరమణ, డైరెక్టర్‌ సతీశ్‌కుమార్‌ విడుదల చేశారు. మిగిలిన 96 సీట్లను స్పోర్ట్స్‌, పీహెచ్‌, క్యాప్‌తోపాటు 105 గ్లోబల్‌ క్యాటగిరి సీట్ల జాబితాను త్వరలోనే విడుదల చేస్తామని ఇన్‌చార్జి వీసీ తెలిపారు. మెరిట్‌ జాబితాలో 99 శాతం ప్రభుత్వ పాఠశాలల విద్యార్థులే ఎంపికయ్యారు. సీట్లు పొందినవారిలో బాలికలే అధికంగా ఉన్నారు.
జాబితాను admissions.rgukt.ac.inలో పెట్టారు. సీటు పొందిన విద్యార్థులకు ఈ నెల 28 నుంచి 30 వరకు కౌన్సెలింగ్‌ నిర్వహిస్తారు. ఉదయం 9 గంటల వరకు దరఖాస్తులో పొందుపరిచిన సర్టిఫికెట్లతో కళాశాలలో హాజరు కావాల్సి ఉంటుంది.
